Malaci 2:15 - Sră Goh 2018

¹⁵ Ò di Yàng Tom Trồ neh lơh bol khai in gơlik gơs mìng dô nă lơm ò ơ? Tòm poac să mơ hwềng nùs bol khai gơrê bal mơ Kơnràñ. Mơ ñchi bơh tài lơh gơlik gơs mìng dô nă lơm taih? Hơ̆ la tài bơh Kơnràñ jòi dô jơi bơtiàn sàng goh. Behơ̆ kơrhia tĕ tòm hwềng nùs bol mê dê; bañ ơm ò dòn song mơ bau ùr mơ mê neh bau bơh tŭ mê gam pơnu.

Malaci 2:15 ပူးပေါင်းရင်းမြစ်များ

Sơnròp Gơlik Gơs 1:27

Yàng Tom Trồ crơng gơs kòn mơnus be rùp Kơnràñ, Kơnràñ crơng gơs kòn mơnus be rùp Yàng Tom Trồ, Kơnràñ crơng gơs cau klau mơ cau ùr.

Sơnròp Gơlik Gơs 2:7

Mơ Jehôwa Yàng Tom Trồ ai kơmbuh ù mòn gơs kòn mơnus, khồm nhơm bơta kis dê tòm trồm muh gen kòn mơnus gơlik gơs dô jơi gơs hwềng kis.

Sơnròp Gơlik Gơs 24:44

mơ cau hơ̆ rơp ho lah: “Hùc tĕ gen añ rơp bơ̆ dà ai ală làkđa mê in hùc sơl,” dan ai cau ơruh hơ̆ gơlik gơs bau mơ Yàng Tom Trồ neh sac kòn klau cau tòm añ in.’

Sơnròp Gơlik Gơs 27:46

Rebeka đơs mơ Isak lah: “Añ neh bòl glar, ò bài kis tai, bơh ală kòn ùr cau Het dê. Dilah Jakôp kòñ bau mơ dô nă tòm ală kòn ùr cau Het dê, hơ̆ la dô nă cau ùr tòm lơgar be ală cau do, gen mbe añ kòñ kis tai taih?”

Sơnròp Gơlik Gơs 6:2

ală kòn klau Yàng Tom Trồ dê gŏ kòn ùr kòn mơnus dê la hàng mơnĕ gen bau mơ cau lơi di nùs bol khai.

Ejra 9:4

Gen jơh ală cau rơm să rngòt di ală jơnau Yàng Tom Trồ Israel dê, tài bơh bơta ò dòn song ală cau rê bơh di tiah kong kup cèng, pơjum gùt dar añ tòm tŭ añ ơm nggui rngòt rngơt jơl tus di tŭ ơn phan duh khoai mho.

Nehemi 13:24

Nggùl ală kòn bol khai dê đơs jơnau Asdot mơya jơnau đơs ndai mơ ò git đơs jơnau Juda.

Sră Jop 27:3

Nđò jŏ nhơm tă gam tòm añ, Mơ hwềng Yàng Tom Trồ dê gam tòm trồm muh añ,

Lik Ejiptơ 20:14

Bol mê bañ tìs glài rềs àr bơrnàn.

Jơnau Pơnđik 2:17

Khai sang lòi cau lơh bơyô mơ khai tòm tŭ gam pơnu, Mơ hŭi jơnau ho pơgon sàng goh khai dê.

Jơnau Pơnđik 4:23

Prap gàr tĕ nùs kòn dê dô bă kơrhia rlau jơh, Bơh ală croh dà bơta kis gơlik bơh di gơ.

Jơnau Pơnđik 6:25

Nùs kòn bañ hàm kòñ bơta hàng mơnĕ khai dê, bañ lòi he gơtup di sơmbir mat khai dê.

Jơnau Pơnđik 7:25

Nùs kòn bañ gơwèt tòm gùng cau ùr hơ̆, Bañ lòt tìs tòm ală gùng khai dê;

Cau Bơto 12:7

Mơ kơmbuh ù rê wơl mơ ù kung be bơh sơnròp gơ la ù, mơ hwềng soàn rê wơl mơ Yàng Tom Trồ, la Bơtau neh ai gơ.

Jeremi 2:21

Añ neh tam mê kung be dô nơm chi ño sac rwah; Dô nơm chi ño niam goh rlau jơh. