Nehemi 1:7 - Sră Goh 2018

⁷ Bol hi neh lơh bơta tìs mơ Yàng oă ngan, ò lơh jat bơta sồr lam, bơta sơnio lam mơ bơta boh lam Kơnràñ dê, mơ Kơnràñ neh sồr Môise, dĭ gơna Kơnràñ dê.

Nehemi 1:7 ပူးပေါင်းရင်းမြစ်များ

I Ală Bơtau 2:3

Prap gàr tĕ ală bơta Jehôwa Yàng Tom Trồ kòn dê neh sồr, lòt tĕ tòm gùng dà Kơnràñ dê, prap gàr ală bơta lơh nền mơ jơnau sồr Kơnràñ dê, bơta sồr lam mơ cơng tàng Kơnràñ dê, be neh cih tòm bơta Boh lam Môise dê, tồ kòn in geh bơtoah bơtoài tòm jơh ală bơta kòn lơh mơ tòm jơh ală tiah kòn lòt,

II Yal Yau 25:4

Mơya khai ò tơnchơt ală kòn sau bol hơ̆ dê, jat be neh cih tòm sră bơta boh lam Môise dê, mơ Yàng Jehôwa neh sồr: “Mè bèp ò kong tơnchơt ala ală kòn in, hala ală kòn ò kong tơnchơt ala mè bèp in; mơya jơh tơl nă pal kong chơt bơh glài is he dê.”

II Yal Yau 27:2

Khai lơh bơta di niam di đap mat Yàng Jehôwa, kung be Ujia bèp khai neh lơh, mìng khai ò lơh ală alai tòm hìu duh khoai Yàng Jehôwa dê. Mơya làng bol kư̆ lơh jat ală bơta ƀơ̆ iơh.

Ejra 7:6

hơ̆ la Ejra do neh rê bơh Babilôn. Khai la dô nă cau git jak tòm bơta boh lam Môise dê, mơ Yàng Jehôwa la Yàng Tom Trồ Israel dê neh ai khai in; mơ bơtau neh ai khai in jơh ală bơta khai neh dan, tài bơh tê Yàng Jehôwa la Yàng Tom Trồ khai dê ơm hơđang khai.

Đơs Crih 106:6

Bol hi mơ ồng pàng bol hi neh tìs glài; Bol hi tìs tòm bơta tồi glài iơh bơsak mơ lơh bơta jàñ bơsak.

Đơs Crih 89:31

Dilah bol khai tòmdră mơ jơnau sồr Añ jê, Ò prap gàr ală bơta sồr lam Añ jê,

Đơs Crih 89:32

Gen Añ rơp ngui gai nàng lơh glài bol khai bơh bơta tìs glài bol khai dê. Mơ pù ơlih bol khai bơh bơta tồi glài iơh bơsak bol khai dê.

Esai 1:4

Ơ hơh! Lơgar lơi gơs bềng tồi glài, làng bol àñ kơnjơ̆ bơta tồi glài iơh bơsak, jơi bơtiàn lơh bơta iơh bơsak, ală kòn sau gơlềng gơlàng ne! Bol khai neh sang lòi Yàng Jehôwa, sền òsơp di Bơtau Sàng Goh Israel dê, bol khai neh gơlik be cau crih mat ngan.

Daniel 9:11

Jơh tơl nă cau Israel neh lơh tìs mơ bơta boh lam Kơnràñ dê mơ dô pleh, nàng ò dòn bơr Kơnràñ. Behơ̆, bơta srat sơntơm, mơ bơta lơh glài neh cih tòm bơta boh lam Môise la cau duh broă Yàng Tom Trồ dê, neh tuh hơđang bol hi, tài bơh bol hi neh tìs glài tòmdră mơ Kơnràñ.

Daniel 9:13

Jơh ală bơta rung rài do neh tuh hơđang bol hi tòm toh be neh cih tòm bơta boh lam Môise dê. Bulah behơ̆ bol hi kung ò rac dan bơta nđàc Jehôwa Yàng Tom Trồ bol hi dê, pơrlac sang bơh bơta iơh bơsak bol hi dê, mơ ơn nùs kơlôi dê bơta dòn song Kơnràñ dê.

Sră Ôse 9:9

Bol khai gơkram jrô tòm bơta tìs nrah bol khai dê be tòm ală ngai Gibea dê. Yàng Tom Trồ rơp kah wơl bơta iơh bơsak bol khai dê, mơ rơp lơh glài tài bơh tồi glài bol khai dê.

Lebi 27:34

Hơ̆ la ală bơta sồr lam cau Israel in mơ Yàng Jehôwa neh ai Môise in hơđang mơnơm Sinai.

Sôphôni 3:7

Añ neh đơs is lah: “Ngan ƀòn dờng rơp duh rngòt di Añ, mơ gơ rơp dòp bơta bơto lơh niam wơl, tiah gơ dê rơp ò kong tơnroh, gơ rơp ò roh jơh ală bơta Añ neh cèng tus hơđang gơ.” Mơya bol khai sơlo lin rlau tai lơh ală bơta iơh rmơh.

Malaci 4:4

“Kah wơl tĕ bơta bơto sồr dĭ gơna Añ jê la Môise, ală bơta sồr lam mơ boh lam mơ Añ neh ai khai in hơđang mơnơm Hôrep, nàng ai jơh làng bol Israel in.

Yal Wơl 4:1

Ơ Israel, tŭ do iat tĕ ală bơta lơh nền mơ ală bơta boh lam mơ añ rơp bơto bol mê. Lơh jat ală bơta hơ̆ tồ bol mê geh kis mơ rgơi mut mơ dòp geh lơgar Jehôwa Yàng Tom Trồ ală ồng pàng bol mê dê ai bol mê in.

Yal Wơl 4:5

Sền tĕ, añ neh bơto bol mê in git ală bơta lơh nền mơ ală bơta boh lam mơ Jehôwa Yàng Tom Trồ añ jê neh sồr añ, tồ bol mê rgơi lơh jat tòm lơgar bol mê rơp mut mơ dòp lơh gơs sre brê.

Yal Wơl 5:1

Môise pơjum jơh Israel mơ đơs lah: “Ơ Israel, iat tĕ ală bơta lơh nền mơ ală bơta boh lam mơ añ bơto yal tòm tồr bol mê tòm ngai do. Bơtê tĕ mơ lơh nền lơh jat ală bơta hơ̆.

Yal Wơl 6:1

Do la ală gơnoar sồr, ală bơta lơh nền mơ ală bơta boh lam mơ Jehôwa Yàng Tom Trồ bol mê dê neh sồr añ bơto bol mê prap gàr tòm lơgar mơ bol mê rơp tiă Jordan mơ dòp geh,

Yal Tơlik 19:2

Bơh ală bơta cahrña Kơnràñ dê la song ngan mơ song ring; Kơnràñ neh lơh nền glài cau ùr dri tơlàr dờng, la cau neh ai bơta rềs àr bơrnàn khai dê nàng lơh ồm lề plai ù, mơ Kơnràñ neh sal tê di khai bơh mhàm ală dĭ gơna Kơnràñ dê.”