Nahum 3:18 - Sră Goh 2018

¹⁸ Ơ cau bơtau Asiri, ală cau ê mê dê neh bic lơhă; ală cau ryŭ ryơm mê dê neh bic rlô. Làng bol mê dê nrah nring hơđang ală mơnơm, ò gơs cau lơi pơjum bol khai wơl.

Nahum 3:18 ပူးပေါင်းရင်းမြစ်များ

I Ală Bơtau 22:17

Gen Mice ho lah: “Añ gŏ jơh Israel kong nrah nring hơđang ală mơnơm, be belàt ò gơs cau ê; mơ Yàng Jehôwa đơs lah: ‘Ală cau hơ̆ ò gơs cau tòm; kòp nă rê wơl tĕ hìu he lơngap lơngai.’”

Lik Ejiptơ 15:16

Bơta rngòt rngơt rơp dùh hơđang bol khai. Ơ Yàng Jehôwa! Bơh gơnap gơnoar tơwòr tê Kơnràñ dê, bol khai rơp ơm mŏ mŏ kung be lŭ, jơl tus di tŭ lơi làng bol Kơnràñ dê lòt gan, jơl tus di tŭ làng bol Kơnràñ neh tơwài lòt gan.

Esai 13:14

Be dô nơm il cau mòc, hala be belàt ò gơs cau wĕ bol gơ; Jơh tơl nă rơp rê wơl hơ làng tòm he dê, mơ jơh tơl nă rơp dô rê hơ lơgar tòm bol khai dê.

Esai 47:1

Ơ kòn ơruh dềt Babilôn dê, mù tĕ nggui tòm thul ơmul! Ơ kòn ùr cau Kalde, mù nggui tĕ tòm ù, ò gơs sơbàn! Bơh ai rơp ò tai geh sơnđan la lơbơn mơ hàng mơnĕ tai.

Jeremi 50:18

Behơ̆ gen, Yàng Jehôwa Gơnap Gơnoar, Yàng Tom Trồ Israel dê đơs be do: “Behơ̆ tàng, Añ rơp lơh glài bơtau Babilôn mơ lơgar khai, kung be neh lơh glài bơtau Asiri.

Jeremi 51:39

Tòm tŭ bol khai duh trơàl, Añ rơp yò phan ñô bol khai in ñô, jơl tus hừh nùs, Mơ bol khai bic tơn jơl sùm sùm, mơ ò tŭ lơi kah rngal wơl;” Yàng Jehôwa đơs behơ̆.

Jeremi 51:57

Bơtau, sơnđan Kơnràñ la Yàng Jehôwa Gơnap Gơnoar, đơs: Añ rơp lơh ală kwang dờng, ală cau jak chài gơ dê bơñul kung behơ̆ sơl ală kwang đơng, ală kwang dong kòl, bal mơ ală ling jak tòmlơh gơ dê, Bol khai rơp bic jơl sùm sùm Ò tŭ lơi kah rngal wơl tai.”

Yal Tơlik 6:15

Gen ală bơtau tòm plai ù, ală cau dờng ryŭ, ală kwang at bồ mpồl ling, ală cau pas gơs, ală cau gơnoar pràn, jơh ală cau dĭ gơna, mơ ală cau geh khat gơboh, bol khai pồn să he tòm ală trồm lŭ mơ digùl ală pơnai lŭ hơđang ală mơnơm.