Malaci 3:5 - Sră Goh 2018

⁵ Gen, Añ rơp tus rềp mơ bol mê nàng cahrña. Añ rơp sơrbac sơrbang lơh cơng tòmdră mơ ală cau gru jơnang, ală cau rềs àr dri tơlàr mơ ală cau srat să ma blac, tòmdră mơ ală cau sa kơñau jền tơngai cau lơh broă ơpah dê, rồn bơklơn ală cau ùr bơnrau mơ cau kòn đòi, ò lơh song ring gơwèt mơ cau ơm tòp, mơ ò duh rngòt di Añ,” Yàng Jehôwa Gơnap Gơnoar Dờng Làm Jơh đơs behơ̆.

Malaci 3:5 ပူးပေါင်းရင်းမြစ်များ

Sơnròp Gơlik Gơs 20:11

Abraham ho lah: “Añ kơlôi lah tòm lơgar do ngan ò gơs cau rngòt di Yàng Tom Trồ gen bol khai rơp bơh bau añ mơ tơnchơt añ.

Sơnròp Gơlik Gơs 42:18

Tus ngai dơ̆ pe, Jôsep đơs mơ bol khai lah: “Añ rngòt di Yàng Tom Trồ, lơh tĕ be bơta do gen geh kis.

Nehemi 5:15

Ală kwang at bồ lài mơ añ neh kup làng bol àñ kơnjơ̆ rì phan sa, tơrnòm bal mơ poan jơt sieklơ priă. Tian gơs ală cau duh broă bol khai kung rồn bơklơn làng bol Mơya añ ò lơh behơ̆ ò, tài bơh añ duh rngòt di Yàng Tom Trồ.

Sră Jop 31:12

Bơh hơ̆ rơp be dô nơm ồs chu pơrguc mù tus tòm brah tìng, mơ rơp chu tus di ryas jơh ală cồng nha añ jê.

Sră Jop 7:2

Kung be cau dĭ kơp gơn trồ mƀur, mơ kung be cau lơh ơpah kơp gơn jền tơngai,

Đơs Crih 36:1

Bơta tồi glài đơs tòm nùs cau iơh bơsak dê; Ò gơs tŭ lơi khai duh rngòt di Yàng Tom Trồ.

Đơs Crih 81:8

Ơ làng bol Añ jê, iat tĕ tòm tŭ Añ bơto tơngkah bol mê! Ơ Israel, kơp kòñ bol mê ơm iat Añ!

Đơs Crih 96:13

di đap Yàng Jehôwa; bơh Kơnràñ lòt tus, bơh Kơnràñ tus nàng cahrña dunnia. Kơnràñ rơp cahrña dunnia mơ bơta song ring, mơ ngui jơnau song nàng cahrña ală làng bol.

Đơs Crih 98:9

Bơh Kơnràñ tus nàng cahrña dunnia. Kơnràñ rơp ai bơta song ring nàng cahrña dunnia, Mơ cahrña ală làng bol dô bă ring bal.

Lik Ejiptơ 1:17

Mơya ală cau ùr đơng deh duh rngòt di Yàng Tom Trồ mơ ò lơh jat jơnau bơtau Ejiptơ neh sồr bol khai; bol khai lòi jơh ală kòn klau in kis.

Lik Ejiptơ 18:21

Mơya sac rwah tĕ tòm mpồl làng bol ală cau klau chài rgơi, duh rngòt di Yàng Tom Trồ, rgơi dòn kơnòm, gơjrañ di cồng nha ƀơ̆ ƀơl, pồ bơtào bol khai gơs cau at bồ, cau ƀà hơđang dô rbô nă, cau ƀà hơđang dô rhiang nă, cau ƀà hơđang pram jơt nă, mơ cau ƀà hơđang jơt nă.

Lik Ejiptơ 20:7

Bol mê bañ ngui sơnđan Jehôwa Yàng Tom Trồ bol mê dê dô bă ò di pal, bơh Yàng Jehôwa rơp ò toh glài cau lơi in ngui sơnđan Kơnràñ dê dô bă ò di pal.

Lik Ejiptơ 22:20

Cau lơi ơn phan duh khoai yàng lơi ndai rlau mơ Yàng Jehôwa gen cau hơ̆ rơp kong tơnroh.

Jơnau Pơnđik 16:6

Kơnòm di bơta kòñ gơboh kơ̆ dơn mơ dòn song gen glài geh tơwài; Bơh bơta duh rngòt Yàng Jehôwa cau pleh ngài bơta iơh.

Jơnau Pơnđik 8:13

Bơta duh rngòt di Yàng Jehôwa, hơ̆ la gơjrañ di bơta iơh; Añ gơjrañ bơta pơnhừ să, tràl sơrbil, Añ gơjrañ gùng dà iơh mơ jơnau đơs lac lèo.

Esai 57:3

Mơya bol mê, la ală kòn klau cau ùr gru dê, la jơi bơtiàn ală cau rềs àr bơrnàn mơ ală cau ùr dri dê, tus tĕ hơ do!

