Mice 7:19 - Sră Goh 2018

¹⁹ Kơnràñ rơp kòñ nđàc tai di bol he, Kơnràñ rơp jă trơm ală tồi glài bol he dê hơđơm jơng Kơnràñ mơ sang sơrbì jơh ală bơta tồi glài iơh bơsak bol he dê tòm ală tiah jrô dàlềng dê.

Mice 7:19 ပူးပေါင်းရင်းမြစ်များ

II Samuel 24:14

Dabit đơs mơ Gat lah: “Añ ơm tòm bơta bòl glar moat jrùng dờng ngan! Lòi tĕ bol he dùh tòm tê Yàng Jehôwa bơh bơta kòñ nđàc Kơnràñ dê la dờng ngan; mơya bañ lòi añ dùh tòm tê kòn mơnus.”

Đơs Crih 103:12

Đah mattơngai lik la ngài mơ đah mattơngai mut kàr lơi, Gen Kơnràñ kung tă sang bơta tìs glài bol he dê ngài kàr hơ̆ sơl.

Đơs Crih 130:8

Kơnràñ rơp tơwài Israel bơh di jơh ală bơta tồi glài iơh bơsak bol khai dê.

Đơs Crih 85:3

Yàng neh tơnruc jơh bơta gơhào gơjrañ Kơnràñ dê, Neh pơrlac wơl bơta gơjrañ dờng Yàng dê.

Esai 33:24

Ò gơs cau lơi ơm tòm Siôn rơp đơs lah: “Añ kòp jê,” cau ơm tềng hơ̆ rơp geh toh bơta tồi glài bol khai dê.

Esai 38:17

Ngan, añ kong bơta jê sồt moat jrùng añ jê, hơ̆ la bơta lơngai lơngò añ in; mơya Yàng neh sơmbat wơl rài kis añ jê, klàs bơh trồm jrô tơnroh; Yàng neh sơrbì jơh ală tồi glài añ jê, đah ngkòi Kơnràñ dê.

Esai 43:25

Añ, să tòm Añ la Bơtau jùt sang jơh ală bơta tìs glài mê dê; tài bơh să tòm Añ, Añ ò kah tai ală bơta tồi glài mê dê.

Jeremi 31:20

Epraim ò di la kòn klau gơboh đềt mềr Añ jê ơ? La kòn mơ Añ niam nùs ò ơ? Bulah Añ òs lah pơrhơng khai, Añ gam kah khai sùm. Gen tàng nùs Añ rngoh rngac ngan bơh khai; Nền cê ngan Añ rơp nđàc sơngit di khai,” Yàng Jehôwa đơs behơ̆.

Jeremi 31:34

Bol khai kòp nă rơp ò bơto cau gơp ƀòn he hala oh mi he, mơ lah: ‘Đal git tĕ Yàng Jehôwa!’ Tài bơh bol khai jơh tơl nă rơp đal git Añ, cau dềt kung be cau dờng.” Yàng Jehôwa đơs: “Añ rơp toh bơta iơh bơsak bol khai dê, mơ ò kah bơta tìs bol khai tai.”

Jeremi 33:8

Añ rơp lơh goh jơh ală bơta iơh bơsak bol khai neh tìs glài tòmdră mơ Añ; Añ rơp toh jơh ală bơta iơh bơsak bol khai neh tìs glài mơ Añ mơ tòmdră mơ Añ.

Jeremi 50:20

Yàng Jehôwa đơs: “Tòm ală ngai hơ̆ mơ tòm tŭ hơ̆, cau rơp jòi bơta iơh Israel dê, mơ rơp ò gơs dô nơm glài tai; jòi tồi glài Juda dê, mơ rơp ò gŏ dô nơm glài lơi tai ò; bơh Añ rơp toh glài ală cau tòm mpồl bol khai mơ Añ neh lòi wơl.”

Ñìm Rac 3:22

Bơta kòñ gơboh kơ̆ dơn Yàng Jehôwa ò tŭ lơi gơkòl tơnroh. Bơta kòñ nđàc Kơnràñ dê ò tŭ lơi lồi jơh;

Ñìm Rac 3:32

Bulah Kơnràñ neh lơh jê sồt moat jrùng, Kơnràñ rơp nđàc sơngit jat bơta tơngkah tơngkañ nùs kòñ gơboh kơ̆ dơn Kơnràñ dê;

Ejekiel 18:22

Ò gơs dô nơm tồi glài lơi khai neh tìs rơp gơkòl tơngkah wơl tòmdră mơ khai. Tài bơh ală bơta song ring khai neh lơh gen khai rơp kis.

