Mice 6:5 - Sră Goh 2018

⁵ Ơ làng bol Añ jê, kah wơl tĕ ală bơta Balak bơtau Môap bơtào kai gơrmơ̆i; mơ ñchi jơnau Balaam kòn klau Beô neh ho wơl khai, mơ ñchi bơta neh gơlik gơs tòm gùng bơh Sitim tus hơ Gilgal, tồ bol mê in git broă lơh dong klàs Yàng Jehôwa dê.”

Mice 6:5 ပူးပေါင်းရင်းမြစ်များ

Đơs Crih 111:4

Kơnràñ jòi geh bơta prap kah bơh ală broă crih crài Kơnràñ dê, Yàng Jehôwa la kòñ nđàc mơ gơs nùs nđàc sơngit.

Đơs Crih 143:11

Ơ Yàng Jehôwa, tài bơh sơnđan Kơnràñ, dan sền gàr bơta kis añ jê; Bơh bơta song ring Kơnràñ dê, dan tă añ lik klàs bơh bơta gơlòng bòl glar.

Đơs Crih 36:10

Dan Yàng kư̆ kòñ gơboh kơ̆ dơn di ală cau dòp git Kơnràñ, Mơ kư̆ dong klàs ală cau gơs nùs song ring.

Đơs Crih 71:19

Ơ Yàng Tom Trồ, gơnap gơnoar mơ bơta song ring Kơnràñ dê jơnhoa tus di ală tap trồ. Kơnràñ la Bơtau neh lơh ală broă dờng ngan; Ơ Yàng Tom Trồ, ñcau rgơi ndròm be Kơnràñ taih?

Esai 1:27

Siôn rơp geh tơwài wơl mơ gơlik gơs song ngan, ală cau gơjrañ sang glài rê wơl gen rơp geh kòp la song ring.

Khà Làng Bol 22:41

Àng drim hìng, Balak lam Balaam guh hơ Bamôt Baal, mơ bơh tềng hơ̆ khai sền gŏ dô pơnah mpồl làng bol Israel dê.

Khà Làng Bol 23:27

Gen Balak đơs mơ Balaam lah: “Tus tĕ, lòi añ lam mê tus hơ dô bă tiah ndai. Digơlan Yàng Tom Trồ rơp niam nùs lòi mê srat sơntơm bol khai tềng hơ̆.”

Khà Làng Bol 25:1

Tòm tŭ Israel ơm tòm Sittim, ală cau klau rơp sơntòm tìs glài rềs àr mơ ală cau ùr Môap.

Khà Làng Bol 25:2

Ală cau ùr hơ̆ neh jà bol khai sa ală phan ơn duh khoai ală yàng bol khai dê. Làng bol neh sa mơ cùn khoai di đap ală yàng hơ̆.

Khà Làng Bol 31:16

Bol khai la ală cau neh lơh jat jơnau bơyai Balaam dê, mơ la ală cau neh lơh Israel in pơrlac sang Yàng Jehôwa tòm bơta neh gơlik gơs di tiah Pheor, tian gơs dô bơta pluh plàng neh tơnchơt làng bol Yàng Jehôwa dê.

Khà Làng Bol 31:8

Digùl ală cau neh gơkòl tơnchơt gơs Ebi, Rekem, Jur, Hur mơ Reba la pram nă cau bơtau Midian dê. Bol khai kung ai đào tơnchơt Balaam kòn klau Beô dê.

Khà Làng Bol 33:49

Tềng hơ̆, tòm ală ƀlàng ring Môap bol khai bơtào sàl ơm rò gah hiòng Jordan bơh di Bet Jesimôt tus hơ Abel Sittim.

Ephesô 2:11

Behơ̆, kah wơl tĕ lah lài òr jat poac să oh mi la cau làng bol bơdìh, gơtìp cau kong siat gơltau tòm poac să bơh tê cau lơh, bol khai sơnđan oh mi la cau ò kong siat gơltau;

Yal Wơl 16:3

Bañ sa gơ mơ piang lă gơs kañ, mơya tòm poh ngai sa tĕ piang lă ò gơs kañ, la piang lă bòl glar jê sồt, tài bơh bol mê sang lòi Ejiptơ dô bă sơrbac sơrbang, tồ tòm jơh rài kis bol mê dê bol mê rgơi kah wơl tŭ jơ bol mê lik lòt bơh di Ejiptơ.

Yal Wơl 23:6

Jơl jơh rài kis bol mê dê bañ tŭ lơi jòi bơta ring lơngai mơ bol khai, hala lơh bơta gơs kwơ bol khai in.

