Mice 6:6 - Sră Goh 2018

⁶ Añ rơp cèng phan lơi tus di đap Yàng Jehôwa mơ cùn khoai di đap Yàng Tom Trồ hơđang jơnhoa taih? Añ rơp tus di đap Kơnràñ bal mơ ală phan ơn chu pơrguc, bal mơ ală kơnrồ kòn dô nam sơl ơ?

Mice 6:6 ပူးပေါင်းရင်းမြစ်များ

II Samuel 21:3

Dabit lùp cau Gabaôn lah: “Ñchi bơta añ pal lơh bol mê in taih? Mbe añ kòñ lơh nàng tơwài glài nàng dan bol mê ai lơngai sre brê Yàng Jehôwa in taih?”

Đơs Crih 116:12

Ñchi phan añ rơp tơm wơl Yàng Jehôwa in taih? Bơh jơh ală bơta dờng ơnàng Kơnràñ neh lơh añ in.

Đơs Crih 22:29

Ngan jơh ală cau pơnhừ să tòm dunnia rơp cùn khoai di đap Kơnràñ; Jơh ală cau òs chơt, la ală cau ò rgơi pleh klàs di bơta chơt, Rơp cùn khoai di đap Kơnràñ.

Đơs Crih 95:2

Bol he ai tĕ jơnau ưnngài mơ lòt tus di đap Yàng; Bol he ai tĕ jơnau ntas dờng hòn chò mơ đơs chò jòng ro Kơnràñ!

Đơs Crih 95:6

Bol he lòt tus tĕ tơmbic să mơ duh khoai; Bol he cùn gơltang tĕ di đap Yàng Jehôwa, la Bơtau crơng gơs bol he!

Lik Ejiptơ 12:5

Kup tĕ bơh di mpồl belàt hala mpồl bol mê dê dô nơm belàt dam hala dô nơm be dam tơl dô nam ò sồt rmàñ.

Lik Ejiptơ 23:15

Pơjum sa tĕ ngai wèr Piang Lă Ò Gơs Kañ jat be jơnau Añ neh sồr bol mê; sa tĕ piang lă ò gơs kañ tòm poh ngai. Lơh tĕ behơ̆ tòm jơ neh lơh nền tòm kơnhai Abip, bơh tòm kơnhai hơ̆ bol mê lik klàs bơh di Ejiptơ. Bañ gơs cau lơi tơlik mat di đap Añ mơ mpàng tê gòi.

Jơnau Pơnđik 15:8

Phan ơn duh khoai cau iơh bơsak ai lơh cù kìr Yàng Jehôwa in; Mơya jơnau hòi dan cau song ring dê geh niam nùs Kơnràñ.

Jơnau Pơnđik 21:3

Lơh jat bơta song ring mơ song ngan geh niam nùs Yàng Jehôwa rlau mơ phan ơn duh khoai.

Esai 40:16

Chi hơđang mơnơm Liban ò tơl sing ồs hơđang cơnòng duh khoai, ală phan poan jơng tềng hơ̆ kung ò tơl lơh gơs phan ơn chu duh khoai.

Jeremi 6:20

Behơ̆, ñchi kwơ cèng kơlhô tus bơh Seba Añ in, Chi ƀô lơngồt tus bơh lơgar ngài? Phan ơn chu bol mê dê ò geh dòp, Phan ơn pơdơng bol mê ò niam nùs Añ.”

Ejekiel 46:9

Tòm tŭ làng bol tòm lơgar tus di đap Yàng Jehôwa tòm ală ngai pơjum sa neh lơh nền, cau lơi mut bơh mpồng đah đang nàng duh khoai gen pal lik bơh mpồng đah đơm; mơ cau lơi mut bơh mpồng đah đơm gen pal lik bơh mpồng đah đang. Bañ gơs cau lơi rê wơl bơh di mpồng mơ khai neh mut, mơya kòp nă pal lik bơh mpồng đah tòm toh mat gơ dê.

Daniel 3:26

Gen bơtau Nebukatnessar tus rềp hơ mpồng bơnhă ồs, mơ ai jơnau hòi lah: “Ơ Sadrak, Mesak mơ Abetnegô la cau duh broă Yàng Tom Trồ Hơđang Rlau Jơh dê, lik tĕ mơ lòt tus hơ do!” Gen Sadrak, Mesak mơ Abetnegô lik bơh digùl bơnhă ồs.

Daniel 4:9

“Ơ Beltesassar, cau at bồ ală cau jak chài Babilôn dê, añ git la hwềng ală yàng sàng goh dê ơm tòm mê, mơ ò gơs dô bơta ndơp ndơr lơi la kalke mê in. Do la bơta mpau añ neh gŏ, yal tơlik tĕ jơnau gơtha gơ dê añ in.

