Malaci 4:1 - Sră Goh 2018

¹ “Sền tĕ, ngai hơ̆ rơp tus, gơ sa hơng kung be bơnhă ồs. Jơh ală cau pơnhừ să bal mơ cau lơh bơta iơh bơsak rơp kung be rhe, mơ ngai hơ̆ rơp tus be ồs sa pơrguc bol khai,” Yàng Jehôwa Gơnap Gơnoar Dờng Làm Jơh đơs behơ̆. “Gen tàng rơp ò gam dô nơm ryas hala dô nơm ntê lơi lòi wơl bol khai in.

Malaci 4:1 ပူးပေါင်းရင်းမြစ်များ

Sră Jop 18:16

Hơđơm ryas bol khai ro rañ, hơđang ntê bol khai ñòp jrùh.

Đơs Crih 119:119

Jơh ală cau iơh bơsak tòm plai ù Yàng kòp bol khai be phan sang gòi; Tài behơ̆ añ kòñ gơboh di ală jơnau sồr kràñ cê Kơnràñ dê.

Đơs Crih 37:9

Bơh ală cau iơh rơp gơkòl tơnroh, Mơya cau lơi kơp gơn Yàng Jehôwa gen khai rơp dòp geh lơgar.

Lik Ejiptơ 15:7

Tòm gơnoar dờng ryŭ ryơm Kơnràñ dê, Kơnràñ tơmplơ̆ ală cau sòdră di Kơnràñ. Kơnràñ gơhào bơta gơjrañ dờng Kơnràñ dê; Gơ chu pơrguc bol khai be rhe.

Esai 40:24

Tòm tŭ bol khai pa geh tam, pa geh sih, pa hòn ryas tòm ù, gen Kơnràñ khồm hơđang bol khai mơ bol khai ñòp ro, mơ càl wac brồng cèng pơrdô bol khai kung be rhe.

Esai 41:2

Ñcau neh tơngguh dô nă cau geh pha lin bơh đah mattơngai lik, bơtào khai tòm bơta duh broă khai dê? Kơnràñ jào ală lơgar tòm tê khai, mơ jă trơm ală bơtau hơđơm jơng khai dê. Kơnràñ lơh bol khai mơ đào gơlik kung be kơmbuh ù, lơh bol khai mơ àtak gơlik be rhe ro kòl càl khồm.

Esai 47:14

Sền ne, bol khai kung be rhe, ồs rơp sa pơrguc bol khai; bol khai ò rgơi dong tă să tòm bol khai dê klàs bơh gơnoar lơmpiat ồs. Hơ̆ ò di la ồs rnga tơnram cau lơi, hơ̆ ò di la ồs nàng nggui rềp.

Esai 5:24

Gen tàng, kung be lơmpiat ồs sa loan rhe, mơ kung be ñhơt ro kòl pơrguc tòm lơmpiat ồs, gen kung behơ̆ sơl, tòm ryas bol khai dê rơp ồm lề, mơ bơkào bol khai gơ par roh thit kung be thul; tài bơh bol khai neh sang lòi bơta boh lam Yàng Jehôwa Gơnap Gơnoar Dờng dê mơ sền òsơp jơnau đơs Bơtau Sàng Goh Israel dê.

Esai 9:18

Ngan, bơta iơh bơsak sa hơng be ồs, gơ sa roh lò mrơt mơ ală lò, gơ sa pơrguc ală chi tòm brê, tian gơs ñhŭ gơguh jòng hơđang.

Esai 9:19

Ù tiah rơp kong chu pơrguc bơh bơta gơjrañ dờng Yàng Jehôwa Gơnap Gơnoar Dờng dê, làng bol gơlik gơs be phan sing ồs; ò gơs cau lơi rơp nđàc pơlai oh mi he,

Ejekiel 20:38

Añ rơp lơh goh bơta tòmdră bơh digùl bol mê, mơ ală cau tòmdră mơ sòdră di Añ. Añ rơp cèng bol khai lik bơh di lơgar mơ bol khai ơm ing, mơya bol khai rơp ò geh mut tòm lơgar Israel dê. Gen bol mê rơp git Añ la Yàng Jehôwa.

Ejekiel 21:32

Bol mê rơp gơlik gơs kung be lòng sing ồs, mhàm bol mê rơp tuh tòm lơgar bol mê dê, rơp ò gơs cau lơi kah wơl bol mê; bơh Añ la Yàng Jehôwa neh đơs behơ̆.’”

Ejekiel 24:11

Ơn tĕ glah gòi hơđang ồs rnga jơl tus di tŭ ồs sa duh ngan mơ gơ hơng gơcrà nàng ală phan ƀơ̆ ƀơl gơlề lac jơh mơ ală è sa gơ kong ồs sa jơh.

Ejekiel 34:17

Jehôwa Yàng Tom Trồ đơs be do: ‘Ai bol mê, ơ mpồl belàt Añ jê, Añ rơp cahrña digùl belàt mơ belàt, digùl belàt dam mơ be.

Ejekiel 7:10

Ngai hơ̆ neh tus! Gơ neh tus rau! Bơta rung rài neh gơlik gơs; gai lồng neh cat sơmbut, bơta jòng să neh lik bơkào!

