Malaci 3:17 - Sră Goh 2018

¹⁷ Yàng Jehôwa Gơnap Gơnoar Dờng Làm Jơh đơs lah: “Bol khai rơp gơrê bal mơ Añ, tòm ngai tòm tŭ Añ lơh gơlik gơs, hơ̆ la sre brê krơi is Añ jê. Añ rơp pơlai bol khai kung be mè bèp pơlai ală kòn bol khai dê la cau duh broă bol khai.

Malaci 3:17 ပူးပေါင်းရင်းမြစ်များ

Nehemi 13:22

Mơ añ sồr ală cau Lebi lơh goh să tòm bol khai mơ lòt sền gàr ală mpồng nàng ơn ngai Saƀat sàng goh. Ơ Yàng Tom Trồ añ! Dan kah añ bơh ală bơta do, mơ dan nđàc sơngit di añ jat bơta kòñ gơboh kơ̆ dơn dờng Kơnràñ dê.

Đơs Crih 115:13

Kơnràñ rơp ai lơngai lơngò ală cau lơi in duh rngòt di Yàng Jehôwa, Cau dềt hala cau dờng kung behơ̆ sơl.

Đơs Crih 135:4

Bơh Yàng Jehôwa neh sac rwah Jakôp Kơnràñ in, Sac rwah làng bol Israel lơh gơs sre brê Kơnràñ dê.

Lik Ejiptơ 19:5

Gen tàng, tŭ do dilah bol mê dòn bơr Añ wil tơl mơ prap gàr bơta ho bal Añ jê, gen digùl ală làng bol, bol mê rơp la phan jơtài Añ jê. Bulah jơh dunnia gơrê bal mơ Añ,

Lik Ejiptơ 32:32

Mơya tŭ do, dan Yàng toh glài bol khai in! Mơ dilah ò, dan Yàng jùt tĕ añ bơh di sră Kơnràñ neh cih.”

Đơs Chò 2:16

Cau kòñ gơboh añ gơrê bal mơ añ, mơ añ gơrê bal mơ khai; khai ê mpồl he digùl ƀlàng bơkào gun,

Esai 4:2

Tòm ngai hơ̆, ntê Yàng Jehôwa dê rơp hàng mơnĕ mơ gơklŏ, plai đo ù tiah dê rơp lơh gơs bơta jòng să mơ bơta gơklŏ ală cau in gam kis tòm Israel dê.

Esai 43:1

Mơya tŭ do, Yàng Jehôwa đơs be do: ơ Jakôp! Yàng Jehôwa la Bơtau neh crơng gơs mê! Ơ Israel, Bơtau neh mòn gơs mê, đơs be do: “Bañ rngòt, bơh Añ neh tơwài mê; Añ neh ai sơnđan mê mơ hòi mê; mê gơrê bal mơ Añ.

Esai 43:21

Hơ̆ la làng bol mơ Añ neh mòn gơs să tòm Añ in nàng bol khai rơp yal tơlik bơta jòng ro Añ.

Jeremi 31:20

Epraim ò di la kòn klau gơboh đềt mềr Añ jê ơ? La kòn mơ Añ niam nùs ò ơ? Bulah Añ òs lah pơrhơng khai, Añ gam kah khai sùm. Gen tàng nùs Añ rngoh rngac ngan bơh khai; Nền cê ngan Añ rơp nđàc sơngit di khai,” Yàng Jehôwa đơs behơ̆.

Jeremi 31:33

Yàng Jehôwa đơs: “Do la bơta ho bal mơ Añ rơp bơtào bal mơ hìu Israel tơnơ̆ mơ ală ngai hơ̆. Añ rơp ơn bơta boh lam Añ tòm dơngoh bol khai mơ cih tòm nùs bol khai. Añ rơp lơh gơs Yàng Tom Trồ bol khai, bol khai rơp lơh gơs làng bol Añ jê.

Ejekiel 16:8

Añ lòt gan ai tai mơ sền di ai, ai neh di tŭ git kòñ gơboh. Añ lă mum ào jrùh Añ jê hơđang ai, jơm să kuh ai dê. Añ ai să tòm Añ ho pơgon mơ ai mơ bơtào dô bơta ho bal mơ ai gen ai gơrê bal mơ Añ,’ Jehôwa Yàng Tom Trồ đơs behơ̆.

Sôphôni 2:2

lài mơ tŭ bol mê kong sang sơrbì tiah ngài kung be nsiap, lài mơ tŭ bơta gơjrañ gơhào khuh Yàng Jehôwa dê tus hơđang bol mê, lài mơ tŭ ngai gơjrañ dờng Yàng Jehôwa dê tus hơđang bol mê.

Sacari 13:9

Añ rơp cèng tơmut dô pơnah pe hơ̆ tòm ồs, Añ rơp tiar bol khai kung be priă, mơ lòng bol khai kung be màh. Bol khai rơp hòi di sơnđan Añ, mơ Añ rơp ho wơl bol khai; Añ rơp đơs lah: ‘Bol khai la làng bol Añ jê,’ mơ bol khai rơp đơs lah: ‘Yàng Jehôwa la Yàng Tom Trồ bol hi dê.’”