Daniel 5:18

Ơ bơtau, Yàng Tom Trồ Hơđang Rlau Jơh neh ai sơbàn bơtau, gơnoar dờng, bơta jòng ro mơ bơta ryŭ ryơm bèp bơtau in la Nebukatnessar.

Daniel 5:21

Khai kòl bơtrơh bơh digùl kòn mơnus, nùs khai gơlik gơs be nùs phan poan jơng, mơ khai ơm bal mơ ală alàng brê. Cau ai khai in sa ñhơt kung be kơnrồ, mơ să jan khai kong sùh mơ dà tŭ bơh đang trồ jơl tus di tŭ khai đal git lah Yàng Tom Trồ Hơđang Rlau Jơh at bồ tòm lơgar kòn mơnus, mơ Kơnràñ kòñ ai gơnoar at bồ cau lơi in jat nùs kòñ Kơnràñ dê.

Sră Ôse 5:6

Bol khai cèng bal ală mpồl belàt mơ ală mpồl kơnrồ bol khai dê nàng jòi jat Yàng Jehôwa; mơya bol khai rơp ò bàn Kơnràñ; Kơnràñ neh lik bơh di bol khai.

Amôs 5:22

Bulah bol mê cèng Añ in ală phan ơn chu pơrguc mơ ală phan ơn mơ kòi mbo, Añ rơp ò dòp ală phan ơn hơ̆. Bulah bol mê cèng ală phan ơn bơta ring lơngai mơ dơngi phan poan jơng bol mê dê, Añ ò wèt mat di bol gơ ò.

Khà Làng Bol 7:51

dô nơm kơnrồ dam gam dềt, dô nơm belàt dam mơ dô nơm belàt dam tơl dô nam, lơh gơs dô nơm phan ơn chu pơrguc;

Mathiơ 19:16

Ne, gơs dô nă cau tus lùp Yàng Jesu lah: “Ơ Cau Bơto, añ pal lơh broă niam lơi nàng geh bơta kis gam sùm sùm taih?”

Jơnau Niam Jat Mak 12:33

Mơ kòñ gơboh di Yàng jơh nùs, jơh dơngoh jak, jơh pràn, mơ kòñ gơboh di cau gơp ƀòn he be să tòm he, hơ̆ la bơta dờng màng rlau mơ jơh ală phan ơn mơ ală phan ơn duh khoai ndai tai sơl.”

Jơnau Niam Jat Mak 5:7

mơ hòi driau dờng lah: “Ơ Yàng Jesu, Kòn Yàng Tom Trồ Hơđang Rlau Jơh, gơs ñchi jơnau digùl añ mơ Kơnràñ taih? Añ ai sơnđan Yàng Tom Trồ nàng rac dan mơ Kơnràñ dan bañ lơh bòl glar di añ.”

Luka 10:25

Ne, gơs dô nă cau bơto bơta boh lam ñă ntào nàng lòng Yàng Jesu lah: “Ơ Cau Bơto, ñchi bơta añ pal lơh nàng geh pơrdòn bơta kis gam sùm sùm taih?”

Jang 6:26

Yàng Jesu ho lah: “Di ngan, Añ đơs ngan mơ bol mê, bol mê jòi Añ ò di bơh neh gŏ ală tềl krơi, mơya bơh bol mê neh sa hòm piang lă jat be nùs kòñ.

Broă 16:17

Khai jat Pol mơ bol hi, hòi driau lah: “Ală cau do la dĭ gơna Yàng Tom Trồ Hơđang Rlau Jơh dê, bơto yal bol mê in bơta dong klàs.”

Broă 16:30

chòp tơlik bàr nă bol khai hơ bơdìh mơ lùp lah: “Ơ ală ồng, ñchi añ pal lơh tồ geh dong klàs taih?”

Broă 2:37

Tòm tŭ kơno ală jơnau hơ̆ gen nùs bol khai jê sồt ngan, bol khai lùp mo Pier mơ ală cau gơnoar bơto dờng ndai lah: “Ơ oh mi, mbe bol hi pal lơh taih?”

Ephesô 3:14

Tài bơh bơta hơ̆ añ cùn gơltang di đap Yàng Bèp,

Hebrơ 10:11

Cau gơnoar ơn phan duh khoai kòp ngai ntào duh broă mơ ơn ală phan ơn duh khoai ndròm bal sùm, la bơta ò gơs tŭ lơi rgơi tă sang tồi glài;

I Samuel 15:22

Mơya Samuel đơs lah: “Yàng Jehôwa niam nùs di ală phan ơn chu pơrguc mơ ală phan ơn duh khoai kung be niam nùs di bơta lơh jat jơnau đơs Yàng Jehôwa dê sơl ơ? Bơta dòn bơr la niam rlau mơ phan ơn duh khoai, mơ bơta iat jơnau la niam rlau mơ dơngi ală belàt dam.