Jôel 2:1

Uh tĕ kơlwòk tòm Siôn; ntas jơnau yal tơnggit hơđang mơnơm sàng goh Añ jê. Lòi jơh làng bol tòm lơgar rơm să, bơh ngai Yàng Jehôwa dê mòr tus, ngai hơ̆ neh tus rềp rau.

Jôel 2:31

Mattơngai rơp gơlik klam jơngo, mat kơnhai gơlik gơs mhàm, lài mơ tŭ tus ngai dờng mơ rngòt rngơt Yàng Jehôwa dê.

Amôs 2:9

Añ neh tơnroh cau Amôrit di đap bol khai, bulah khai jơnhoa be ală chi nho rề, mơ pràn kơldang be ală tòm cha. Añ neh tơnroh ală plai khai dê hơđang mơ ală ryas hơđơm khai dê.

Apdia 1:18

Hìu Jakôp rơp la ồs, mơ hìu Jôsep rơp la lơmpiat ồs; hìu Esau rơp la rhe, mơ bol khai rơp chu pơrguc gơ. Rơp ò gam cau lơi kis tòm hìu Esau dê.” Yàng Jehôwa neh đơs behơ̆.

Nahum 1:10

Bol khai be cau gơkòl digùl lò mơ be cau bơñul ñô tơrnòm; bol khai kong chu pơrguc kung be rhe ro.

Sôphôni 1:14

“Ngai dờng Yàng Jehôwa dê neh tus rềp, neh tus rềp mơ tus mhar. Ntas sap ñìm sràt bơtang tòm ngai Yàng Jehôwa dê, ală cau ling tòmlơh driau dờng tềng hơ̆.

Sôphôni 1:18

Bulah priă hala màh bol khai dê kung ò rgơi dong klàs bol khai tòm ngai gơjrañ dờng Yàng Jehôwa dê. Jơh plai ù rơp kong chu pơrguc tòm ồs pơrñat; bơta gơjrañ dờng Yàng Jehôwa dê; bơh Kơnràñ rơp pơndut jơh dô bă rngòt rngơt jơh làng bol kis hơđang plai ù.”

Sacari 14:1

Do, ngai Yàng Jehôwa dê rơp tus tòm tŭ ală phan phà kup rơp tòmpà digùl bol mê.

Malaci 3:15

Mơya tŭ do bol he kòp cau pơnhừ să la geh lơngai; ală cau lơh broă iơh bơsak ò di mìng geh bơtoah bơtoài, mơya tòm tŭ bol khai lòng Yàng Tom Trồ, bol khai kung geh klàs sơl.’”

Malaci 3:18

Mơ dô dơ̆ tai bol mê rơp gŏ bơta krơi is digùl cau song ring mơ cau iơh bơsak, digùl cau duh broă Yàng Tom Trồ mơ cau ò duh broă Kơnràñ.”

Malaci 3:2

Mơya, ñcau rơp kong jai tòm ngai Kơnràñ tus taih? Ñcau rgơi ntào jai tòm tŭ Kơnràñ tơlik să taih? Bơh Kơnràñ kung be ồs cau chài tŏ tiar goh, kung be ‘kơmbuh pìh’ cau chài pìh goh.

Malaci 3:3

Bơh Kơnràñ rơp nggui kung be cau chài tŏ tiar goh hala kung be cau chài tŏ priă. Kơnràñ rơp lơh goh ală cau Lebi, lơh bol khai in goh kung be màh mơ priă, jơl tus di tŭ bol khai ơn Yàng Jehôwa in phan ơn tòm bơta song ring,

Malaci 4:5

Ne, Añ rơp sồr cau gơnoar hwơr Eli tus mơ bol mê lài mơ tŭ tus ngai dờng mơ rngòt rngơt Yàng Jehôwa dê.

Mathiơ 3:12

Tê Kơnràñ at đồng, rơp puh làn goh ngan, chŏ kòi mi ơn tòm đam, ai nsiap gen chu tòm ồs hơng sùm.”

Luka 19:43

Bơh ală ngai rơp gơlik tus mê in, la tŭ ală cau sò tơm lơh dơrñang gơrwàng gùt dar mê, mơ rềt kơ̆ mê bơh kòp đah.

Luka 21:20

Tòm tŭ bol mê gŏ Jerusalem gơkòl mpồl ling gơrwàng, gen git tĕ lah bơta tơrlah tơrling gơ mòr tus.

Luka 6:23

Tòm ngai hơ̆ hòn chò sơnđoh ñchừn tĕ, bơh phan ƀàn bol mê hơđang trồ la dờng; bơh ồng pàng bol khai kung lơh behơ̆ sơl gơwèt mơ ală cau gơnoar hwơr.

II Tesalônika 1:8

nàng lơh glài ală cau ò dòp git Yàng Tom Trồ, mơ cau ò dòn jat Jơnau Niam Yàng Jesu bol he dê.

II Pier 3:7

Mơya trồ tiah gam tŭ do kung la bơh jơnau đơs Kơnràñ dê mơ prap lòi ồs in, geh prap gàr jơl tus di ngai cahrña, la ngai cau ò duh rngòt kong roh rui.