Nahum 2:13 - Sră Goh 2018

¹³ Yàng Jehôwa Gơnap Gơnoar Dờng Làm Jơh đơs lah: “Añ tòmdră mơ mê, Añ rơp chu pơrguc ală rơndeh mê tòm ñhŭ, mơ đào rơp sa loan ală klìu triă brồ dam; Añ rơp tơnroh phan kup geh bơh di ù, mơ sap đơs ală cau kong sồr mê dê rơp ò gam kơno tai.”

Nahum 2:13 ပူးပေါင်းရင်းမြစ်များ

II Ală Bơtau 18:17

Bơtau Asiri sồr Tartan, Rapsaris, mơ Rapsake, la ală kwang dờng at bồ mpồl ling khai dê, lam bal dô mpồl ling oă bơh Lakis tus hơ bơtau Ejekia tòm Jerusalem. Bol khai tus hơ Jerusalem mơ ơm ntào di tơmbòr dà đah đang tơnau, ơm di gah ƀlàng sre cau òs pìh phan.

II Ală Bơtau 18:19

Rapsake đơs mơ bol khai lah: “Bol mê đơs tĕ mơ Ejekia lah: Bơtau Asiri la bơtau dờng, đơs be do: Mê dòn kơnòm di ñcau taih?

II Ală Bơtau 19:23

Mê neh kơnòm ală cau kong sồr he bơrsèl tơnhial Yàng. Mơ đơs lah: “Añ cèng oă rơndeh tòmlơh, guh hơđang bồ mơnơm, tus di tiah jơnhoa ngài ngan Liban dê; añ rơp kơl ală chi pơnàng jơnhoa rlau jơh, mơ chi nho rề niam rlau jơh gơ dê; añ rơp tus di tiah ngài rlau jơh, hơ̆ la brê dơr gơ dê.

II Ală Bơtau 19:9

Tŭ bơtau kơno jơnau bơh Tirhakah bơtau Ethiôpi lah: “Ne, khai neh tus nàng tòmlơh mơ bơtau.” Gen, Sennacerip sồr cau lòt tus hơ Ejekia mơ nting sồr lah:

II Yal Yau 32:19

Bol khai đơs bơh Yàng Tom Trồ Jerusalem dê kung be bol khai neh đơs bơh ală yàng ală làng bol ndai tòm plai ù la broă lơh tê kòn mơnus dê.

Đơs Crih 46:9

Kơnràñ wàs jơh kơlìn làm jơh plai ù, Dơrpă ală àtak, koh ală tà gơs rpot rpet, Mơ chu ală rơndeh ơseh tòm ồs.

Jeremi 21:13

Yàng Jehôwa đơs: ‘Do, ơ ală cau ơm tòm thòng, Ơ pơnai lŭ tòm ƀlàng ring ne, Añ tòmdră mơ bol mê, La ală cau khin đơs lah: Ñcau rơp mù tòmdră mơ bol he? Ñcau rgơi mut tòm tiah bol he ơm crŭ taih?’”

Jeremi 46:14

“Yal tơlik tĕ tòm Ejiptơ; yal Mikdôl in, Yal tơnggit Nôp mơ Tahpanhes in, đơs lah: ‘Mut ơm tĕ tòm toh di tiah ơm, mơ rcang kơp, Bơh đào neh loan gùt dar mê.’

Jeremi 50:31

Yàng, la Yàng Jehôwa Gơnap Gơnoar, đơs: “Ơ làng bol pơnhừ să ne! Añ tòmdră mơ mê; Bơh ngai mê neh tus, Hơ̆ la tŭ Añ rơp lơh glài mê.

Jeremi 51:25

Yàng Jehôwa đơs: “Ơ mơnơm bơta tơnroh ne, Añ tòmdră mơ mê, La cau neh tơnroh jơh dunnia! Añ rơp pò tê Añ tòmdră mơ mê, rơp pơrlă mê dùh bơh hơđang lŭ klềr, Lơh mê in gơlik gơs mơnơm kong chu.

Ejekiel 13:8

Gen tàng, Jehôwa Yàng Tom Trồ đơs be do: ‘Tài bơh ală jơnau tìs mơ ală bơta gơtơnggŏ blac bol mê dê; do, Añ tòmdră mơ bol mê,’ Yàng Jehôwa đơs behơ̆.

Ejekiel 21:3

mơ đơs mơ ù tiah Jerusalem lah: ‘Yàng Jehôwa đơs be do: Añ tus nàng tòmdră mơ mê. Añ rơp tă đào Añ jê bơh di sơmprồm nàng tơnroh bơh di mê ală cau song ring mơ ală cau iơh bơsak.

