Malaci 3:6 - Sră Goh 2018

⁶ “Bơh Añ la Yàng Jehôwa ò tŭ lơi tòmgơl; behơ̆, ơ bol mê la kòn sau Jakôp dê, bol mê ò gơkòl roh rui.

Malaci 3:6 ပူးပေါင်းရင်းမြစ်များ

Sơnròp Gơlik Gơs 15:18

Tòm ngai hơ̆ Yàng Jehôwa lơh bơta ho bal mơ Abram, mơ đơs lah: “Añ ai jơi bơtiàn mê in lơgar do, bơh hiòng Ejiptơ tus di hiòng dờng, hơ̆ la hiòng Ơphrat,

Sơnròp Gơlik Gơs 15:7

Yàng Jehôwa đơs mơ Abram lah: “Añ la Yàng Jehôwa neh lam mê lik bơh dê Ur, lơgar Kalde dê nàng ai mê in lơgar do tồ lơh gơs sre brê.”

Sơnròp Gơlik Gơs 22:16

Yàng Jehôwa đơs lah: “Bơh mê neh lơh bơta hơ̆, ò pơlai kòn klau mê, hơ̆ la kòn dùl mê dê, gen Añ ai să tòm Añ mơ ho bal lah:

Đơs Crih 102:26

Trồ tiah rơp roh rui, mơya Yàng gam sùm sùm; Trồ tiah rơp puh lơho be ào; Yàng rơp tòmgơl trồ tiah be ào, mơ gơ roh thit.

Đơs Crih 102:27

Mơya Yàng gam sùm sùm be òs, Ală sơnam Yàng dê ò gơs tŭ lơi lồi.

Đơs Crih 102:28

Kòn sau ală cau duh broă Yàng dê rơp ơm lơngai; Jơi bơtiàn bol khai dê rơp geh bơtào kơ̆ di đap Kơnràñ.

Đơs Crih 103:17

Mơya bơta kòñ gơboh kơ̆ dơn Yàng Jehôwa dê gam sùm sùm Gơwèt mơ ală cau duh rngòt di Kơnràñ, Mơ bơta song ring Kơnràñ dê gam sùm sùm gơwèt mơ sau set bol khai dê.

Đơs Crih 78:38

Bulah behơ̆, bơh nùs kòñ nđàc Kơnràñ toh bơta tồi glài iơh bơsak bol khai dê. Ò tơnroh bol khai; oă dơ̆ Kơnràñ tơnruc bơta gơhào gơjrañ Kơnràñ dê, mơ ò gơrơndul jơh bơta gơjrañ dờng Kơnràñ dê.

Đơs Crih 78:57

Mơya bol khai tòmgơl nùs mơ pơrlơ̆ dră kung be ală ồng pàng bol khai dê; Bol khai lơh pơrlồm kung be dô nơm àtak ò song.

Esai 41:13

Bơh Añ la Jehôwa Yàng Tom Trồ mê dê, rơp tề di tê ma mê mơ hơ̆ la Añ đơs mơ mê lah: “Bañ rngòt, Añ rơp dong kòl mê.”

Esai 44:6

Yàng Jehôwa la cau Bơtau At Bồ mơ la Bơtau Dong Tơwài Israel dê, la Yàng Jehôwa Gơnap Gơnoar Dờng đơs be do: “Añ la Bơtau sơnròp mơ Añ la Bơtau lồi dut; rlau mơ Añ ò gơs Yàng Tom Trồ lơi.

Esai 46:4

Jơl tus di tŭ bol mê kra bồ kò sŏ, añ la bơtau, Añ la bơtau rơp àñ ơnòng bol mê. Añ neh tơnggơs bol mê mơ Añ rơp kơnđơt kơnđu bol mê; Añ àñ ơnòng bol mê mơ Añ rơp dong tă bol mê.

Jeremi 32:27

“Do, Añ la Jehôwa, Yàng Tom Trồ ală jơi poac să dê; gơs bơta lơi kalke Añ in sơl ơ?

