Malaci 3:12 - Sră Goh 2018

¹² “Gen jơh ală làng bol rơp kòp bol mê la gơs lơngai, bơh bol mê rơp la dô nơm lơgar hòn chò hừh hơh,” Yàng Jehôwa Gơnap Gơnoar Dờng Làm Jơh đơs behơ̆.

Malaci 3:12 ပူးပေါင်းရင်းမြစ်များ

II Yal Yau 32:23

Oă cau cèng ală phan ơn tus hơ Jerusalem nàng ơn Yàng Jehôwa in mơ oă phan màng ai gòi Ejekia bơtau Juda in. Behơ̆ bơtau geh yò tơngguh di đap jơh ală làng bol bơh di tŭ hơ̆.

Đơs Crih 72:17

Dan sơnđan khai dê gam gơs sùm sùm, Dilah mattơngai gam gơs kàr lơi, dan bơta tiơng pơnro khai dê gam kàr hơ̆ sơl! Dan lòi cau kơnòm di khai geh lơngai, Mơ jơh ală lơgar sơnđan khai la cau geh lơngai.

Esai 61:9

Jơi bơtiàn bol khai dê rơp geh tiơng pơnro digùl ală lơgar, mơ kòn sau bol khai dê rơp geh cau git digùl ală làng bol. Jơh ală cau lơi gŏ bol khai gen rơp đal git bol khai la dô jơi bơtiàn neh geh Yàng Tom Trồ ai lơngai.

Esai 62:4

Cau rơp ò tai sơnđan ai la Cau kong sang lòi, mơ ù tiah ai dê ò gam lòi srau gòi tai. Mơya ai rơp geh sơnđan la cau Añ kòñ gơboh, mơ ù tiah ai dê la cau gơs bau klau; bơh Yàng Jehôwa rơp kòñ gơboh di ai, mơ ù tiah ai dê rơp geh bau.

Esai 62:5

Kung be dô nă cau klau pơnu tòmbau mơ dô nă cau ơruh, gen kung behơ̆ sơl, Bơtau bơt bơtào ai rơp bau mơ ai, mơ kung be cau bơrtơu pa hòn chò bơh bau ùr pa khai dê, gen kung behơ̆ sơl, Yàng Tom Trồ rơp hòn chò bơh di ai.

Jeremi 33:9

Gen ƀòn dờng do rơp gơlik gơs dô sơnđan chò hòp, jòng ro, gơklŏ Añ in ơm di đap ală làng bol tòm dunnia; ală làng bol hơ̆ rơp kơno bơh ală bơta niam Añ neh lơh bol khai in, gen rngòt rngơt mơ rơm să, tài bơh ală bơta lơngai lơngò bal mơ bơta bơtoah bơtoài mơ Añ neh ai làng bol Añ in.’

Daniel 11:41

Khai kung rơp tòmpìt ai lơgar hàng mơnĕ, mơ oă lơgar rơp kòl tơnroh, mơya Edôm, Môap, mơ ală cau at bồ làng bol Ammôn rơp lik klàs bơh di tê khai.

Daniel 8:9

Bơh di dô nơm tòm ală ngke hơ̆ gơhòn lik dô nơm ngke dềt, sơlo ngai sơlo gơlik pràn wèt hơ đah đơm, đah mattơngai lik, mơ wèt hơ lơgar hàng mơnĕ sơl.

Sacari 8:23

Yàng Jehôwa Gơnap Gơnoar Dờng Làm Jơh đơs be do: “Tòm ală ngai hơ̆, jơt nă cau bơh tòm jơh ală jơnau đơs mơ lơgar rơp at kơ̆ di tiang ào jrùh dô nă cau Juda dê mơ đơs lah: ‘Lòi tĕ bol hi lòt bal mơ mê, tài bơh bol hi neh kơno lah Yàng Tom Trồ ơm bal mơ mê.’”

Malaci 3:13

Yàng Jehôwa đơs lah: “Bol mê neh đơs ală bơta ò niam tòmdră mơ Añ. Mơya bol mê lùp lah: ‘Ñchi bơta bol hi neh đơs tòmdră mơ Kơnràñ taih?’

Luka 1:48

Bơh Kơnràñ neh nđàc sền bơta ò diă ò diơng dĭ gơna Kơnràñ dê; Bơh do jơl hìng nau, jơh ală rài rơp sơnđan añ la cau geh lơngai.

Yal Wơl 11:12

dô nơm lơgar mơ Jehôwa Yàng Tom Trồ bol mê dê rcang gàr. Mat Jehôwa Yàng Tom Trồ bol mê dê sền gàr gơ sùm, bơh di ngai bồ sơnam jơl tus di ngai lồi sơnam.