Malaci 3:2 - Sră Goh 2018

² Mơya, ñcau rơp kong jai tòm ngai Kơnràñ tus taih? Ñcau rgơi ntào jai tòm tŭ Kơnràñ tơlik să taih? Bơh Kơnràñ kung be ồs cau chài tŏ tiar goh, kung be ‘kơmbuh pìh’ cau chài pìh goh.

Malaci 3:2 ပူးပေါင်းရင်းမြစ်များ

Sơnròp Gơlik Gơs 19:28

Khai tơnggòr sền đah Sôdôm mơ Gômôrơ, mơ làm lơgar tòm ƀlàng, gen khai gŏ ñhŭ bơh tòm tiah hơ̆ guh hơđang, kung be ñhŭ ồs bơh tòm bơnhă dờng.

Sră Jop 28:1

“Ngan gơs dô bă tiah tòm mơnơm cau tò ai priă, mơ gơs dô bă tiah nàng lơh goh màh.

Đơs Crih 130:3

Ơ Yàng Jehôwa, dilah Kơnràñ prap kah sùm bơta tồi glài iơh bơsak, gen ơ Yàng! Ñcau rgơi ntào jai taih?

Đơs Crih 2:7

Añ rơp yal tơlik bơta lơh nền Yàng Jehôwa đơs mơ Añ lah: “Mê la Kòn Añ jê, ngai do Añ neh tơnggơs mê.

Đơs Crih 76:7

Mơya Yàng la pal rngòt ngan! Tòm tŭ Yàng gơhào gơjrañ gen ñcau rgơi ntào jai di đap Kơnràñ taih?

Jơnau Pơnđik 25:4

Tă tĕ è bơh di priă, gen cau chài lơh priă geh dô nơm phan ngui;

Esai 1:18

Yàng Jehôwa đơs: “Tŭ do tus tĕ nàng bol he tòmbơyai bal. Bulah tồi glài bol mê dê be dà phồng, rơp gơlik bò be piar, bulah pơrhê be mhàm, rơp gơlik be sơnò belàt kò.

Esai 33:14

Ală cau tồi glài tòm Siôn rngòt rngơt; ală cau ò dòn duh rơm să rngòt. “Ñcau tòm bol he rgơi ơm digùl ồs sa loan taih? Ñcau tòm bol he rgơi ơm tòm ồs hơng gam sùm taih?”

Esai 4:4

Yàng Jehôwa rào goh bơta ƀơ̆ ƀơl ală kòn ùr Siôn dê dô dơ̆, Kơnràñ rơp jùt goh ală tềl mhàm bơh digùl Jerusalem mơ kơnòm di hwềng bơta cahrña mơ hwềng chu pơrguc dê.

Jeremi 2:22

Bulah mê neh rào să mê mơ kơmbuh pìh, mơ ngui oă kơmbuh nàng um să he, Tồi glài mê kung gam cih kah sùm di đap Añ.” Yàng Jehôwa đơs behơ̆.

Ejekiel 22:14

Bơta khin cha ai dê rơp ơm kơ̆ hala tê ai dê rgơi gam pràn tòm ngai Añ cahrña ai sơl? Añ, Yàng Jehôwa, neh đơs behơ̆ mơ Añ rơp lơh bơta hơ̆.

Daniel 11:35

Tòm ală cau jak chài rơp gơs dô êt cau tìs nrah bơh hơ̆ tồ bol khai in geh lòng tiar, geh lơh gơs sàng goh mơ rào goh tơngai lồi dut in, tài bơh pal ơm gơn jơl tus di tơngai lơh nền.

Jôel 2:11

Yàng Jehôwa lơh gơlik sap Kơnràñ dê di đap mpồl ling Kơnràñ dê, mpồl ling Kơnràñ dê la gal ngan ò rgơi kòp, mơ ală cau lơh jat jơnau sồr Kơnràñ dê ò rgơi kòp. Ngan, ngai Yàng Jehôwa dê la dờng ngan mơ kìr rngòt ngan, Ñcau rgơi kong jai taih?

Nahum 1:6

Ñcau rgơi ntào jai di đap bơta gơhào gơjrañ Kơnràñ dê taih? Ñcau rgơi kong jai bơta gơhào khuh gơjrañ Kơnràñ dê taih? Bơta gơjrañ dờng Kơnràñ dê gơhòr lik be ồs; ală pơnai lŭ bơcah lề di đap Kơnràñ.

