Mice 6:12 - Sră Goh 2018

¹² Ală cau pas gơs bol mê dê bềng bơta jàñ bơsak; làng bol bol mê dê la ală cau đơs blac, lơmpiat blac pơrlồm tòm ală bơr bol khai dê.

Mice 6:12 ပူးပေါင်းရင်းမြစ်များ

Đơs Crih 120:2

“Ơ Yàng Jehôwa, dan dong tă añ klàs di bơr sơndồi đơs blac, Mơ di lơmpiat blac pơrlồm.”

Đơs Crih 35:20

Bơh bol khai ò đơs jơnau ring lơngai, Mơya bol khai bơyai blac pơrlồm tòmsò di ală cau ơm lơngai tòm ƀòn lơgar.

Đơs Crih 78:36

Mơya bol khai ai bơr mơ đơs rơmhòc mơ Kơnràñ, Ngui lơmpiat he đơs blac mơ Kơnràñ.

Esai 1:23

Ală cau kwang at bồ ai dê la cau pơrlơ̆ dră, lơh yô mơ cau ntung kơñau, jơh tơl nă bol khai hàm kòñ phan sa loă, mơ jòi ală phan ai gòi. Bol khai ò dong tò cau kòn đòi, ò pơnring bơta cau yă cau ùr bơnrau.

Esai 3:8

Bơh Jerusalem gen gơtup pừ, Juda gen gơtơrlơm; tài bơh ală jơnau đơs mơ broă lơh bol khai dê tòmdră mơ Yàng Jehôwa, bol khai sền òsơp di bơta gơs mat gơklŏ Yàng Tom Trồ dê.

Esai 5:7

Suơn ño Yàng Jehôwa Gơnap Gơnoar Dờng dê, hơ̆ la hìu Israel, mơ làng bol Juda la ală chi tam Kơnràñ kòñ gơboh. Kơnràñ kơp gơn bơta song ngan, mơya neh gŏ bơta lơh gơhòr mhàm; kơp gơn bơta song ring, mơya neh kơno jơnau nggà ñìm jê sồt bòl glar.

Jeremi 9:8

Lơmpiat bol khai la kam bih khih, Đơs tơlik jơnau blac chừt bơh bơr. Bol khai jơh tơl nă đơs jơnau niam mơ cau gơp ƀòn he, Mơya tòm nùs bol khai bơyai rcang pơt dô nơm dă.”

Sră Ôse 7:1

Tŭ lơi Añ kòñ sơmbòi Israel, gen ală bơta tồi glài Epraim dê mơ ală broă lơh iơh bơsak Samari dê gơkòl ràng tơlik. Bơh bol khai lơh bơta ma blac, ală cau ntung kơñau mut tòm dơlam, ală cau phà kơñau tòmpìt đah bơdìh.

Sră Ôse 7:13

Bòl glar bol khai in, tài bơh bol khai neh lòt tìs nrah ngài bơh Añ. Bơta gơprah gơpring dùh hơđang bol khai, tài bơh bol khai neh tòmdră mơ Añ. Añ kòñ dong tơwài bol khai, mơya bol khai đơs ală jơnau blac chừt tòmdră mơ Añ.

Amôs 2:4

Yàng Jehôwa đơs be do: “Bơh tồi glài Juda dê, oă rlau mơ pe, poan dơ̆. Añ rơp ò jùt sang bơta lơh glài gơ dê. Tài bơh bol khai neh sang lòi bơta boh lam Yàng Jehôwa dê, mơ ò prap gàr ală bơta sồr lam Kơnràñ dê; tài bơh bol khai gơkòl tề lam tìs nrah bơh ală bơta ma blac, jat ală gùng mơ ală ồng pàng bol khai dê neh lòt.

Amôs 6:4

Bol mê la ală cau bic hơđang ală cơnòng lơh mơ bla rwas, mơ bic rlô hơđang ală cơnòng jòng bol mê dê; Bol mê sa poac ală belàt kòn sac rwah bơh di mpồl mơ ală kơnrồ bơh wàng.

Sôphôni 1:9

Tòm ngai hơ̆, Añ rơp lơh glài jơh ală cau sơnđoh di ƀlong mpồng, ală cau tơmbềng hìu cau tòm bol khai dê mơ bơta rhung rhang mơ bơta sa kơrlơm.

Sôphôni 3:3

Ală kwang duh broă gơ dê ơluh ơhùm be klìu triă, ală kwang cahrña gơ dê kung be so rhau trồ mang, ò lòi wơl dô êt lơi tus diàng drim.

Broă 24:9

Ală cau Juda kung pơnjat tơn be jơnau yă hơ̆, mơ đơs nền la ngan behơ̆.

Rôma 3:13

“Rnồng dò bol khai be bơtô ƀồc pò bơk. Bol khai ngui lơmpiat he dê nàng pơrlồm.” “Tòm tiah sơndồi bol khai gơs bih khih bơs tur.”