Mathiơ 25:46 - Sră Goh 2018

⁴⁶ Gen ală cau do rơp mut tòm bơta lơh glài gam sùm sùm, ai ală cau song ring gen rơp mut tòm bơta kis gam sùm sùm.”

Mathiơ 25:46 ပူးပေါင်းရင်းမြစ်များ

Daniel 12:2

Oă cau bic tòm kơmbuh ù rơp guh wơl, cau ƀà nàng geh bơta kis gam sùm sùm, cau ƀà nàng kong bơta ƀàssìl gam sùm sùm.

Mathiơ 13:43

Tŭ hơ̆ ală cau song ring rơp gơcrà be mattơngai tòm lơgar Bèp bol khai dê. Cau lơi gơs tồr, iat tĕ!”

Mathiơ 19:16

Ne, gơs dô nă cau tus lùp Yàng Jesu lah: “Ơ Cau Bơto, añ pal lơh broă niam lơi nàng geh bơta kis gam sùm sùm taih?”

Mathiơ 19:29

Dilah cau lơi bơh sơnđan Añ mơ sang hìu đam, oh mi, ruh lŏ, mè bèp, oh kòn, hala sre brê, gen cau hơ̆ rơp dòp leng dô rhiang dơ̆ rlau mơ hơ̆, mơ pơrdòn bơta kis gam sùm sùm.

Mathiơ 25:41

Gen Kơnràñ rơp đơs mơ ală cau ơm đah kiau lah: ‘Ơ ală cau gơkòl srat rma, lik tĕ bơh di Añ mơ mut tòm ồs gam sùm sùm, la tiah neh rcang sir cà ràk in mơ ală cau gơnrơh gơ dê.

Mathiơ 25:45

Kơnràñ rơp ho lah: ‘Di ngan Añ đơs mơ bol mê, tòm tŭ bol mê ò lơh broă hơ̆ mơ dô nă cau dềt rhền rlau jơh do, hơ̆ la bol mê ò lơh să tòm Añ in.’

Luka 16:26

Rlau mơ hơ̆ tai, gơs dô nơm brong jrô dờng neh gơs nền digùl bol hi mơ bol mê, tian gơs cau lơi kòñ bơh do tus hơ bol mê kung ò rgơi, hala cau bơh tềng hơ̆ lòt tus hơ bol hi kung ò rgơi sơl.’

Jang 17:2

Bơh Bèp neh ai Kòn in gơnoar hơđang jơh ală poac să, nàng ai bơta kis gam sùm sùm ală cau mơ Bèp neh ai Kòn in.

Jang 3:36

Cau lơi dòn Kòn gen geh bơta kis gam sùm sùm, cau lơi ò bài dòn Kòn gen ò gŏ bơta kis ò, mơya bơta gơjrañ dờng Yàng Tom Trồ dê ơm sùm hơđang cau hơ̆.”

Jang 4:14

mơya cau lơi hùc dà Añ rơp ai gen ò gơs tŭ lơi tơhìr tai. Dà Añ ai rơp gơlik gơs dô nơm dà cat tòm cau hơ̆, gơđat tus di bơta kis gam sùm sùm.”

Jang 5:24

Di ngan, Añ đơs ngan mơ bol mê, cau lơi iat jơnau Añ mơ dòn Bơtau neh sồr Añ lòt tus, gen geh bơta kis gam sùm sùm, ò kòl tòm bơta cahrña mơya neh tiă rlau di bơta chơt mơ tus hơ bơta kis.

Jang 5:29

mơ lik jơh; cau lơi neh lơh bơta lơbơn niam gen kis wơl nàng dòp geh bơta kis, cau lơi neh lơh bơta iơh bơsak gen kis wơl nàng kong cahrña.

Jang 6:27

Bañ lơh broă bơh phan sa roh rui, mơya bơh phan sa gam wơl tus di bơta kis gam sùm sùm, la bơta Kòn Mơnus rơp ai bol mê in, bơh hơ̆ la Bơtau mơ Yàng Tom Trồ la Bèp neh tap ƀang kì cơng tàng.”

