Nahum 2:9 - Sră Goh 2018

⁹ Tòmpìt ai tĕ priă! Tòmpìt ai tĕ màh! Gơs đam jàr ò lồi jơh, ală phan kas màng tơngkah tơngkañ ngan!

Nahum 2:9 ပူးပေါင်းရင်းမြစ်များ

II Yal Yau 36:10

Tòm kơnhai bơkào chi che bơtau Nebukatnessar sồr cau kup khai cèng tus hơ Babilôn, bal mơ ală phan ngui kas màng bơh di hìu duh khoai Yàng Jehôwa dê, mơ bơtào wa khai la Jedekia gơs bơtau at bồ hơđang Juda mơ Jerusalem.

Esai 33:1

Bòl glar mê in, ơ cau tơnroh cau, mê la cau òhềt kong tơnroh! Ơ mê la cau pơrlơ̆ dră, mơ ală cau òhềt kong pơrlơ̆ dră! Tòm tŭ mê neh sir tơnroh cau, mê rơp kong tơnroh; mơ tòm tŭ mê sir pơrlơ̆ dră di cau, mê rơp kòl cau pơrlơ̆ dră.

Esai 33:4

Ơ ală lơgar, phan kup geh bol mê dê rơp kòl tơrgòm be ală tu kòng kìm; cau brồ tus hơđang gơ be dô mpồl srah nting.

Jeremi 25:34

Ơ ală cau ê, ñìm rac tĕ, pơt wòl tĕ! Ơ ală cau ê mpồl belàt, pơrlac tĕ să tòm bùh! Tài bơh ală ngai bol mê kong tơnchơt neh tus rau, mơ ngai mê kong nrah nring neh tus; Bol mê rơp gơpừ mơ bơcah kung be gri màng ryŭ.

Jeremi 46:5

Ñchi bơta Añ neh gŏ taih? Bol khai rngòt rngơt, ruc wơl; Ală ling kong lơh gơprah gơpring, sơrbac sơrbang ntoat dô ò sền wơl đah ngkòi. Bơta rngòt rngơt làm jơh gùt dar, Yàng Jehôwa đơs behơ̆.

Jeremi 51:56

Tài bơh cau tơnroh neh tus tòmdră mơ khai Tòmdră mơ Babilôn. Ală cau pràn kơldang gơ dê kong kup, Àtak bol khai dê neh pă; Bơh Yàng Jehôwa la Yàng Tom Trồ sal wơl, Kơnràñ rơp tơm wơl wil tơl.

Ejekiel 26:12

Bol khai rơp tòmpìt sơmbrơt phan mơna mê dê, phà kơñau ală phan kă bro mê dê; bol khai rơp pòng tơrlah ală dơrñang mê dê mơ phà tơnroh ală hìu niam mơnĕ mê dê, mơ tuh sang ală lŭ, chi, mơ thul ơmul mê dê tòm dàlềng.

Daniel 11:8

Tòm tŭ rê wơl, khai kung cèng tus tòm lơgar Ejiptơ ală rùp duh khoai kas màng bal mơ ală phan ngui mơ màh mơ priă tai sơl. Tòm dô êt nam, khai dơh wơl ò brồ lơh bơtau đah đang.

Nahum 3:17

Ală cau ling kơp gàr ai dê la kung be srah nting, ală cau kwang duh broă ai dê kung be ală mpồl srah nting; gơ rơp hơđang ală dơrñang tòm dô ngai noat mrềt, mơya tòm tŭ mattơngai lik, gơ par roh thit, ò gơs cau lơi git tiah lơi gơ neh lòt.

Yal Tơlik 18:12

ală phan hơ̆ la màh, priă, lŭ màng, lŭ kràng màng, bài che dơmài lơbơn, dà gur, bơteh, dà pơrhê, tơl ală bơta chi ƀô, tơl ală phan mơ bla, tơl ală phan mơ chi màng mơ kòng mơ lòs mơ lŭ sàr,

Yal Tơlik 18:16

“Nđàc sơngit ngan, pơlai soh ngan ƀòn dờng ne, la ƀòn neh soh bài che dơmài lơbơn, dà gur, dà pơrhê, sơmpô să mơ màh, lŭ màng mơ lŭ kràng màng.