Jeremi 23:10

Tòm lơgar bềng lìu ală cau rềs àr bơrnàn; Tài bơh bơta srat sơntơm gen ù tiah gơlik moat jrùng; Ală ƀlàng ñhơt tòm ƀlàng ngềt ngơt ro rañ. Cau gơnoar hwơr lòt jat gùng iơh, ngui gơnoar bol khai tòm bơta ò song ring;

Jeremi 27:10

Bơh bol khai đơs hwơr ma blac, nàng bol mê kong cèng pơrdô ngài bơh lơgar he, Añ rơp bơtrơh tơlik bol mê, mơ bol mê kong tơnroh.

Jeremi 27:9

Behơ̆ gen, bañ iat ală cau gơnoar hwơr, cau sền dà, yal gơtha mpau, cau sền sơmañ, cau juh proh bol mê dê, la ală cau đơs mơ bol mê lah: Bol mê rơp ò dòn duh bơtau Babilôn ò.

Jeremi 29:23

Tài bơh bol khai neh lơh bơta tồi glài iơh rmơh tòm Israel, neh tìs glài rềs àr bơrnàn mơ bau ùr ală cau gơp ƀòn he, mơ neh ai sơnđan Añ đơs ală jơnau ma blac mơ Añ ò tŭ lơi sồr bol khai. Să tòm Añ la Bơtau git loh mơ lơh cơng bơh bơta hơ̆.” Yàng Jehôwa đơs behơ̆.

Jeremi 42:5

Ală cau hơ̆ đơs mơ Jeremi lah: “Dilah bol hi ò lơh jat kòp jơnau Jehôwa Yàng Tom Trồ ồng dê rơp sồr ồng yal bol hi in, dan Yàng Jehôwa la song ngan, dòn song lơh cơng digùl bol he!

Jeremi 5:2

Bulah bol khai đơs lah: “Ngan kung be Yàng Jehôwa kis gam sùm sùm! Mơya bol khai srat să ma blac!”

Jeremi 5:29

Yàng Jehôwa đơs: “Añ rơp ò lơh glài bol khai bơh ală bơta hơ̆ ơ? Mơ Añ rơp ò cèng bơta sal tê hơđang dô nơm lơgar behơ̆ ơ?

Lebi 19:13

Bañ pơrlồm cau ơm rềp di bol mê hala tòmpìt ai phan khai dê. Bañ prap lòi wơl jền tơngai dô nă cau lơh ơpah dê jơl tus di ngai hìng.

Lebi 20:10

Dilah cau lơi tìs glài rềs àr bơrnàn mơ bau ùr dô nă cau ndai, mơ bau ùr cau ơm rềp mơ khai gen jơh bàr nă cau klau mơ cau ùr rềs àr bơrnàn hơ̆ pal kong tơnchơt.

Lebi 20:27

Dô nă cau klau hala cau ùr sền dà hala juh proh digùl bol mê gen pal kong tơnchơt. Bol mê pal cơm lŭ tơnchơt bol khai; mhàm bol khai rơp gơtuh wơl hơđang bồ să tòm bol khai dê.’”

Lebi 20:6

Añ rơp wèt mat tòmdră mơ cau jòi jat ală cau gru bơjơu mơ ală cau juh proh mơ să tòm bol khai rềs àr mơ bol hơ̆, mơ Añ rơp tă sang bol khai bơh di làng bol khai dê.

Mice 1:2

“Ơ jơh ală làng bol, iat tĕ! Ơ plai ù mơ jơh ală cau ơm tòm plai ù, ơm iat tĕ! Lòi tĕ Jehôwa Yàng Tom Trồ lơh cơng tòmdră mơ bol mê, Yàng Jehôwa bơh Hìu Duh Khoai Sàng Goh Kơnràñ dê.

Habakuk 1:12

Kơnràñ ò di neh gơs bơh rài yau la gam sùm sùm ò lồi sơl ơ? Ơ Jehôwa Yàng Tom Trồ añ jê, Bơtau sàng goh añ jê? Kơnràñ rơp ò chơt. Ơ Yàng Jehôwa, Kơnràñ neh lơh nền bol khai in nàng cahrña; Ơ Pơnai Lŭ Klềr añ jê! Kơnràñ neh bơtào bol khai nàng lơh glài.

Sacari 11:12

Gen Añ neh đơs mơ bol khai lah: “Dilah sền gơlơh niam bol mê in, gen ai tĕ Añ in jền tơngai; mơya dilah ò gen bañ ai.” Behơ̆ bol khai kơr Añ in pe jơt pơnai priă.

