Malaci 2:17 - Sră Goh 2018

¹⁷ Bol mê neh lơh pơnjê Yàng Jehôwa bơh ală jơnau đơs bol mê dê. Bol mê lùp lah: “Mbe bol hi neh lơh pơnjê Kơnràñ taih?” Hơ̆ la tòm tŭ bol mê đơs lah: “Jơh tơl nă cau lơh bơta iơh la niam di đap mat Yàng Jehôwa, mơ Kơnràñ niam nùs di bol khai.” Hala “Ntềng đah Yàng Tom Trồ bơta song ngan dê taih?”

Malaci 2:17 ပူးပေါင်းရင်းမြစ်များ

Sră Jop 34:17

Cau gơjrañ di bơta song ring di pal at bồ sơl? Ồng rơp lơh nền glài Bơtau song ring mơ gơnoar pràn ơ?

Sră Jop 34:36

Kơp kòñ Jop rơp kong bơta gơlòng tus di lồi dut, tài bơh jơnau ho wơl khai dê be cau iơh bơsak!

Sră Jop 36:17

Mơya ồng gơs bềng jơnau cau iơh bơsak dê; Bơta cahrña mơ bơta song ring gơrwàng ồng.

Sră Jop 9:24

Plai ù gơmut tòm tê cau iơh bơsak; Kơnràñ jơm mat ală cau kwang cahrña gơ dê. Dilah ò di la Kơnràñ gen hơ̆ la ñcau taih?

Cau Bơto 8:11

Tài bơh ò lơh nền glài tòmdră mo mơ ală broă iơh, gen tàng nùs kòn mơnus jak lơh bơta iơh.

Esai 1:14

Hwềng soàn Añ gơjrañ di ală bơta pơjum sa Ngai Dùl Lik mơ ală ngai pơjum sa bol mê dê, ală bơta hơ̆ neh gơlik gơs ơnòng kơnjơ̆ Añ in, Añ bòl glar mơ àñ ơnòng gơ.

Esai 29:15

Bòl glar cau lơi pồn dô bơta rơndap jrô ndơp ir di Yàng Jehôwa, la cau lơh broă khai dê tòm tiah klam jơngo mơ kơlôi lah: “Ñcau gŏ bol hi taih? Ñcau rơp git taih?”

Esai 30:18

Bulah behơ̆, Yàng Jehôwa kơp gơn nàng ai bơta nđàc bol mê in, Kơnràñ rơp guh nàng yal tơlik bơta nđàc sơngit bol mê in. Bơh Yàng Jehôwa la Yàng Tom Trồ song ring. Lơngai jơh tơl nă cau in gơn kơp Kơnràñ!

Esai 43:22

Mơya, ơ Jakôp, mê neh ò hòi dan mơ Añ, Ơ Israel, mê neh kong bòl glar să tòm mê dê Añ in.

Esai 43:24

Mê neh ò blơi Añ in chi ƀô niam lơi, kung neh ò ơn Añ in dơngi ală phan ơn duh khoai. Mơya mê lơh Añ in kơnjơ̆ bơh tồi glài mê dê, mơ tơmbòl Añ bơh ală bơta tồi glài iơh bơsak mê dê.

Esai 7:13

Gen Esai đơs lah: “Iat tĕ do, ơ hìu Dabit! Bol mê lơh dơrcul bơta kong ơt kòn mơnus dê la ò tơl sơl ơ? Bol mê kung rơp lơh dơrcul Yàng Tom Trồ añ jê tai sơl ơ?

Jeremi 12:1

Khoai Yàng Jehôwa, Kơnràñ song ring ngan; Tòm tŭ añ tòm pơndang mơ Kơnràñ Bulah behơ̆, añ dan lùp Kơnràñ. Ñchi bơh tài gùng dà cau iơh geh bơtoah bơtoài taih? Ală cau tìs glài geh cồng nha taih?

Jeremi 15:6

Yàng Jehôwa đơs lah: “Mê neh sang lòi Añ, Mê neh lòt ruc hơ ngkòi, Gen tàng Añ neh pò tê tòmdră mơ tơnroh mê. Añ neh làp dil bơta nđàc sơngit.

Jeremi 17:15

Do la jơnau mơ cau neh đơs mơ añ: “Ntềng đah jơnau đơs Yàng Jehôwa dê taih? Lòi gơ gơlik gơs tĕ!”

