Malaci 3:10 - Sră Goh 2018

¹⁰ Cèng tĕ jơh ală pơnah jơt tơmut tòm hìu đam, tồ gơs phan sa tòm hìu Añ. Lòng tĕ Añ tòm bơta do,” Yàng Jehôwa Gơnap Gơnoar Dờng Làm Jơh đơs behơ̆. “Mơ sền dilah Añ ò pò ală mpồng dềt hơđang trồ bol mê in, mơ tuh bơta lơngai lơngò oă ngan bol mê in, tian gơs ò tang tiah prap tai!

Malaci 3:10 ပူးပေါင်းရင်းမြစ်များ

Sơnròp Gơlik Gơs 28:22

Pơnai lŭ mơ añ neh bơtào lơh jrong rơp la hìu Yàng Tom Trồ, mơ tòm jơh ală phan Kơnràñ rơp ai añ in, añ rơp ơn wơl dô pơnah jơt.”

Sơnròp Gơlik Gơs 7:11

Tòm nam prau rhiang rài Nôe dê, kơnhai bàr tòm ngai jơt poh kơnhai hơ̆ tòm toh dê ngai hơ̆ tơrlah ală tồ dà cat cìr mơnồng dờng mơ ală tơrnil dà hơđang trồ pò tơlik.

II Ală Bơtau 7:19

gen cau kwang at bồ neh đơs mơ cau Yàng Tom Trồ lah: “Bulah Yàng Jehôwa lơh gơs ală mpồng dềt hơđang trồ, bơta hơ̆ rơp geh gơlik gơs ơ?” Gen Elise pơnjat lah: “Mat mê rơp gŏ bơta hơ̆, mơya mê ò geh sa gơ.”

II Ală Bơtau 7:2

Gen cau kwang sền gàr la cau mơ bơtau sơnđìng dê tê khai đơs mơ cau Yàng Tom Trồ lah: “Bulah Yàng Jehôwa lơh ală mpồng dềt hơđang trồ, bơta hơ̆ rơp gơlik gơs sơl ơ?” Mơya Elise đơs lah: “Mê rơp sền gŏ mơ mat mê, mơya mê ò geh sa gơ.”

I Yal Yau 26:20

Ală oh mi cau Lebi bol khai dê gơs broă tòm sền gàr ală đam jàr hìu Yàng Tom Trồ dê mơ ală đam jàr prap ală phan neh ơn is Yàng in.

Nehemi 12:44

Tòm ngai hơ̆ cau pồ bơtào ală cau sền gàr ală ơdŭ ơn phan bơh ală phan ơn, plai bồ sơnam, ală pơnah jơt, nàng tơrgòm ală phan hơ̆ jat bơta boh lam neh sồr nàng ơn ală cau ơn phan duh khoai in; bơh làng bol Juda chò hòp bơh ală cau gơnoar ơn phan duh khoai mơ ală cau Lebi neh duh broă.

Nehemi 12:47

Tòm rài Jerubabel mơ Nehemi jơh làng bol Israel ơn pơnah ngui sa kòp ngai ală cau đơs chò in mơ ală cau kơp gàr mpồng in; bol khai kung ơn is pơnah ală cau Lebi in, mơ ală cau Lebi ơn is ală pơnah kòn sau Arôn in.

Nehemi 13:5

neh rcang Tôbiah in dô nơm ơdŭ dờng la tiah bơh lài cau neh ơn ală kòi phe, ală kơlhô, ală phan ngui, kòi pơnah jơt, tơrnòm, mơ mơñà, hơ̆ la ală phan neh geh ơn bơh bơta boh lam ai ală cau Lebi, ală cau đơs chò, mơ ală cau sền gàr mpồng in, bal mơ ală phan ơn ală cau gơnoar ơn phan duh khoai in.

Đơs Crih 37:3

Dòn kơnòm tĕ di Yàng Jehôwa mơ lơh bơta niam; Gen mê rơp ơm tòm lơgar mơ geh Kơnràñ sền gàr.

Đơs Crih 78:23

Bulah behơ̆ Kơnràñ ai jơnau sồr ală tap trồ hơđang, Mơ pò ală mpồng trồ,

Cau Bơto 11:3

Tŭ mhwal bềng dà, gen mìu dùh hơđang ù, Tòm tŭ dô nơm chi gơpừ bơh đah đơm hala đah đang, dilah gơpừ tiah lơi gen gơ rơp ơm tềng hơ̆.

