Nehemi 1:6 - Sră Goh 2018

⁶ Añ dan Yàng wèt tồr iat, pò mat Kơnràñ dê, iat jơnau hòi dan cau duh broă Kơnràñ dê, mơ tŭ do añ hòi dan di đap Kơnràñ sùm ngai mơ mang ală dĭ gơna Kơnràñ in la làng bol Israel. Yal ală tồi glài ală làng bol Israel dê, la ală tồi glài bol hi neh tòmdră mơ Kơnràñ. Tồi glài să tòm añ mơ hìu nhă añ neh tìs glài.

Nehemi 1:6 ပူးပေါင်းရင်းမြစ်များ

I Ală Bơtau 8:30

Dan iat bơta hòi dan dĭ gơna Yàng dê mơ làng bol Israel Yàng dê, tòm tŭ bol khai hòi dan wèt hơ tiah do; Dan iat tĕ, bơh hơđang trồ la tiah ơm Kơnràñ dê; dan dòp jơnau mơ toh glài.

I Ală Bơtau 8:47

dilah tòm lơgar mơ bol khai kong jàm, bol khai kơlôi sơnơng wơl, gơjrañ sang glài, mơ rac dan mơ Yàng lah: ‘Bol hi neh tìs glài, lơh bơta iơh bơsak, mơ lơh dô bă iơh rmơh;’

II Yal Yau 28:10

Mơ tŭ do bol mê kòñ kup ală cau klau mơ cau ùr Juda mơ Jerusalem lơh be dĭ bol mê dê. Mơya ñchi bol mê neh tìs glài tòmdră mơ Jehôwa Yàng Tom Trồ bol mê dê taih?

II Yal Yau 29:6

Bơh ồng pàng bol he dê neh ò dòn song mơ neh lơh bơta iơh di đap mat Jehôwa Yàng Tom Trồ bol he dê. Bol khai neh sang lòi Kơnràñ, mơ neh wèt muh mat bol khai dê ngài bơh di tiah ơm sùm sùm Yàng Jehôwa dê mơ wèt ngkòi bol khai dê.

II Yal Yau 6:40

Tŭ do, ơ Yàng Tom Trồ añ jê, dan lòi mat Yàng pò mơ tồr Yàng ơm iat jơnau añ hòi dan bơh tiah do.

Ejra 10:1

Tòm tŭ Ejra hòi dan mơ yal glài, ñìm rac mơ tơmbic să di đap hìu Yàng Tom Trồ dê, gơs dô mpồl gal ngan cau Israel, cau klau, cau ùr mơ cau kơnòm dềt, pơjum bal gùt dar khai, bol khai kung ñìm rac sràt bơtang ngan.

Ejra 10:11

Tŭ do yal glài tĕ di đap Yàng Jehôwa la Yàng Tom Trồ ală ồng pàng bol mê dê, mơ lơh jat tĕ nùs kòñ Kơnràñ dê. Cah is tĕ să tòm bol mê bơh di ală làng bol ơm gùt dar bol mê mơ bơh di ală bau ùr làng bol bơdìh bol mê dê.”

Nehemi 1:11

Ơ Yàng Jehôwa, dan iat jơnau hòi dan dĭ gơna Kơnràñ dê mơ jơnau hòi dan ală cau hòn chò duh rngòt di sơnđan Kơnràñ. Dan ai bơta bơtoah bơtoài cau duh broă Kơnràñ in tòm ngai do, mơ ai cau bơtau in gơs nùs nđàc sơngit di đap añ do.” Mơ tai, tŭ hơ̆ añ la cau yò ñô bơtau in.

Đơs Crih 102:17

Kơnràñ rơp wèt sền jơnau hòi dan cau dồn sa rƀah dê, mơ ò sền òsơp di jơnau rac dan bol khai dê.

Đơs Crih 106:6

Bol hi mơ ồng pàng bol hi neh tìs glài; Bol hi tìs tòm bơta tồi glài iơh bơsak mơ lơh bơta jàñ bơsak.

Đơs Crih 130:2

Ơ Yàng, dan iat jơnau añ! Dan wèt tồr Kơnràñ dê iat jơnau rac dan añ jê.

Đơs Crih 32:5

Añ neh yal tơlik glài añ jê Yàng in, ò pồn bơta tồi glài iơh bơsak añ jê; Añ đơs lah: “Añ rơp yal ală bơta tìs glài añ jê Yàng Jehôwa in,” Gen Yàng neh toh bơta tồi glài añ jê.

Đơs Crih 34:15

Mat Yàng Jehôwa dê wèt sền cau song ring, Tồr Kơnràñ dê kơno jơnau hòi dan bol khai dê.