Ejekiel 26:3

Gen tàng Jehôwa Yàng Tom Trồ đơs lah: ‘Ơ Tirơ! Do, Añ tòmdră mơ mê, mơ Añ rơp chồl oă lơgar tus tòmdră mơ mê, kung be ryà dàlềng gơrơndul khuh behơ̆ sơl.

Ejekiel 28:22

mơ đơs tĕ lah: Jehôwa Yàng Tom Trồ đơs be do: ‘Ơ Sidôn, Añ tòmdră mơ mê, mơ Añ rơp geh gơklŏ bơh digùl mê, bol khai rơp git Añ la Yàng Jehôwa, tòm tŭ Añ lơh gơlik gơs bơta cahrña hơđang gơ mơ yal tơlik să tòm Añ la sàng goh tòm gơ.

Ejekiel 29:10

gen tàng, Añ tòmdră mơ mê tòmdră mơ ală croh dà mê dê, mơ Añ rơp lơh lơgar Ejiptơ gơlik gơs tiah tơrlah tơrling, tiah sang lòi srau gòi bơh Mikdôl tus Siene, ngài tus di nhàr lơgar Ethiôpi dê.

Ejekiel 29:3

Đơs tĕ mơ yal lah: Jehôwa Yàng Tom Trồ đơs be do: ‘Ơ Pharaôn, bơtau Ejiptơ, Añ tòmdră mơ mê, mê la dô nơm phan poan jơng cù kìr bic rò digùl ală hiòng dà. Mê đơs lah: “Hiòng Nil gơrê bal mơ añ, añ neh lơh gơs gơ să tòm añ in.”

Ejekiel 35:3

mơ đơs mơ gơ lah: Jehôwa Yàng Tom Trồ đơs be do: ‘Ơ mơnơm Seir, Añ tòmdră mơ mê! mơ Añ rơp pò tê tòmdră mơ mê, lơh mê in gơlik gơs dô bă tiah srau gòi mơ ngềt ngơt.

Ejekiel 38:3

mơ đơs lah: Jehôwa Yàng Tom Trồ đơs be do: ‘Ơ Gok bơtau dờng Mesek mơ Tubal dê, Añ tòmdră mơ mê

Ejekiel 39:1

“Ơ kòn mơnus, đơs hwơr tĕ tòmdră mơ Gok mơ đơs lah: Jehôwa Yàng Tom Trồ đơs be do: ‘Ơ Gok, bơtau Rôs, Mesek mơ Tubal dê, Añ tòmdră mơ mê.

Ejekiel 5:8

Gen tàng, Jehôwa Yàng Tom Trồ đơs be do: ‘Añ, să tòm Añ tus tòmdră mơ mê, Añ rơp cahrña mê di đap ală làng bol.

Nahum 2:12

Klìu triă neh crè tơl phan brê kòn gơ in sa, mơ tơnchơt phan kup geh klìu triă me in, gơ tơmbềng rgồng gơ mơ phan kup geh, tơmbềng trồm gơ mơ poac crè sa.

Nahum 3:1

Bòl glar, ƀòn dờng lơh gơhòr mhàm in, jơh ală la bơta đơs blac, bềng bơta tòmpìt tòmhà, bơta ntung kơñau ò tŭ lơi lồi.

Nahum 3:12

Jơh ală theng kơ̆ cê ai la kung be ală tòm chi ƀal gơs plai bồ sơnam neh dum, dilah cau rơnggô gơ gen plai gơrung gơdùh tơn di bơr cau sa gơ.

Nahum 3:15

Tềng hơ̆ ồs rơp sa pơrguc ai, đào rơp sreh tơnchơt ai, sa loan ai kung be ală srah nting. Tơnggơs bơtơl tĕ kung be srah, tơnggơs tĕ oă kung be ală srah nting!

Nahum 3:5

Yàng Jehôwa Gơnap Gơnoar Dờng Làm Jơh đơs lah: “Añ rơp hồ tă ồi mbơn ai dê, mơ jơm muh mat ai mơ Añ rơp lòi ală làng bol in sền gŏ bơta ơm kuh lòi rồ ai dê, mơ ală lơgar sền gŏ bơta ƀàssìl ƀàsso ai dê.

Jôsue 11:6

Yàng Jehôwa đơs mơ Jôsue lah: “Bañ rngòt di bol khai bơh di jơ do ngai hìng, Añ rơp jào phi jơh bol khai tòm tê Israel dê nàng tơnchơt; mê rơp koh kơjòn ală ơseh bol khai dê, mơ chu ală rơndeh lòs tòmlơh bol khai dê tòm ồs.”

Jôsue 11:9

Jôsue lơh di bol khai jat be jơnau Yàng Tom Trồ neh sồr khai lơh; khai koh kơjòn ală ơseh bol hơ̆ dê mơ chu ală rơndeh lòs tòmlơh bol khai dê tòm ồs.