Mice 6:16 - Sră Goh 2018

¹⁶ Mê neh prap gàr ală bơta sồr lam Ômri dê, mơ jơh ală broă lơh hìu Ahap dê, mê neh lòt jat ală bơta bơyai bol khai dê. Gen tàng Añ rơp lơh mê in kòl sang srau gòi, làng bol mê tòm bơta bơtat bơtròh; Behơ̆ mê rơp kong àñ bơta sền òsơp làng bol Añ jê.

Mice 6:16 ပူးပေါင်းရင်းမြစ်များ

I Ală Bơtau 18:4

Tòm tŭ Jesebel tơnchơt jơh ală cau gơnoar hwơr Yàng Jehôwa dê, gen Apdia neh cèng dô rhiang nă cau gơnoar hwơr pồn bol khai pram jơt nă tòm kòp nơm rgồng lŭ, rcang bol khai in ƀañ mơ dà.)

I Ală Bơtau 9:8

Hìu duh khoai do, rơp gơlik dô gơnru tơrlah tơrlơm, kòp nă lòt gan kung ai lơh krơi, sền òsơp mơ đơs lah: ‘Ñchi bơh tài Yàng Jehôwa neh lơh bơta be do gơwèt mơ lơgar do mơ hìu duh khoai do taih?’

II Ală Bơtau 16:3

mơya khai lòt jat gùng ală cau bơtau Israel, tian gơs khai ơn kòn klau khai dê tòm ồs đòm krơh cù kìr ală làng bol mơ Yàng Jehôwa neh bơtrơh bơh di đap làng bol Israel.

II Ală Bơtau 21:3

Bơh khai bơt bơtào wơl ală tiah jơnhoa mơ Ejekia bèp khai neh phà tơrlah, bơtào wơl cơnòng duh khoai Baal, bơtào rùp ràk Asera tòm toh be Ahap bơtau Israel neh lơh, duh khoai ală sơmañ hơđang trồ mơ duh broă gơ.

II Yal Yau 22:4

Khai lơh bơta iơh di đap mat Yàng Jehôwa, kung be hìu Ahap neh lơh, bơh tơnơ̆ mơ tŭ chơt bèp khai gen bol khai gơlik gơs cau cri bơyai lam khai tus di tiah roh rui.

II Yal Yau 34:25

Tài bơh bol khai neh sang lòi Añ mơ neh chu kơlhô ală yàng ndai in mơ neh bơrcek Añ gơjrañ bơh jơh ală bơta tê bol khai neh lơh, gen bơta gơjrañ Añ jê rơp dùh hơđang tiah do mơ rơp ò rài ò.’

Đơs Crih 1:1

Lơngai cau lơi in ò jat jơnau bơyai cau iơh bơsak dê, Ò ntào tòm gùng cau glài, Ò nggui bal mơ cau dơñŏ tơnhial;

Đơs Crih 44:13

Yàng lơh bol hi in be phan cau gơp ƀòn hi dơñŏ tơnhial, Be phan bơtat bơtròh mơ bơrsèl tơnhial gùt dar bol hi.

Đơs Crih 44:14

Yàng lơh bol hi in be dô jơnau pơnđik digùl ală làng bol, mơ la dô jơnau dơñŏ tơnhial digùl ală làng bol.

Esai 25:8

Gen Jehôwa Yàng Tom Trồ rơp jùt dà mat bơh di jơh ală mat, mơ bơta sền òsơp làng bol Kơnràñ dê rơp tă tơlik jơh bơh di plai ù, Yàng Jehôwa neh đơs behơ̆.

Esai 9:16

Ală cau tề lam làng bol do neh lòt tìs nrah, mơ ală cau geh tề lam gơkòl roh rui.

Jeremi 19:8

Añ rơp lơh ƀòn dờng do gơlik gơs dô nơm phan cau in dơñŏ tơnhial bơh ală bơta rung rài gơ dê.

