Malaci 4:6 - Sră Goh 2018

⁶ Khai rơp pơrlac nùs ală mè bèp wèt wơl mơ kòn sau bol khai dê, mơ nùs ală kòn sau wèt wơl mơ mè bèp bol khai dê; nàng Añ rơp ò tus ai bơta srat sơntơm mơ lơh glài lơgar do.”

Malaci 4:6 ပူးပေါင်းရင်းမြစ်များ

Esai 11:4

mơya Kơnràñ ai bơta song ring nàng cahrña cau rƀah, mơ lơh nền dô bă song ring cau lơbơn niam in hơđang ù. Kơnràñ rơp pù lơh plai ù mơ dô nơm gai bơh di bơr Kơnràñ; mơ ai nhơm tă bơh sơndồi Kơnràñ mơ tơnchơt cau iơh bơsak.

Esai 24:6

Gen tàng bơta srat rma sa loan plai ù, làng bol ơm hơđang plai ù kong bơta jê sồt bơh bơta tồi glài bol khai dê; gen tàng làng bol ơm hơđang plai ù rơp gơpơndut wơl, mơ dô êt cau gam wơl.

Esai 40:3

Gơs jơnau cau hòi driau lah: “Rcang tĕ gùng tòm ƀlàng ngềt ngơt Yàng Jehôwa in; bơsong tĕ gùng me tòm ƀlàng bràs Yàng Tom Trồ bol he in!

Esai 43:28

Behơ̆ tàng Añ rơp lơh ƀàssìl ală cau lam bồ tòm hìu duh khoai mê dê, Añ rơp phi Jakôp nàng kong tơnroh, mơ Israel nàng kong lah sơrpah.”

Esai 61:2

nàng yal tơnggit nam ai bơta nđàc Yàng Jehôwa dê, mơ ngai sal tê Yàng Tom Trồ bol he dê; nàng pơndòm pơniang jơh ală cau ñìm rac pơt wòl;

Esai 65:15

Bol mê rơp lòi wơl sơnđan bol mê lơh gơs dô jơnau srat rma ală cau mơ Añ neh sac rwah; mơ Jehôwa Yàng Tom Trồ rơp tơnchơt bol mê; mơya ală cau duh broă Añ jê rơp ai dô sơnđan krơi.

Daniel 9:11

Jơh tơl nă cau Israel neh lơh tìs mơ bơta boh lam Kơnràñ dê mơ dô pleh, nàng ò dòn bơr Kơnràñ. Behơ̆, bơta srat sơntơm, mơ bơta lơh glài neh cih tòm bơta boh lam Môise la cau duh broă Yàng Tom Trồ dê, neh tuh hơđang bol hi, tài bơh bol hi neh tìs glài tòmdră mơ Kơnràñ.

Sacari 11:6

Yàng Jehôwa đơs lah: “Añ rơp ò gam nđàc sơngit di ală cau ơm tòm ù, Añ rơp jào kòp nă bol khai tòm tê cau gơp ƀòn mơ cau bơtau bol khai dê. Bol khai rơp tơnroh ù tiah, mơ Añ rơp ò dong tă dô nă cau lơi klàs bơh di tê bol hơ̆ dê.”

Sacari 13:8

Yàng Jehôwa đơs lah: “Tòm làm jơh lơgar, bàr pơnah pe rơp kong tă sang mơ tơnroh; bulah behơ̆, dô pơnah pe rơp gam wơl tòm hơ̆.

Sacari 14:12

Do rơp la bơta pluh plàng mơ Yàng Jehôwa rơp ngui nàng lơh glài jơh ală làng bol tòmlơh mơ Jerusalem: poac bol khai dê rơp ồm lề tòm tŭ jơng bol khai gam ơm ntào, gar mat bol khai dê rơp ồm lề tòm mat bol khai dê, mơ lơmpiat bol khai dê rơp ồm lề tòm bơr bol khai dê.

Sacari 14:2

Añ rơp pơjum tơrgòm jơh ală lơgar tòm Jerusalem nàng tòmlơh mơ gơ, ƀòn dờng rơp kong tòmpìt, ală hìu rơp kong phà kơñau, cau ùr rơp kong cau bic bơklơn. Nggùl ƀòn dờng rơp kong kup cèng gơs dĭ; mơya làng bol gam wơl rơp ò kòl tă tơlik bơh di ƀòn dờng.

Sacari 5:3

Khai đơs mơ añ lah: “Hơ̆ la bơta srat sơntơm hơđang làm lơgar: kòp nă cau ntung kơñau rơp kong tơnroh jat be jơnau cih hơđang đah do sră; mơ kòp nă cau srat să rơp kong tơnroh jat be jơnau cih đah ne sră.”

Mathiơ 22:7

Cau bơtau gơhào gơjrañ, gen sồr ală cau ling lòt tơnroh ală cau tơnchơt cau hơ̆, mơ chu ƀòn dờng bol khai dê.

Jơnau Niam Jat Mak 11:21

Tŭ hơ̆ Pier kah wơl jơnau Yàng Jesu neh đơs mơ chi, gen đơs mơ Kơnràñ lah: “Ơ Rabi, sền ne! Chi ƀal mơ Kơnràñ srat gơ neh ro rau.”

Luka 1:76

Behơ̆, ơ kòn, mê rơp geh sơnđan la cau gơnoar hwơr Bơtau Hơđang Rlau Jơh dê; Bơh mê rơp lòt di đap Yàng, wàs ală gùng dà Kơnràñ in,

Hebrơ 6:8

Mơya dilah ù hòn lò mơ lò mrơt, gen kong sang lòi mơ kong srat sơntơm, lồi dut gen kong ồs sa.

Yal Tơlik 19:15

Gơs dô ngkơr đào sồt lik bơh di bơr Kơnràñ nàng lơh ală làng bol; Kơnràñ rơp ngui gai lòs nàng at bồ bol khai. Kơnràñ rơp jă mpal pat tơrnòm bơta gơjrañ dờng gơhào khuh ngan Yàng Tom Trồ dê, la Bơtau Gơnoar Dờng Làm Jơh.

Yal Tơlik 22:3

Rơp ò gam gơs bơta srat rma tai, mơya tòm ƀòn hơ̆ gơs sơbàn Yàng Tom Trồ mơ Belàt Kòn dê, ală dĭ gơna Kơnràñ dê rơp duh broă Kơnràñ.