Daniel 6:26

Añ ai jơnau sồr lah tòm làm jơh lơgar añ, jơh tơl nă cau pal rơm să rngòt di đap Yàng Tom Trồ Daniel dê. Kơnràñ la Yàng Tom Trồ gam kis sùm sùm mơ gam gơs sùm sùm. Lơgar Kơnràñ dê ò gơs tŭ lơi roh, mơ gơnoar at bồ Kơnràñ dê ò gơs tŭ lơi lồi.

Sră Ôse 11:9

Añ rơp ò lơh gơlik bơta gơjrañ duh hơng Añ jê, mơ kung rơp ò tơnroh Epraim tai. Bơh Añ la Yàng Tom Trồ, ò di la kòn mơnus; Añ la Bơtau Sàng Goh ơm digùl bol mê, Añ ò lòt tus mơ bơta gơjrañ dờng Añ jê.

Habakuk 1:12

Kơnràñ ò di neh gơs bơh rài yau la gam sùm sùm ò lồi sơl ơ? Ơ Jehôwa Yàng Tom Trồ añ jê, Bơtau sàng goh añ jê? Kơnràñ rơp ò chơt. Ơ Yàng Jehôwa, Kơnràñ neh lơh nền bol khai in nàng cahrña; Ơ Pơnai Lŭ Klềr añ jê! Kơnràñ neh bơtào bol khai nàng lơh glài.

Khà Làng Bol 23:19

Yàng Tom Trồ ò di la cau mơ rgơi đơs blac, kung ò di la kòn mơnus tòmgơl nùs kơlôi Kơnràñ dê. Kơnràñ đơs mơ ò lơh sơl ơ? Kơnràñ neh hơ pơgon mơ ò lơh jat sơl ơ?

Rôma 5:10

Bơh dilah tòm tŭ bol he gam la cau sò tơm di Yàng Tom Trồ, mơ neh geh gơtòmsòr wơl mơ Kơnràñ la bơh bơta chơt Kòn Kơnràñ dê, ai tŭ do neh geh gơtòmsòr wơl rau, gen sơlo rlau tai bol he rơp kơnòm di bơta kis Kòn hơ̆ dê mơ geh dong klàs.

Philip 1:6

Añ dòn nền ngan lah Bơtau neh sơntòm lơh broă niam tòm ală oh mi kung rơp lơh wil tơl jơl tus di ngai Yàng Krist Jesu dê.

Hebrơ 13:8

Yàng Jesu Krist ngai òr, ngai do mơ jơl tus sùm sùm ò tŭ lơi tòmgơl.

Hebrơ 6:18

tồ kơnòm di bàr bơta ò tòmgơl hơ̆, la bàr bơta Yàng Tom Trồ ò rgơi đơs blac, mơ bol he la ală cau neh kìng crŭ tòm Kơnràñ, gen gơchồl pràn kơldang nàng sơmbat kơ̆ di bơta gơn kơnòm neh ơn di đap bol he.

Jakơ 1:17

Jơh ală bơta nđàc niam mơ bơta ai gòi wil tơl tus bơh đang jòng, gơ mù bơh di Yàng bèp la bơta àng; tòm Kơnràñ ò gơs bơta tòmgơl, kung ò gơs mƀur bơta pơrlac lơi ò.

Yal Tơlik 1:8

Yàng la Yàng Tom Trồ, Bơtau Gam Gơs, Neh Gơs mơ Rơp Tus, la Bơtau Gơnoar Dờng Làm Jơh đơs lah: “Añ la Alpha mơ Ômega.”

Yal Tơlik 22:13

Añ la Alpha mơ Ômega, Bơtau bồ dà mơ lồi tơnơ̆, Bơtau sơnròp mơ lồi dut.”

I Samuel 15:29

Rlau mơ hơ̆ tai bơta Gơklŏ Israel dê ò ruc wơl mơ tòmgơl nùs Kơnràñ dê, bơh Kơnràñ ò di la kòn mơnus nàng Kơnràñ tòmgơl nùs Kơnràñ dê.”