Yal Wơl 8:18

Mơya kah tĕ Jehôwa Yàng Tom Trồ bol mê dê, bơh hơ̆ Kơnràñ la Bơtau ai bol mê in bơta chài rgơi nàng lơh gơlik phan mơna, mơ behơ̆ Kơnràñ lơh nền bơta ho bal Kơnràñ dê mơ Kơnràñ neh srat să ho nền mơ ală ồng pàng bol mê dê be neh gơs tòm ngai do.

Yal Wơl 8:2

Kah tĕ mbe Jehôwa Yàng Tom Trồ bol mê dê neh tề lam bol mê tòm jơh gùng dà tòm ƀlàng ngềt ngơt tòm poan jơt nam neh rlau, nàng tơnliah să bol mê, lòng bol mê nàng git ñchi bơta neh gơs tòm nùs bol mê dê, sền bol mê rơp prap gàr ală jơnau gơnoar sồr Kơnràñ dê hala ò.

Yal Wơl 9:7

Kah tĕ bơta do mơ bañ gơs tŭ lơi hŭi mbe bol mê neh bơrcek Jehôwa Yàng Tom Trồ bol mê dê gơhào gơjrañ tòm ƀlàng ngềt ngơt. Bơh di ngai bol mê lik bơh Ejiptơ jơl tus di tŭ bol mê tus hơ tiah do, bol mê kư̆ bơtào tòmdră mơ Yàng Jehôwa sùm.

Jôsue 2:1

Gen Jôsue kòn klau Nun dê, sồr bàr nă cau bơh Sittim lòt sền òm lơgar, mơ đơs lah: “Lòt tĕ sền òm làm lơgar, oă rlau jơh la Jerikô.” Behơ̆, bol khai lòt mơ mut tòm hìu dô nă cau ùr dri, sơnđan la Rahap mơ ơm mang tềng hơ̆.

Jôsue 3:1

Rìng àng drim, Jôsue guh bal mơ jơh làng bol Israel lik bơh Sitim mơ lòt tus hơ hiòng Jordan, bol khai bơtào sàl tềng hơ̆ lài mơ tŭ tiă hiòng.

Jôsue 4:19

Tòm ngai jơt kơnhai dùl, làng bol guh bơh hiòng Jordan mơ bol khai bơtào sàl tòm Gilgal di nhàr đah mattơngai lik ƀòn Jerikô dê.

II Pier 2:15

Bol khai neh sang gùng song mơ lòt tìs nrah, jat gùng Balaam kòn klau Beô dê, la cau hàm kòñ jền tơngai bơh broă iơh bơsak,

I Jang 1:9

Dilah bol he yal glài he dê, gen Kơnràñ la Bơtau lơh jat jơnau ho Kơnràñ dê mơ la Bơtau song ring rơp toh glài bol he in, mơ rào bol he in goh jơh ală bơta ò song ring.

Jude 1:11

Bòl glar bol khai in! Bơh bol khai neh jat gùng Kain dê, bơh hàm kòñ cồng nha gen phi să tòm bơta tìs nrah Balaam dê, mơ kòl roh rui tòm bơta tòmdră Kôra dê.

Yal Tơlik 2:14

Mơya gơs dô êt bơta Añ ò bài mê: Hơ̆ la tềng hơ̆ mê gơs cau ƀà jat bơta bơto sồr Balaam dê, la cau neh bơto Balak ơn dô pơnai lŭ gơtup jơng di đap kòn sau Israel nàng ơniai bol khai sa poac duh khoai rùp ràk mơ tìs glài rềs àr bơrnàn.

Ală Kwang Cahrña 11:25

Mê gơs pràn rlau mơ Balak kòn klau Jippor bơtau Môap sơl ơ? Gơs tŭ lơi khai neh tòmdră mơ Israel mơ gơs tŭ lơi khai neh lòt tòmlơh mơ bol khai sơl ơ?

Ală Kwang Cahrña 5:11

Bơh ală sap đơs ală cau đơs chò dê tòm ală tiah bơ̆ dà, bol khai yal wơl bơta pha lin Yàng Jehôwa dê, bơta pha lin ală cau lơh broă tùc tam tòm Israel. Gen làng bol Yàng Jehôwa dê mù tus di ală mpồng ƀòn dờng.

I Samuel 12:7

Gen tàng tŭ do, ntào tĕ tềng do nàng añ yă bol mê di đap Yàng Jehôwa, mơ añ rơp yal loh bol mê in bơh jơh ală broă gơnap gơnoar mơ Yàng Jehôwa neh lơh nàng dong tă bol mê mơ ală ồng pàng bol mê dê.