Mice 3:11 - Sră Goh 2018

¹¹ Ală cau kwang lam bồ gơ dê cahrña bơh sa loă, ală cau gơnoar ơn phan duh khoai gơ dê bơto sồr bơh jền priă, mơ ală cau gơnoar hwơr gơ dê đơs hwơr bơh priă; bulah behơ̆ bol khai kơnòm di sơnđan Yàng Jehôwa mơ đơs lah: “Ngan gơs Yàng Jehôwa ơm digùl bol he, bơta rung rài rơp ò tus hơđang bol he!”

Mice 3:11 ပူးပေါင်းရင်းမြစ်များ

Jơnau Pơnđik 17:23

Cau iơh bơsak leng òm phan sa loă, nàng lơh tìs ală gùng cahrña.

Esai 1:23

Ală cau kwang at bồ ai dê la cau pơrlơ̆ dră, lơh yô mơ cau ntung kơñau, jơh tơl nă bol khai hàm kòñ phan sa loă, mơ jòi ală phan ai gòi. Bol khai ò dong tò cau kòn đòi, ò pơnring bơta cau yă cau ùr bơnrau.

Esai 48:2

Bol mê la cau sơnđan să he la làng bol ƀòn dờng sàng goh, mơ sơnđìng să di Yàng Tom Trồ Israel dê; Yàng Jehôwa Gơnap Gơnoar Dờng làm Jơh la sơnđan Kơnràñ dê:

Esai 5:23

la cau sa loă mơ cahrña cau gơs glài la song ring, mơ ò cahrña song ring cau ò gơs glài!

Esai 56:11

Bol khai la ală so jròk sa, bol khai ò gơs tŭ lơi hòm. Bol khai la ală cau ê belàt ò gơs bơta git wă; Jơh ală bol khai lòt jat gùng is bol khai dê, kòp nă jòi cồng nha is he in, cau lơi kung behơ̆ lơm.

Jeremi 23:17

Bol khai kư̆ yal mơ cau sền òsơp di Añ lah: ‘Yàng Jehôwa đơs, bol mê rơp geh lơngap lơngai.’ Kung đơs mơ ală cau cơnđòa jat bơta kơldang nùs he dê lah: ‘Ò gơs bơta rung rài lơi rơp gơtơntus hơđang bol mê.’

Jeremi 26:7

Ală cau gơnoar ơn phan duh khoai, ală cau gơnoar hwơr, mơ jơh làng bol neh kơno Jeremi đơs ală jơnau hơ̆ tòm hìu Yàng Jehôwa.

Jeremi 5:12

Bol khai neh pơndang sang Yàng Jehôwa, Mơ đơs lah: “Kơnràñ rơp ò lơh bơta lơi! Bơta rung rài rơp ò tus hơđang bol he; mơ bol he rơp ò sền gŏ đào hala bơta jơgloh rung.”

Jeremi 6:13

“Bơh tòm bol khai bơh cau dềt rlau jơh tus di cau dờng rlau jơh, kòp nă cau la hàm hà jòi cồng nha ò song ring, mơ cau gơnoar hwơr jơl tus cau gơnoar ơn phan duh khoai, jơh tơl nă lơh lòt ma blac.

Jeremi 7:4

Bañ dòn kơnòm di ală jơnau blac pơrlồm lah: “Do la hìu duh khoai Yàng Jehôwa dê, hìu duh khoai Yàng Jehôwa dê, hìu duh khoai Yàng Jehôwa dê.”

Jeremi 8:10

Gen tàng, Añ rơp jào bau ùr bol khai dê cau ndai in, Mìr sre bol khai dê cau phà tòmpìt in; Tài bơh, bơh cau dềt rlau jơh tus cau dờng rlau jơh, jơh tơl nă hàm hà cồng nha ò song ring; Bơh cau gơnoar hwơr jơl tus cau gơnoar ơn phan duh khoai, jơh tơl nă lơh lòt ma blac lơm.

Ejekiel 22:12

Digùl ai, cau dòp ală phan loă nàng lơh gơtuh mhàm; ai ai cau càn jền mơ sa cồng kơnjơ̆ ngan, mơ ai kơnòm di bơta sa kơrlơm cau ơm rềp mơ he mơ dòp cồng nha ò song ring. Mơ ai neh hŭi Añ, Jehôwa Yàng Tom Trồ đơs behơ̆.

Ejekiel 22:27

Ală kwang at bồ bol khai dê la kung be so rhao kap crè phan kup geh, bol khai lơh gơtuh mhàm mơ tơnchơt làng bol nàng dòp geh cồng nha ò song ring.

Ejekiel 34:2

“Ơ kòn mơnus, đơs hwơr tĕ tòmdră mơ ală cau ê belàt Israel dê; đơs hwơr, mơ đơs tĕ mơ bol khai la ală cau ê belàt lah: ‘Jehôwa Yàng Tom Trồ đơs be do: Ơ bol mê la ală cau ê Israel dê, bol mê la cau mìng ròng siam să tòm! Ò di ală cau ê pal ròng siam mpồl belàt ò ơ?

Sră Ôse 4:18

Tòm tŭ phan ñô bol khai dê neh jơh, bol khai lòt jat bơta ñô sa bơñul lơmbè tòm bơta rềs àr; bol khai kòñ gơboh bơta rềs àr rlau mơ bơta gơklŏ.