Ejekiel 34:26

Añ rơp ai lơngai bol gơ in bal mơ tiah gùt dar dòr añ jê. Añ rơp đùh mìu di di kơnhai gơ dê, hơ̆ rơp la mìu lơngai lơngò.

Ejekiel 44:30

Phan niam rlau jơh tòm jơh ală phan bồ sơnam, mơ jơh ală phan ơn krơi is mơ ală phan òs ơn bol mê dê rơp gơrê bal mơ ală cau gơnoar ơn phan duh khoai. Bol mê pal ai bol khai in pơnah phan sa sơnròp ngan gơlik bơh ù tồ hìu nhă bol mê dê geh lơngai lơngò.

Sră Ôse 2:21

Yàng Jehôwa đơs: “Tòm ngai hơ̆, Añ rơp ho wơl, Añ rơp ho wơl mơ ală tap trồ, mơ ală tap trồ rơp ho wơl mơ ù tiah.

Jôel 2:19

Yàng Jehôwa rơp ho wơl mơ bol khai lah: “Do, Añ rơp ai bol mê in: kòi mbo, tơrnòm pa, mơ mơñà, tơl nàng bol mê in geh hòm lai wil tơl; mơ Añ ò tai lơh bol mê in gơlik gơs dô jơnau cau dơñŏ tơnhial digùl ală làng bol.

Jôel 2:24

Ală làn kòi rơp bềng lìu kòi, ală yang dờng rơp bềng lìu tơrnòm mơ mơñà.

Lebi 26:10

Tòm tŭ bol mê gam sa phan neh toès nam lài gen bol mê pal tă cèng ơn gơ tiah ndai, lòi tiah nàng cèng prap phan pa toès.

Lebi 26:3

Dilah bol mê lòt jat ală bơta sồr lam Añ jê mơ kơrhia lơh jat ală jơnau sồr Añ jê,

Lebi 27:30

Dô pơnah jơt bơh jơh ală phan gơlik gơs bơh di ù tiah, bulah la kòi mbo bơh di ù hala plai đo bơh di ală tòm chi, gơrê bal mơ Yàng Jehôwa; phan hơ̆ la sàng goh Yàng Jehôwa in.

Sră Age 2:19

Gam gơs gar sơntìl lơi tòm đam sơl? Jơl tus di tŭ do, tòm ño, tòm chi ƀal, tòm chi lừu, mơ tòm chi ôlibe òhềt gơs plai ơ? Mơya bơh ngai do jơl hìng nau, Añ rơp ai lơngai lơngò bol mê in.’”

Khà Làng Bol 18:21

Añ ai ală cau Lebi in jơh ală pơnah jơt tòm Israel lơh gơs sre brê bol khai dê, tơm wơl bơh ală broă bol khai neh lơh tòm tŭ duh broă tòm Sàl Tòm Mat.

Mathiơ 6:33

Mơya lài ngan, jòi jat tĕ lơgar Yàng Tom Trồ mơ bơta song ring Kơnràñ dê, gen Kơnràñ rơp ai bơtơl jơh ală bơta hơ̆ bol mê in.

Yal Wơl 12:6

tềng hơ̆ bol mê cèng ală phan ơn chu pơrguc mơ ală phan ơn duh khoai, ală pơnah jơt mơ ală phan ơn ndai, bơta bol mê neh ho ơn mơ ală phan ơn jat nùs kòñ mơ kòn tơnhoa tòm ală mpồl kơnrồ mơ ală mpồl belàt bol mê dê.

Yal Wơl 14:22

Lơh nền tĕ ơn is dô pơnah jơt tòm jơh phan gơlik gơs bơh di ƀlàng sre bol mê dê kòp nam.

Yal Wơl 14:29

tồ ală cau Lebi, bơh bol khai la ală cau ò geh tòmpà ù tiah hala sre brê lơh gơs phan tòm bol khai dê, mơ ală cau làng bơdìh, ală kòn đòi mơ ală cau ùr bơnrau ơm kis tòm ală ƀòn dờng bol mê dê rgơi tus mơ sa mơ geh hòm lai, mơ geh Jehôwa Yàng Tom Trồ bol mê dê ai lơngai bol mê in tòm jơh ală broă tê bol mê lơh.

Yal Wơl 28:12

Yàng Jehôwa rơp pò ală tap trồ la đam jàr lìu làc Kơnràñ dê nàng tơndùh mìu hơđang ù tiah bol mê dê di di kơnhai mơ nàng ai lơngai hơđang jơh ală broă tê bol mê lơh. Bol mê rơp ai oă làng bol in càn mơya bol mê rơp ò càn bơh di dô nơm lơgar lơi.