Jeremi 44:22

Yàng Jehôwa ò jai kong tai, bơh broă lơh iơh rmơh bol mê dê mơ bơta cù kìr mơ bol mê neh tìs, gen tàng lơgar bol mê neh gơlik gơs tiah lòi srau, ngềt ngơt mơ dô bơta srat sơntơm, ò gơs làng bol ơm jơl tus di ngai do.

Ejekiel 16:43

Tài bơh ai ò kah ală ngai tòm tŭ ai gam kơnòm să, mơya neh lơh Añ in gơhào gơjrañ bơh jơh ală bơta do, gen ngan la Añ rơp tơndùh hơđang ai ală bơta ai neh lơh,’ Jehôwa Yàng Tom Trồ đơs behơ̆. Ai ò di neh bơtơl bơta rềs àr bơrnàn tòm ală broă cù kìr ai neh lơh ò ơ?

Ejekiel 18:25

Bulah behơ̆ bol mê gam đơs lah: ‘Gùng dà Yàng Jehôwa dê ò song ring!’ Ơ hìu Israel, iat tĕ: Gùng dà Añ jê ngan la ò song ring sơl ơ? Ò di la ală gùng dà bol mê dê la ò song ring ơ?

Ejekiel 8:12

Gen Kơnràñ đơs mơ añ lah: “Ơ kòn mơnus, mê gŏ sơl bơta ală cau kwang kra hìu Israel dê ơm lơh tòm bơta klam jơngo, kòp nă duh khoai di đap rùp ràk is he dê? Bơh bol khai đơs lah: ‘Yàng Jehôwa ò gŏ bol he ò; Yàng Jehôwa neh sang lòi lơgar do rau!’”

Ejekiel 9:9

Kơnràñ đơs mơ añ lah: “Bơta tồi glài hìu Israel mơ Juda dê la dờng ngan ò git lơh; lơgar gơs bềng mhàm hòr mơ ƀòn dờng gơs bềng bơta ò song ring. Bol khai đơs lah: ‘Yàng Jehôwa neh sang lòi lơgar do; Yàng Jehôwa ò wèt sền ò.’

Amôs 2:13

Behơ̆, Añ rơp jă tơnlề bol mê tòm tiah bol mê, kung be dô nơm rơndeh jă tơnlề tòm tŭ gơ pơdiang kòi.

Sôphôni 1:12

Tòm tŭ hơ̆ Añ rơp ngui ală ồs đèng nàng jòi tòm Jerusalem, mơ lơh glài ală làng bol la cau jòng să pơnhừ să hơđang iah tơrnòm mơ ală cau kơlôi òm tòm nùs lah: ‘Yàng Jehôwa rơp ò lơh bơta lơi niam hala bơta lơi iơh.’

Malaci 2:14

Bol mê lùp lah: “Ñchi bơh tài behơ̆ taih?” Hơ̆ la tài bơh Yàng Jehôwa gơs kung be cau lơh cơng digùl mê mơ bau ùr mê neh bau bơh tŭ mê gam pơnu, bơh mê ò dòn song mơ khai, bulah khai la cau bơyô mê dê, la bau ùr bơta ho bal mê dê.

Malaci 3:8

“Dô nă kòn mơnus rơp sa kơñau bơh di Yàng Tom Trồ sơl ơ? Mơya bol mê kơñau bơh di Añ.” Mơya bol mê lùp lah: “Mbe bol hi sa kơñau Kơnràñ taih? Bol mê neh sa kơñau tòm ală pơnah jơt mơ tòm ală phan ơn.

Yal Wơl 32:4

Kơnràñ la Pơnai Lŭ, broă lơh Kơnràñ dê la wil tơl, mơ jơh ală gùng dà Kơnràñ dê la song ring. Yàng Tom Trồ Bơtau dòn song, ò blac pơrlồm, Kơnràñ la Bơtau song ngan mơ song ring;

I Samuel 2:3

Bañ đơs tai ală jơnau pơnhừ să oă ir, bañ lòi jơnau jòng să lik bơh di bơr mê dê; bơh Yàng Jehôwa la Yàng Tom Trồ bơta git wă dê, mơ Kơnràñ kơr ală broă lơh.