Đơs Crih 55:17

Mho, drim mơ gùl ngai, añ rac ròc mơ pơt wòl, Mơ Kơnràñ rơp kơno jơnau đơs añ jê.

Đơs Crih 88:1

Ơ Yàng Jehôwa, la Yàng Tom Trồ bơta dong klàs añ jê, tòm trồ mang añ rac dan di đap Yàng.

Esai 6:5

Tŭ hơ̆ añ đơs: “Bòl glar añ in! Dut rài añ rau! Bơh añ la cau gơs sơndồi ƀơ̆ ƀơl, mơ añ kis digùl dô nơm làng bol gơs sơndồi ƀơ̆ ƀơl, mơ bơh mat añ neh gŏ Bơtau la Yàng Jehôwa Gơnap Gơnoar Dờng.”

Ñìm Rac 5:7

Ồng pàng bol hi dê neh tìs glài, bol khai ò gam kis tai. Bol hi neh ơnòng tồi glài bol khai dê.

Daniel 9:15

Mơ tŭ do, ơ Yàng la Yàng Tom Trồ bol hi dê, la Bơtau neh ai tê gơnoar pràn nàng cèng làng bol Kơnràñ dê lik bơh lơgar Ejiptơ mơ neh lơh pơnro sơnđan Kơnràñ dê jơl tus di ngai do; ai bol hi neh tìs glài, neh lơh bơta iơh bơsak.

Daniel 9:20

Tòm tŭ añ gam đơs mơ hòi dan, yal glài añ jê mơ glài làng bol Israel añ jê, jơh nùs rac dan mơ Jehôwa Yàng Tom Trồ añ jê, tài bơh mơnơm sàng goh Yàng Tom Trồ añ jê

Daniel 9:4

Behơ̆, añ hòi dan mơ Jehôwa Yàng Tom Trồ añ jê, yal glài mơ đơs lah: “Ơ Yàng la Yàng Tom Trồ dờng rlau jơh mơ pal rơm să rngòt, Kơnràñ prap gàr jơnau ho bal tòm bơta kòñ gơboh kơ̆ dơn gơwèt hơ ală cau kòñ gơboh dê Kơnràñ mơ lơh jat ală bơta sồr lam Kơnràñ dê.

Daniel 9:5

Bol hi la cau tồi glài mơ lơh tìs, bol hi la iơh bơsak mơ tòmdră mơ Yàng, bol hi neh pơrlơ̆ sang ală bơta sồr lam mơ ală bơta boh lam Yàng dê.

Daniel 9:8

Ơ Yàng, bol hi bal mơ ală cau bơtau, ală cau kwang at bồ, ală ồng pàng bol hi dê pal kong bơta ƀàssìl ƀàsso tài bơh bol hi neh tìs glài tòmdră mơ Kơnràñ.

Luka 18:7

Behơ̆, Yàng Tom Trồ ò di ò cahrña song ring ală cau geh sac rwah Kơnràñ in, la ală cau ngai mơ mang hòi dan mơ Kơnràñ, mơ òbat ho mơ bol khai ơ?

Luka 2:37

mơ do neh ơm bơnrau phàm jơt poan nam rau. Mò ò gơs tŭ lơi lik bơh di hìu duh khoai, ngai mơ mang kư̆ duh broă Yàng, ơt sào mơ hòi dan.

Ephesô 2:3

Lài òr bol he jơh tơl nă kung lơh lòt bal mơ bol khai, kis tòm bơta hàm kòñ is poac să dê, lơh ală bơta poac să mơ nùs kơlôi kòñ, ngan la cau rơp kong bơta gơjrañ dờng Yàng dê, kung be cau ndai.

I Timôthe 5:5

Cau ngan la ùr bơnrau mơ ơm is dô nă khai gen neh gơs nùs gơn kơnòm di Yàng Tom Trồ, ngai mơ mang kư̆ hòi dan, rac dan mơ Yàng.

II Timôthe 1:3

Añ ưnngài Yàng Tom Trồ la Bơtau añ duh broă mơ nùs tồr sàng goh, be ồng pàng añ neh lơh, bơh añ kah mê ò dơh ngai mơ mang tòm tŭ hòi dan.

I Jang 1:9

Dilah bol he yal glài he dê, gen Kơnràñ la Bơtau lơh jat jơnau ho Kơnràñ dê mơ la Bơtau song ring rơp toh glài bol he in, mơ rào bol he in goh jơh ală bơta ò song ring.

I Samuel 15:11

“Añ wòl să bơh neh bơtào Sol lơh gơs bơtau at bồ, tài bơh khai neh pơrlac sang Añ mơ ò lơh gơlik gơs jat be jơnau Añ neh sồr khai.” Samuel gơjrañ ngan, khai rac dan mơ Yàng Jehôwa jơh mang.