Sacari 13:9

Añ rơp cèng tơmut dô pơnah pe hơ̆ tòm ồs, Añ rơp tiar bol khai kung be priă, mơ lòng bol khai kung be màh. Bol khai rơp hòi di sơnđan Añ, mơ Añ rơp ho wơl bol khai; Añ rơp đơs lah: ‘Bol khai la làng bol Añ jê,’ mơ bol khai rơp đơs lah: ‘Yàng Jehôwa la Yàng Tom Trồ bol hi dê.’”

Malaci 4:1

“Sền tĕ, ngai hơ̆ rơp tus, gơ sa hơng kung be bơnhă ồs. Jơh ală cau pơnhừ să bal mơ cau lơh bơta iơh bơsak rơp kung be rhe, mơ ngai hơ̆ rơp tus be ồs sa pơrguc bol khai,” Yàng Jehôwa Gơnap Gơnoar Dờng Làm Jơh đơs behơ̆. “Gen tàng rơp ò gam dô nơm ryas hala dô nơm ntê lơi lòi wơl bol khai in.

Mathiơ 25:10

Mơ tòm tŭ bol khai lòt rwat, gen bơrtơu tus; ală cau neh rcang sir lòt bal mơ bơrtơu mut tòm tiah sa tòmbau, mơ til mpồng.

Jơnau Niam Jat Mak 9:3

Ồi ào Kơnràñ dê gơlik àng lơr mơ bò gơcrà lul, tian gơs ò gơs cau chài pìh lơi ơm tòm ù rgơi pìh gơs bò behơ̆.

Luka 2:34

Gen Simeôn ai lơngai bol khai in, mơ đơs mơ Mari mè Kơnràñ lah: “Do, kòn do neh geh bơtào gơs nàng lơh oă cau tòm Israel in gơtup pừ hala tơngguh wơl, kung lơh dô nơm tềl gơkòl tòmdră wơl.

Luka 21:36

Behơ̆ bol mê pal drơng kơp tĕ mơ hòi dan sùm, tồ bol mê in gơs tơl pràn nàng lik klàs bơh di ală bơta pal tus hơ̆ mơ ntào di đap Kòn Mơnus.”

Luka 3:17

Tê Kơnràñ at đồng, rơp puh làn goh ngan, chŏ kòi mi ơn tòm đam, ai nsiap gen chu tòm ồs hơng sùm.”

Luka 3:9

Tŭ do sùng neh ơn rềp di tòm chi rau; dilah chi lơi ò gơlik plai niam gen kơl mơ sang tòm ồs.”

Luka 7:23

Lơngai cau lơi in ò gơtup tìs tài bơh Añ!”

Jang 8:55

Bol mê ò git Kơnràñ, mơya Añ git Kơnràñ. Dilah Añ đơs Añ ò git Kơnràñ, gen Añ kung la cau đơs blac be bol mê sơl; mơya Añ git Kơnràñ ngan, mơ prap gàr jơnau Kơnràñ dê.

Hebrơ 12:25

Oh mi kơrhia tĕ, bañ sềt tồr mơ Bơtau ơm đơs. Bơh dilah ală cau ne neh ò bài iat cau bơto tơngkah tòm ù gen ò geh pleh klàs, tơ ài lah bol he pơrlac sang Bơtau bơto tơngkah bơh đang trồ gen mbe rgơi pleh klàs.

Yal Tơlik 19:8

Neh ai khai in soh ào bài che dơmài lơbơn àng gơcrà mơ sàng goh bơh bài che dơmài lơbơn hơ̆ la ală broă song ring ală cau sàng goh dê.”

Yal Tơlik 2:23

Añ rơp tơnchơt ală kòn khai dê. Jơh ală Hìu Jum Goh rơp git Añ la Bơtau sền sơwì tòm nùs nhơm mơ tòm bơta kơlôi sơnơng, mơ Añ rơp sal wơl kòp nă bol mê in jat be ală broă bol mê dê.

Yal Tơlik 6:17

Bơh ngai dờng bơta gơjrañ dờng Kơnràñ dê neh tus, ñcau rgơi ntào jai taih?”

Yal Tơlik 7:14

Añ đơs lah: “Ơ Kơnràñ, Kơnràñ git.” Khai đơs mơ añ lah: “Hơ̆ la ală cau lik bơh bơta rung rài dờng, neh pìh mơ lơh bò ào jrùh bol khai dê tòm mhàm Belàt Kòn dê.

I Samuel 6:20

Gen ală làng bol Bet Semes đơs lah: “Ñcau rgơi ntào di đap mat Yàng Jehôwa la Yàng Tom Trồ sàng goh do taih? Kơnràñ rơp lòt tus hơ ñcau nàng bol he rgơi klàs bơh Kơnràñ taih?”