Mice 7:13 - Sră Goh 2018

¹³ Mơya plai ù rơp gơlik gơs tiah sang lòi ngềt ngơt tài bơh ală cau ơm tòm hơ̆, mơ bơh cồng nha broă lơh bol khai dê.

Mice 7:13 ပူးပေါင်းရင်းမြစ်များ

Sră Jop 4:8

Jat be bơta añ neh sền gŏ, cau lơi lơòr bơta iơh bơsak, Mơ cau lơi sih bơta dơrcul gen toès wơl ală bơta hơ̆.

Jơnau Pơnđik 1:31

Behơ̆ tàng bol khai rơp sa plai đo gơlik bơh gùng dà bol khai dê, Mơ geh hừh nùs bơh kai gơrmơ̆i să tòm bol khai dê.

Jơnau Pơnđik 31:31

Ai tĕ khai in plai đo tê khai dê: lòi tĕ ală broă khai dê jòng ro khai di mpồng ƀòn.

Jơnau Pơnđik 5:22

Ală cau iơh bơsak rơp kòl tồi glài bol khai dê kup bol khai kung be yar dă; Mơ bol khai kòl kơt bơh bơta bòl glar ală tồi glài bol khai dê.

Esai 17:9

Tòm ngai hơ̆, ală ƀòn dờng kơ̆ cê bol khai dê rơp kung be ală tiah sang lòi ngềt ngơt tòm brê hala hơđang mơnơm. Hơ̆ la ală tiah neh gơkòl sang lòi di đap kòn sau Israel dê; hơ̆ la tiah srau gòi.

Jeremi 17:10

Añ, Yàng Jehôwa, sền sơwì tòm dơngoh, Lòng tòm nùs, Tơm wơl kòp nă cau in jat gùng bol khai lòt, Cồng nha jat ală broă lơh bol khai dê.”

Jeremi 21:14

Yàng Jehôwa đơs: “Añ rơp lơh glài bol mê jat be cồng nha broă lơh bol mê dê; Añ rơp sing ồs tòm dơr brê bol mê, Ồs rơp sa loan jơh ală phan gùt dar gơ.”

Jeremi 25:11

Jơh lơgar do rơp gơlik gơs tiah sang lòi ngềt ngơt cù kìr, ală lơgar do rơp dòn duh bơtau Babilôn tòm poh jơt sơnam.’

Jeremi 32:19

Ală tơnggume broă Kơnràñ dê la dờng, ală broă lơh Kơnràñ dê la gơs gơnoar pràn. Gar mat Kơnràñ dê pò sền jơh ală gùng dà kòn mơnus dê, nàng tơm wơl kòp nă cau in jat gùng dà khai dê, mơ jat cồng nha broă lơh khai dê.

Ejekiel 12:19

Đơs tĕ mơ làng bol tòm lơgar lah: Do la jơnau Jehôwa Yàng Tom Trồ đơs bơh ală cau ơm tòm Jerusalem mơ ơm tòm lơgar Israel: ‘Bol khai rơp sa phan sa bol khai dê tòm bơta rngòt rngơt, mơ hùc dà bol khai dê tòm bơta kơlôi rngòt, bơh ală phan hơđang lơgar bol khai dê rơp gơkòl tă cèng jơh tài bơh bơta iơh bơsak jơh ală làng bol ơm tòm hơ̆.

Ejekiel 33:28

Añ rơp lơh lơgar in gơlik tiah srau gòi, bơta pràn kơldang mơ bol khai jòng să rơp roh thit, mơ ală mơnơm Israel dê rơp gơlik gơs ngềt ngơt tian gơs ò gơs dô nă cau lơi lòt gan tềng hơ̆ tai.

Mice 3:12

Gen tàng, tài bơh bol mê Siôn rơp kong troă kung be ƀlàng sre; Jerusalem rơp gơlik gơs dô gơnru lề lac, mơ mơnơm hìu duh khoai dê rơp gơlik brê dơr.

Mice 3:4

Gen bol khai rơp hòi mơ Yàng Jehôwa, mơya Kơnràñ rơp ò ho wơl bol khai in. Tŭ hơ̆ Kơnràñ rơp pồn mat Kơnràñ dê bơh bol khai, tài bơh bol khai neh lơh bơta iơh bơsak.

Mice 5:3

Gen tàng Israel rơp gơkòl sang lòi jơl tus di tŭ cau ùr jê deh neh deh kòn mơ cau oh mi gam wơl Kơnràñ dê rơp rê wơl lơh gơs dô bă bal mơ kòn sau Israel dê.

Mice 6:13

Behơ̆ tàng Añ neh rơp sơntòm tơnroh mê, lơh mê in kòl tơnroh tài bơh ală tồi glài mê dê.