Sră Ôse 4:8

Bol khai ròng siam să bơh ală bơta tồi glài làng bol Añ jê, bol khai gơboh bơh bơta iơh bơsak làng bol Añ jê.

Amôs 5:14

Jòi jat tĕ bơta niam, bañ jòi jat bơta iơh, gen bol mê geh kis; mơ Jehôwa Yàng Tom Trồ Gơnap Gơnoar Dờng Làm Jơh, rơp ơm bal mơ bol mê; tòm toh be bol mê đơs.

Amôs 9:10

Jơh ală cau tồi glài tòm làng bol Añ jê rơp chơt bơh đào, hơ̆ la jơh ală cau đơs lah: ‘Rung rài rơp ò dùh hơđang bol he, hala tus rềp di bol he.’”

Mice 3:5

Do la jơnau Yàng Jehôwa đơs bơh ală cau gơnoar hwơr neh lam làng bol Añ jê tìs nrah, la cau hòi driau lah: “Ring lơngai!” Tòm tŭ bol khai ò gơs phan lơi nàng sa, gen bol khai yal tơnggit bơta kơlìn tòmdră mơ cau lơi ò cèng phan lơi bol khai in sa.

Mice 7:3

Jơh bàr đah tê bol khai chài rgơi lơh bơta iơh. Kwang at bồ mơ kwang cahrña lùp ală phan sa loă, cau gơs gơnoar pràn sồr ai phan lơi bol khai kòñ; bơta song ring bol khai dê la bơta rkwet rkwe.

Sôphôni 3:3

Ală kwang duh broă gơ dê ơluh ơhùm be klìu triă, ală kwang cahrña gơ dê kung be so rhau trồ mang, ò lòi wơl dô êt lơi tus diàng drim.

Sôphôni 3:4

Ală cau gơnoar hwơr gơ dê pơnhừ să; la ală cau blac chừt. Ală cau gơnoar ơn phan duh khoai gơ dê lơh ƀơ̆ ƀơl tiah sàng goh mơ lơh rkwet rkwe di bơta boh lam.

Malaci 1:10

“Ơ hơh, gơs cau lơi tòm bol mê pal til ală mpồng hìu duh khoai dê, tồ bol mê ò chu ồs di cơnòng duh khoai Añ jê tòm bơta ò kwơ.” Yàng Jehôwa Gơnap Gơnoar Dờng Làm Jơh đơs lah: “Añ ò niam nùs di bol mê, mơ Añ ò dòp phan ơn lơi bơh di tê bol mê.

Malaci 2:9

Behơ̆ gen Añ neh lơh bol mê in kòl sền òsơp mơ kong ƀàssìl di đap jơh ală làng bol, tài bơh bol mê ò lòt jat ală gùng dà Añ jê mơya neh yal tơlik bơta ò song ngan tòm bơta bơto sồr mê dê.

Khà Làng Bol 16:15

Gen Môise gơhào gơjrañ ngan mơ đơs mơ Yàng Jehôwa lah: “Dan Yàng bañ dòp phan ơn duh khoai bol khai dê. Añ ò dòp phan lơi bơh di bol khai, bulah dô nơm alàng kung ò sơl, añ kung ò lơh iơh di dô nă cau lơi tòm bol khai.”

Khà Làng Bol 22:7

Ală cau kwang kra Môap dê lik lòt, cèng bal jền tơngai ai cau bơjơu in. Tòm tŭ bol khai neh tus hơ Balaam, bol khai yal khai in ală jơnau Balak neh đơs.

Mathiơ 3:9

Bañ khin đơs is lah: ‘Gơs Abraham la ồng pàng bol he dê.’ Bơh añ đơs mơ bol mê, Yàng Tom Trồ rgơi lơh ală lŭ do in gơlik gơs kòn sau Abraham dê.

I Timôthe 3:3

Ò tơhìr tơrnòm alak, ò lơh rhung rhang, mơya pal sơrmah sơrmài; ò jòi jơnau, mơ ò hàm hà jền priă;

Sră Pơyoa Pol Dê Pơyoa Tit In 1:11

mê pal lơh bơr bol khai in ơm mŏ mŏ; bơh cồng nha ƀơ̆ ƀơl mơ bol khai bơto bơta ò di pal bơto, mơ lơh gơprah jơh hìu nhă cau ƀà dê.

I Pier 5:2

Ê tĕ mpồl belàt Yàng Tom Trồ dê neh jào oh mi in, lơh bơta hơ̆ ò di la bơh bơklơn mơya la bơh nùs kòñ lơh, ò di bơh cồng nha ò di pal mơya bơh jơh nùs ngac ngar,

Jude 1:11

Bòl glar bol khai in! Bơh bol khai neh jat gùng Kain dê, bơh hàm kòñ cồng nha gen phi să tòm bơta tìs nrah Balaam dê, mơ kòl roh rui tòm bơta tòmdră Kôra dê.

I Samuel 8:3

Mơya ală kòn klau khai ò jat ală gùng khai dê, mơya wèt hơ cồng nha is, dòp phan sa loă, mơ lơh rkwet rkwe bơta song ring.