Malaci 1:6

“Kòn klau ki ngàm di bèp khai dê, dĭ gơna ki ngàm di cau tòm khai dê. Dilah Añ la bèp gen ntềng đah bơta ki ngàm mơ Añ geh gơnoar dòp taih? Dilah Añ la cau tòm gen ntềng đah bơta duh rngòt mơ Añ gơs gơnoar dòp taih? Yàng Jehôwa Gơnap Gơnoar Dờng Làm Jơh đơs behơ̆. Ơ bol mê la ală cau gơnoar ơn phan duh khoai, bol mê la ală cau sền òsơp di sơnđan Añ. Mơya bol mê lùp lah: ‘Mbe bol hi sền òsơp di sơnđan Kơnràñ taih?’

Malaci 2:14

Bol mê lùp lah: “Ñchi bơh tài behơ̆ taih?” Hơ̆ la tài bơh Yàng Jehôwa gơs kung be cau lơh cơng digùl mê mơ bau ùr mê neh bau bơh tŭ mê gam pơnu, bơh mê ò dòn song mơ khai, bulah khai la cau bơyô mê dê, la bau ùr bơta ho bal mê dê.

Malaci 2:17

Bol mê neh lơh pơnjê Yàng Jehôwa bơh ală jơnau đơs bol mê dê. Bol mê lùp lah: “Mbe bol hi neh lơh pơnjê Kơnràñ taih?” Hơ̆ la tòm tŭ bol mê đơs lah: “Jơh tơl nă cau lơh bơta iơh la niam di đap mat Yàng Jehôwa, mơ Kơnràñ niam nùs di bol khai.” Hala “Ntềng đah Yàng Tom Trồ bơta song ngan dê taih?”

Luka 23:40

Mơya cau ne lah pơrhơng khai lah: “Mê kung kong bal dô bơta lơh glài mơ mê ò rngòt di Yàng Tom Trồ ơ?

Rôma 3:8

Behơ̆ gen mbe bol he ò lơh bơta iơh tồ geh bơta niam taih? Be cau đơs iơh di bol hi lah bol hi bơto behơ̆. Bơta cahrña di cau hơ̆ la di pal ngan.

Yal Wơl 15:13

Mơ tòm tŭ bol mê hồ toh khai, bañ lòi khai lik lòt mpàng tê gòi.

Yal Wơl 18:10

Bañ gơs cau lơi digùl bol mê ơn kòn klau hala kòn ùr he dê tòm ồs, sền tê, sền dà

Yal Wơl 24:17

Bañ gơwèt ò song ring mơ cau làng bơdìh hala cau kòn đòi, hala ai ào jrùh cau ùr bơnrau dê nàng lơh gơs phan cơng tàng.

Yal Wơl 27:19

‘Pal srat sơntơm cau lơi ò lơh bơta song ring gơwèt hơ cau làng bơdìh, cau kòn đòi hala cau ùr bơnrau.’ Gen jơh làng bol rơp đơs lah: ‘Amen!’

Yal Wơl 5:11

Bol mê ò di ngui khat gơboh sơnđan Jehôwa Yàng Tom Trồ bol mê dê, bơh Yàng Jehôwa rơp ò lòi cau lơi ngui tìs sơnđan Kơnràñ dê la cau ò gơs glài.

I Tesalônika 4:6

bañ gơs cau lơi lơh tìs mơ lơh iơh mơ oh mi he tòm broă hơ̆, tài bơh Yàng la Bơtau sal wơl jơh ală bơta hơ̆, kung be bol hi neh đơs lài mơ neh lơh cơng oh mi in rau.

Hebrơ 13:4

Tơl nă cau pal sền dờng màng bơta tòmbau, bañ lơh ƀơ̆ ƀơl ơdŭ tòmbau; bơh Yàng Tom Trồ rơp cahrña ală cau rềs àr bơrnàn mơ ală cau dri tơlàr.

Jakơ 5:12

Mơya lài ngan, ơ oh mi añ jê, bañ srat să, bañ sơnio trồ, bañ sơnio tiah, kung bañ sơnio phan lơi ndai mơ srat să; mơya di gen đơs di, ò gen đơs ò, tồ klàs di bơta lơh nền glài.

Jakơ 5:4

Jền tơngai ală cau lơh ơpah toès tòm sre bol mê dê, mơ bol mê neh sa kơrlơm, gen gơ hòi driau; mơ jơnau hòi driau ală cau toès dê neh guh tus dê tồr Yàng Gơnap Gơnoar Làm Jơh.

Yal Tơlik 21:8

Ai ală cau rngòt ò khin cha, ală cau ò gơs bơta dòn, ală cau ngkòr ngkàc, ală cau tơnchơt cau, ală cau rềs àr bơrnàn, ală cau bơjơu, ală cau duh rùp ràk, mơ jơh ală cau đơs blac, pơnah bol khai dê ơm tòm brong ồs hơng mơ siau, hơ̆ la bơta chơt dơ̆ bàr.”

Yal Tơlik 22:15

Ai ală so, ală cau bơjơu, ală cau rềs àr bơrnàn, ală cau tơnchơt cau, ală cau duh rùp ràk, mơ jơh ală cau gơboh bơta đơs blac mơ lơh bơta blac pơrlồm, gen bol khai ơm đah bơdìh ƀòn.