Jang 6:40

Do la nùs kòñ Bèp Añ jê: Hơ̆ la kòp nă cau lơi sền đal Kòn mơ dòn Kơnràñ gen geh bơta kis gam sùm sùm, mơ Añ rơp lơh cau hơ̆ in kis wơl tòm ngai lồi dut.”

Broă 13:46

Chòp Pol mơ Banaba khin cha đơs mơ bol khai lah: “Sơnròp ngan pal bơto jơnau Yàng Tom Trồ oh mi in; mơya tài bơh oh mi neh pơndang sang, mơ sơwì is să he ò di pal dòp bơta kis gam sùm sùm, gen tàng tŭ do bol hi wèt wơl hơ làng bol bơdìh.

Broă 13:48

Tòm tŭ kơno jơnau hơ̆ gen làng bol bơdìh hòn chò ngan mơ jòng ro jơnau Yàng Tom Trồ, mơ ală cau neh geh lơh nền geh bơta kis gam sùm sùm gen gơlik gơs cau dòn.

Broă 24:15

Añ gơs bơta gơn kơnòm di Yàng Tom Trồ kung be bol khai gơs sơl, hơ̆ la rơp gơs bơta kis wơl cau song ring mơ cau ò song ring dê.

Rôma 5:21

behơ̆, tồi glài neh at bồ lam tus hơ bơta chơt be lơi, gen bơta nđàc kung at bồ tòm bơta song ring behơ̆ sơl, nàng lam bol he tus hơ bơta kis gam sùm sùm bơh Yàng Jesu Krist, la Yàng bol he dê.

Rôma 6:23

Bơh jền tơngai tồi glài dê la bơta chơt, mơya bơta ai gòi Yàng Tom Trồ dê la bơta kis gam sùm sùm tòm Yàng Krist Jesu la Yàng bol he dê.

Galati 6:8

Cau lơi sih jat poac să, gen bơh poac să rơp toès bơta ồm lề; mơya cau lơi sih jat Yàng Hwềng, gen rơp bơh Yàng Hwềng mơ toès bơta kis gam sùm sùm.

II Tesalônika 1:9

Bol khai rơp kòl lơh glài jàm roh rui sùm sùm ngài bơh di mat Yàng mơ bơh di bơta gơklŏ gơnoar pràn Kơnràñ dê,

I Jang 2:25

Do la jơnau mơ Kơnràñ neh ho pơgon mơ bol he, hơ̆ la bơta kis gam sùm sùm.

Jude 1:21

Kơrmap gàr să tòm he tòm bơta kòñ gơboh Yàng Tom Trồ dê, kơp gơn bơta kòñ nđàc Yàng Jesu Krist bol he dê nàng gơs bơta kis gam sùm sùm.

Yal Tơlik 20:10

Ai cà ràk la cau neh pơrlồm bol khai gen kong sơrbì tòm brong ồs hơng mơ siau; tềng hơ̆ neh gơs phan poan jơng mơ cau gơnoar hwơr ma blac rau. Bol khai rơp kong jê sồt bòl glar ngai mơ mang jơl sùm sùm ò lồi.

Yal Tơlik 20:15

Dilah cau lơi ò geh cih sơnđan mat tòm sră bơta kis gen kong sơrbì tòm brong ồs hơ̆ sơl.

Yal Tơlik 21:8

Ai ală cau rngòt ò khin cha, ală cau ò gơs bơta dòn, ală cau ngkòr ngkàc, ală cau tơnchơt cau, ală cau rềs àr bơrnàn, ală cau bơjơu, ală cau duh rùp ràk, mơ jơh ală cau đơs blac, pơnah bol khai dê ơm tòm brong ồs hơng mơ siau, hơ̆ la bơta chơt dơ̆ bàr.”