Malaci 1:6

“Kòn klau ki ngàm di bèp khai dê, dĭ gơna ki ngàm di cau tòm khai dê. Dilah Añ la bèp gen ntềng đah bơta ki ngàm mơ Añ geh gơnoar dòp taih? Dilah Añ la cau tòm gen ntềng đah bơta duh rngòt mơ Añ gơs gơnoar dòp taih? Yàng Jehôwa Gơnap Gơnoar Dờng Làm Jơh đơs behơ̆. Ơ bol mê la ală cau gơnoar ơn phan duh khoai, bol mê la ală cau sền òsơp di sơnđan Añ. Mơya bol mê lùp lah: ‘Mbe bol hi sền òsơp di sơnđan Kơnràñ taih?’

Malaci 4:3

Gen bol mê rơp jă trơm ală cau iơh bơsak, bol khai rơp kung be la bùh ơm hơđơm kơndòl jơng bol mê dê tòm ngai tòm tŭ Añ lơh ală bơta hơ̆,” Yàng Jehôwa Gơnap Gơnoar Dờng Làm Jơh đơs behơ̆.

Mathiơ 25:34

Tŭ hơ̆ Bơtau rơp đơs mơ ală cau ơm đah ma lah: ‘Ơ ală cau geh lơngai bơh di Bèp añ jê, tus tĕ pơrdòn lơgar neh rcang sir bol mê in bơh tŭ crơng gơs trồ tiah.

Jang 17:24

Ơ Bèp, Añ kòñ tiah lơi Añ ơm, gen ală cau mơ Bèp neh ai Añ in kung ơm tềng hơ̆ bal mơ Añ, nàng bol khai sền gŏ bơta gơklŏ mơ Bèp neh ai Añ in, tài bơh Bèp neh kòñ gơboh di Añ lài mơ tŭ òhềt crơng gơs trồ tiah.

Rôma 8:32

Kơnràñ neh ò pơlai Kòn tòm Kơnràñ dê, mơya tài bơh jơh ală bol he tàng neh jào phi Kòn hơ̆, gen Kơnràñ ò di kung rơp cèng jơh ală bơta bal mơ kòn hơ̆ mơ ai tơn bol he in ò ơ?

I Kôrintô 15:23

Mơya jat bơta rơndap kòp nă is he dê: Bơtau Krist la plai bồ sơnam, gen ală cau gơrê bal mơ Bơtau Krist rơp kis wơl tòm tŭ Kơnràñ tus wơl.

I Kôrintô 6:20

bơh oh mi neh geh rwat dô bă kas ngan; gen tàng ai tĕ să jan he mơ lơh gơklŏ Yàng Tom Trồ in.

II Kôrintô 6:18

Añ rơp lơh gơs Bèp ală bol mê dê, Ală bol mê rơp lơh gơs kòn klau kòn ùr Añ jê. Yàng la Bơtau Gơnoar Dờng Làm Jơh đơs behơ̆.”

Galati 5:24

Mơ tai, ală cau gơrê bal mơ Yàng Jesu Krist neh tơnchơt nùs nhơm poac să dê bal mơ nùs kòñ tìs mơ hàm kòñ is gơ dê hơđang chi pơng rau.

Yal Wơl 14:2

bơh bol mê la dô nơm làng bol goh Jehôwa Yàng Tom Trồ bol mê in. Yàng Jehôwa neh sac rwah bol mê bơh digùl jơh ală làng bol hơđang plai ù nàng lơh gơs phan tòm kas màng Kơnràñ dê.

Yal Wơl 7:6

Bơh bol mê la dô nơm làng bol ơn is sàng goh Jehôwa Yàng Tom Trồ bol mê in. Jehôwa Yàng Tom Trồ bol mê dê neh sac rwah bol mê bơh digùl jơh ală làng bol ơm hơđang plai ù nàng lơh gơs làng bol Kơnràñ dê, lơh gơs phan tòm kas màng Kơnràñ dê.

Sră Pơyoa Pol Dê Pơyoa Tit In 2:14

la Bơtau neh phi să bơh bol he nàng tơwài bol he bơh jơh ală bơta tồi glài iơh bơsak, mơ bơh să tòm Kơnràñ mơ lơh sàng goh dô nơm làng bol gơrê hơ Kơnràñ, la làng bol gơs nùs ngac ngar tòm ală broă niam.

I Pier 2:9

Mơya oh mi la jơi bơtiàn geh sac rwah, la cau gơnoar ơn phan duh khoai cau bơtau dê, la làng bol sàng goh, la làng bol is Yàng Tom Trồ dê, tồ oh mi in yal tơlik ală broă crih crài ngan Kơnràñ dê, la Bơtau neh hòi oh mi lik klàs bơh tiah klam jơngo mơ tus hơ tiah àng gơcrà krơi is Kơnràñ dê.