Jeremi 25:18

Ai Jerusalem mơ ală ƀòn Juda dê, ală bơtau mơ ală kwang at bồ gơ dê, lơh bol gơ in gơlik gơs tiah sang lòi ngềt ngơt, kong sền òsơp, kong srat sơntơm kung be ngai do;

Jeremi 25:9

do, Añ rơp sồr ală jơi bơtiàn đah đang bal mơ dĭ gơna Añ la Nebukatnessar, bơtau Babilôn, tus tòmdră mơ lơgar do, tòmdră mơ làng bol gơ dê, mơ ală lơgar ơm gùt dar. Añ rơp tơnroh jơh bol khai, lơh bol khai in gơlik gơs bơta cù kìr, dơñŏ tơnhial, mơ tơrlah tơrling sùm sùm.

Jeremi 29:18

Añ rơp ai pềs tà, jơgloh rung mơ pluh plàng ting jat bol khai, rơp lơh bol khai in gơlik dô bơta rngòt rngơt digùl ală lơgar tòm dunnia, lơh gơs bơta srat sơntơm, cù kìr, dơñŏ tơnhial, ƀàssìl ƀàsso digùl ală làng bol mơ Añ neh bơtrơh bol khai tus.”

Jeremi 51:51

Bol he ƀàssìl bơh neh kơno bơta dơñŏ tơnhial; Bơta ƀàssìl jơm muh mat bol he; Bơh cau bơdìh neh tus mut Tòm tiah sàng goh hìu Yàng Jehôwa dê.

Jeremi 7:24

Mơya bol khai ò dòn bơr, mơ ò ai tồr iat, kư̆ kơldang nùs tòm bơta iơh bơsak nùs kòñ bol khai dê, bol khai cơnđòa lòt tòm bơta kơlôi bơyai is bol khai dê, mơ tơnggòr hơ ngkòi, ò cơnđòa lòt hơđap.

Ñìm Rac 5:1

Khoai Yàng Jehôwa, dan kah ală bơta neh tơndùh hơđang bol hi; sền mơ gŏ bơta bơtat bơtròh di bol hi!

Ejekiel 39:26

Bol khai rơp hŭi bơta ƀàssìl ƀàsso bol khai dê mơ jơh ală bơta ò dòn song mơ bol khai neh gơwèt mơ Añ tòm tŭ bol khai ơm lơngap lơngai tòm lơgar bol khai dê, ò gơs cau lơi lơh bol khai in rngòt rngơt.

Daniel 9:16

Ơ Yàng, añ hòi dan mơ Yàng jat jơh ală bơta sồr lam song ring Kơnràñ dê, dan Yàng pơrlac sang bơta gơjrañ dờng Kơnràñ dê bơh dê Jerusalem la ƀòn dờng mơ la mơnơm sàng goh Kơnràñ dê. Tài bơh tồi glài bol hi dê mơ bơta iơh bơsak ồng pàng bol hi dê tàng Jerusalem mơ làng bol Kơnràñ dê pal kong bơta bơtat bơtròh bơh dê ală làng bol ơm gùt dar bol hi.

Sră Ôse 12:14

Yàng Jehôwa ngui dô nă cau gơnoar hwơr nàng dong tă Israel klàs bơh Ejiptơ mơ kơnòm di dô nă cau gơnoar hwơr nàng sền gàr bol khai.

Sră Ôse 5:11

Epraim kong rồn bơklơn, kong jă tơnlề tòm bơta cahrña, tài bơh khai neh lơh nền lòt jat ală bơta roh lơm.

Mice 2:6

Bol khai bơto lah: “Bañ đơs hwơr. Bañ đơs hwơr bơh ală bơta do; bơta dơñŏ tơnhial rơp ò tus hơđang bol he ò.”

Mice 6:13

Behơ̆ tàng Añ neh rơp sơntòm tơnroh mê, lơh mê in kòl tơnroh tài bơh ală tồi glài mê dê.

Yal Tơlik 2:20

Mơya bơta Añ ò bài mê, hơ̆ la mê lòi Jesabel, cau ùr sơnđan is să he la cau gơnoar hwơr, khai bơto sồr mơ pơrlồm ơniai ală dĭ gơna Añ jê tìs glài rềs àr bơrnàn mơ sa phan duh khoai rùp ràk.