Mathiơ 25:35 - Sră Goh 2018

³⁵ Bơh Añ jơgloh, bol mê ai Añ in sa; Añ tơhìr, bol mê ai Añ in hùc; Añ la cau nac crih, bol mê wă rò Añ;

Mathiơ 25:35 ပူးပေါင်းရင်းမြစ်များ

I Ală Bơtau 17:11

Tòm tŭ khai lòt bơ̆ dà, gen Eli hòi khai mơ đơs lah: “Cèng añ in dô pet piang lă sơl.”

Sră Jop 31:32

Mơya ò gơs cau nac crih lơi pal bic mang tòm gùng, Añ neh pò mpồng hìu añ jê cau lòt gùng in.

Jơnau Pơnđik 14:21

Cau lơi sền òsơp cau gơp ƀòn he, la ală cau tìs glài; Lơngai cau lơi in nđàc sơngit cau dồn sa rƀah.

Jơnau Pơnđik 14:31

Cau rồn bơklơn cau rƀah sền òsơp Bơtau crơng gơs he; Ai cau lơi nđàc sơngit cau rƀah rƀừp sền dờng màng di Kơnràñ.

Jơnau Pơnđik 19:17

Cau lơi nđàc sơngit cau rƀah, hơ̆ la ai Yàng Jehôwa in càn jồm; Kơnràñ rơp tơm wơl broă bơta nđàc hơ̆ khai in.

Jơnau Pơnđik 22:9

Cau lơi gơs nùs dờng ơnàng rơp geh lơngai; bơh khai ai piang lă he cau jơgloh rƀah in.

Jơnau Pơnđik 25:21

Dilah cau sò tơm kòn jơgloh, ai tĕ khai in sa; dilah tơhìr dà, ai tĕ khai in hùc;

Ejekiel 18:16

Khai ò rồn bơklơn cau lơi hala dan phan ai bồ cau càn jền khai dê. Khai ò tìs glài ntung kơñau mơya khai pà phan sa khai dê cau jơgloh in, mơ ai ồi ào cau ơm kuh lòi rồ in.

Ejekiel 18:7

Khai ò rồn bơklơn cau lơi ndai, mơya tơm wơl phan ai bồ cau kòl dồs mơ khai. Khai ò kơñau phan lơi cau dê, mơya pà phan sa khai dê cau jơgloh in mơ ai phan soh cau ơm kuh in.

Daniel 4:27

Behơ̆ tàng, Ơ bơtau, dan iat jơnau añ bơto tơngkah: Dan bơtau lơh jat tĕ bơta song ring nàng tơwài ală bơta tồi glài bơtau dê, nđàc sơngit tĕ di ală cau kong rồn bơklơn nàng tơwài ală bơta iơh bơsak bơtau dê. Behơ̆ digơlan bơta pas gơs lơngai lơngò bơtau dê gơ rơp gam gơs jŏ jòng rlau.”

Mice 6:8

Ơ kòn mơnus, Kơnràñ neh yal mê in bơta lơi la niam; Bơta mơ Yàng Jehôwa jòi lùp mê. Hơ̆ ò di la lơh bơta song ring, gơboh bơta lơbơn niam, mơ cơnđoà lòt dô bă pơndêt să mơ Yàng Tom Trồ ò ơ?

Mathiơ 25:40

Cau Bơtau rơp ho lah: ‘Di ngan Añ đơs mơ bol mê, tòm tŭ bol mê neh lơh broă hơ̆ mơ dô nă cau dềt rhền rlau jơh tòm ală oh mi Añ, hơ̆ la lơh să tòm Añ in.’

Mathiơ 26:11

Bơh bol mê gơs cau rƀah lơòi ơm sùm mơ bol mê, mơya bol mê ò gơs Añ ơm sùm mơ bol mê.

Jơnau Niam Jat Mak 14:7

Bơh bol mê gơs cau rƀah lơòi ơm sùm mơ bol mê, tŭ lơi kòñ dong pà gòi bol khai in kung di lơm; mơya bol mê ò gơs Añ ơm sùm mơ bol mê.

