Malaci 3:18 - Sră Goh 2018

¹⁸ Mơ dô dơ̆ tai bol mê rơp gŏ bơta krơi is digùl cau song ring mơ cau iơh bơsak, digùl cau duh broă Yàng Tom Trồ mơ cau ò duh broă Kơnràñ.”

Malaci 3:18 ပူးပေါင်းရင်းမြစ်များ

Sơnròp Gơlik Gơs 18:25

Ò gơs tŭ lơi Kơnràñ lơh behơ̆ ò, tơnroh tơn cau song ring bal mơ cau iơh bơsak, gen behơ̆ cau song ring kung be cau iơh bơsak sơl ơ? Ò, Kơnràñ ò gơs tŭ lơi lơh behơ̆ ò! Bơtau cahrña jơh dunnia ò di ò lơh bơta song ring sơl ơ?”

Sră Jop 17:10

Ơ ală oh mi tus tĕ tòmbơyai tai, mơ añ ò jòi bàn cau lơi jak chài tòm oh mi.

Sră Jop 6:29

Dan bañ gơs bơta ò song ring. Kơlôi sơwì wơl tĕ, bơh añ gam la cau song ring be òs.

Lik Ejiptơ 11:7

Mơya, digùl cau Israel rơp ò gơs dô nơm so lơi khoal di cau hala di phan poan jơng lơi. Gen bol mê rơp git lah Yàng Jehôwa cah is làng bol Israel bơh di cau Ejiptơ.’

Jeremi 12:15

Mơya, tơnơ̆ mơ tŭ Añ neh dus rau, Añ rơp nđàc sơngit wơl di bol khai; mơ Añ rơp cèng bol khai wơl hơ sre brê bol khai dê, mơ jơh kòp nă tòm bol khai.

Daniel 2:18

Khai dan bol hơ̆ hòi dan mơ Yàng Tom Trồ ơm hơđang trồ ai nùs nđàc sơngit yal tơlik bơta ndơp ndơr do, tồ Daniel mơ ală oh mi khai dê geh klàs chơt bal mơ ală cau jak chài Babilôn dê.

Jôel 2:14

Ñcau rgơi git lah Kơnràñ rơp ò pơrlac mơ tơnruc nùs, mơ lòi dô bơta lơngai di ngkòi Kơnràñ, nàng bol mê ơn dô nơm phan ơn duh khoai mơ kòi mbo mơ ală phan ơn hùc, Jehôwa Yàng Tom Trồ bol mê in, taih?”

Amôs 5:15

Gơjrañ kơuềng tĕ di bơta iơh mơ kòñ gơboh tĕ di bơta niam; mơ bơt bơtào tĕ bơta song ring di mpồng ƀòn dờng. Digơlan Jehôwa Yàng Tom Trồ Gơnap Gơnoar Dờng Làm Jơh rơp ai bơta nđàc gơwèt hơ ală cau gam wơl Jôsep dê.

Sacari 1:6

Mơya ală jơnau đơs mơ ală bơta sồr lam Añ jê neh ai dĭ gơna Añ jê la ală cau gơnoar hwơr, ò di neh kup bàn ală ồng pàng bol mê ò ơ? Gen tàng bol khai neh gơjrañ sang glài mơ đơs lah: ‘Yàng Jehôwa Gơnap Gơnoar Dờng Làm Jơh neh lơh di pal gơwèt hơ gùng dà mơ broă lơh bol he dê, tòm toh jat be Kơnràñ neh lơh nền.’”

Malaci 1:4

Dilah Edôm đơs lah: “Bulah bol hi neh kong bơcah lề, bol hi rơp bơt bơtào wơl ală tiah tơrlah tơrlơm.” Mơya Yàng Jehôwa Gơnap Gơnoar Dờng Làm Jơh đơs lah: “Bol khai rgơi bơt bơtào wơl, mơya Añ rơp sòr tơrlơm, jơl tus di tŭ bol khai geh sơnđan la lơgar iơh bơsak, la dô nơm làng bol mơ Yàng Jehôwa gơjrañ sùm sùm.”

Mathiơ 25:46

Gen ală cau do rơp mut tòm bơta lơh glài gam sùm sùm, ai ală cau song ring gen rơp mut tòm bơta kis gam sùm sùm.”

Jang 12:26

Dilah cau lơi duh broă Añ, gen pal jat Añ, mơ Añ ơm tiah lơi gen cau duh broă Añ kung rơp ơm tềng hơ̆ sơl. Dilah cau lơi duh broă Añ, gen Bèp Añ rơp sền khai màng ryŭ.”

Broă 16:17

Khai jat Pol mơ bol hi, hòi driau lah: “Ală cau do la dĭ gơna Yàng Tom Trồ Hơđang Rlau Jơh dê, bơto yal bol mê in bơta dong klàs.”

Broă 27:23

Bơh tòm mang do Yàng Tom Trồ la Bơtau mơ añ gơrê bal mơ duh broă, neh ai cau gơnrơh Kơnràñ dê ntào di gah añ,

Rôma 1:9

Yàng Tom Trồ la Bơtau mơ añ jơh nùs nàng duh broă tòm bơta bơto yal Jơnau Niam bơh Kòn Kơnràñ dê, lơh cơng añ in lah añ kah sùm oh mi tòm kòp dơ̆ añ hòi dan.

I Tesalônika 1:9

Bơh să tòm bol khai yal wơl mbe lơi bol hi tus digùl oh mi, mơ mbe lơi oh mi neh sang rùp ràk mơ rê wơl hơ Yàng Tom Trồ, nàng duh broă Yàng Tom Trồ gam kis sùm mơ song ngan,

Jôsue 24:15

Dilah bol mê ò bài duh broă Yàng Jehôwa, gen bol mê sac rwah tĕ tòm ngai do yàng lơi mơ bol mê rơp duh broă, ală yàng ală ồng pàng bol mê dê neh duh broă đah ne hiòng Ơphrat, hala ală yàng làng bol Amôrit dê tòm lơgar bol mê ơm. Mơya añ mơ hìu nhă añ jê, bol hi rơp duh broă Yàng Jehôwa.”