Ejekiel 39:29

Añ rơp ò tŭ lơi pồn mat Añ tai bơh di bol khai, tòm tŭ Añ rơp tuh Hwềng Añ hơđang hìu Israel, Jehôwa Yàng Tom Trồ đơs behơ̆.”

Daniel 9:24

Poh jơt nơm poh neh gơs lơh nền hơđang làng bol mê dê mơ ƀòn dờng sàng goh mê dê: nàng pơndut bơta tìs glài, tơnlồi bơta tồi glài, mơ tơwài bơta iơh bơsak, mơ cèng tus bơta song ring gam sùm sùm, nàng lơh gơlik di ngan bơta gơtơnggŏ mơ jơnau gơnoar hwơr, mơ bong mơñà Tiah Sàng Goh Ngan in.

Sră Ôse 14:2

Bol mê ai tĕ jơnau đơs mơ rê wơl hơ Yàng Jehôwa; đơs tĕ mơ Kơnràñ lah: “Dan toh jơh ală bơta tồi glài bol hi dê; mơ dòp rò tĕ bơta lơi la niam, behơ̆ bol hi rơp ơn jơnau jòng ro bơh sơndồi bol hi ala kơnrồ dam.

Sră Ôse 14:4

Añ rơp sơmbòi bơta ò dòn song bol khai dê, Añ rơp kòñ gơboh dê bol khai jơh nùs; bơh bơta gơjrañ Añ jê neh pơrlac bơh di bol khai.

Sacari 3:4

Cau gơnrơh đơs mơ ală cau ơm ntào di đap khai lah: “Hồ tĕ ồi ào ƀơ̆ ƀơl bơh di khai.” Gen cau gơnrơh đơs mơ Jôsua lah: “Sền tĕ, Añ neh tă sang bơta tồi glài mê dê, mơ Añ rơp tơnsoh ồi ào bơta pơjum neh jing bơka mê in.”

Rôma 6:14

Bơh tồi glài ò geh at bồ hơđang oh mi tai; bơh oh mi ò di ơm tòm gơnoar bơta boh lam dê, mơya ơm tòm gơnoar bơta nđàc dê.

Rôma 8:13

Bơh dilah oh mi kis jat poac să gen pal chơt; mơya dilah oh mi kơnòm di Yàng Hwềng tơnchơt ală broă să jan dê gen oh mi rơp geh kis.

Yal Wơl 30:3

gen Jehôwa Yàng Tom Trồ bol mê dê rơp tơm wơl phan mơna bol mê dê, mơ gơs nùs nđàc sơngit di bol mê, mơ pơjum tơrgòm bol mê bơh di ală lơgar mơ Kơnràñ neh rsìh bol mê.

Yal Wơl 30:6

Jehôwa Yàng Tom Trồ bol mê dê rơp siat gơltau nùs bol mê dê mơ nùs ală kòn sau bol mê dê, tồ bol mê rơp jơh nùs mơ jơh hwềng soàn kòñ gơboh di Jehôwa Yàng Tom Trồ bol mê dê, nàng bol mê in geh kis.

Yal Wơl 32:36

Ngan Yàng Jehôwa rơp cahrña làng bol Kơnràñ dê, mơ gơs nùs nđàc sơngit di ală cau duh broă Kơnràñ dê, tòm tŭ Kơnràñ gŏ bơta pràn kơldang bol khai dê ò gam tai, bulah cau dĭ hala cau khat gơboh kung ò gam wơl.

Sră Pơyoa Pol Dê Pơyoa Tit In 2:14

la Bơtau neh phi să bơh bol he nàng tơwài bol he bơh jơh ală bơta tồi glài iơh bơsak, mơ bơh să tòm Kơnràñ mơ lơh sàng goh dô nơm làng bol gơrê hơ Kơnràñ, la làng bol gơs nùs ngac ngar tòm ală broă niam.

Hebrơ 8:12

Bơh Añ rơp ai nùs kòñ nđàc nàng toh ală bơta tồi glài iơh bơsak bol khai dê, Ò kah ală tồi glài bol khai dê tai.”

I Jang 3:8

Cau lơi tìs glài la bal mơ cà ràk, bơh cà ràk tìs glài bơh sơnròp. Mơ tai, Kòn Yàng Tom Trồ neh tơlik mat nàng tơnroh ală broă cà ràk dê.