Luka 11:41

Mơya bol mê ai tĕ bơta gơs tòm dơlam mơ pà gòi dờng ơnàng cau rƀah lơòi in, gen ală bơta la goh bol mê in.

Jang 13:29

Gơs cau ƀà tồnlah tài bơh Juda gơs kơldung priă, gen tàng Yàng Jesu đơs mơ khai lah: Rwat tĕ phan bol he kòñ ngui tòm tŭ pơjum sa, hala pal pà phan lơi cau rƀah lơòi in.

Broă 10:31

mơ đơs lah: ‘Ơ Kornai, jơnau hòi dan mê dê neh geh kơno rau, bơta pà gòi mê dê neh geh Yàng Tom Trồ cih kah.

Broă 11:29

Ală cau bơtê lơh nền, kòp nă jat be pràn is he, mơ pơyoa phan dong kòl oh mi in tòm Jude.

Broă 16:15

Tơnơ̆ mơ tŭ neh gơs ƀaptem bal mơ cau tòm hìu khai dê rau, Lidi jà bol hi lah: “Dilah ală ồng sơwì añ la cau dòn song mơ Yàng, gen dan mut ơm tòm hìu añ.” Lồc behơ̆ khai jơh nùs jà bol hi mut.

Broă 4:32

Tŭ hơ̆, mpồl cau dòn gơs dô nùs nhơm dô bơta kơlôi sơnơng. Ò gơs cau lơi kòp phan he la phan is, mơya tòmpà ală phan he gơs cau ndai in.

Rôma 12:13

Tòmpà tĕ bơta pal ngui sa ală cau sàng goh in; pal kòñ tĕ wă rò nac.

Rôma 12:20

Bơh kung gơs cih lah: “Dilah cau sò tơm he gơs jơgloh, gen ai tĕ khai in sào; dilah khai tơhìr dà, gen ai tĕ khai in hùc; bơh lơh behơ̆ la ò gơkrơi be he ai rơnga ồs hơng tơrjik hơđang bồ khai.”

Rôma 16:23

Gaius la cau neh wă rò añ mơ wă rò jơh Hìu Jum Goh còp să oh mi. Erastus la cau kwang at bồ đam priă tòm ƀòn dờng, mơ Kwartus la oh mi añ, kung còp să oh mi sơl.

Ephesô 4:28

Cau òs ntung kơñau bañ ntung kơñau tai, mơya chan kong bòl glar lơh broă, ai tê he lơh broă niam, tồ gơs phan nàng dong cau siơ̆u siar la niam rlau.

I Timôthe 5:10

la cau ùr gơs pơnro niam bơh broă niam khai dê, kung be neh ròng kòn sau, git wă rò nac crih, rào jơng ală cau sàng goh, dong kòl cau rƀah dồn sa, mơ jơh nùs lơh tơl ală broă niam.

Philemôn 1:7

Mơ tai, ơ bi, añ neh geh hòn chò mơ pơndòm pơniang oă ngan bơh nùs kòñ gơboh bi dê, tài bơh kơnòm di bi mơ nùs ală cau sàng goh neh geh rài bòl.

Hebrơ 13:16

Bañ sang lòi bơta lơh niam mơ tòmpà phan he gơs, bơh hơ̆ la kung be phan ơn duh khoai niam nùs Yàng Tom Trồ.

Hebrơ 6:10

Bơh Yàng Tom Trồ ò di la ò song ring mơ hŭi ală broă mơ bơta kòñ gơboh oh mi neh yal tơlik bơh sơnđan Kơnràñ, tòm tŭ neh duh broă ală cau sàng goh in mơ kung gam duh broă tai sơl.

Jakơ 1:27

Bơta dòn jơnau song sàng goh ò ƀơ̆ ƀơl di đap Yàng Tom Trồ la Bèp, hơ̆ la còp ală cau kòn đòi mơ ală cau ùr bơnrau tòm bơta dồn sa rƀah bol khai dê, mơ kơrmap gàr să he klàs bơh bơta roh rui dunnia dê.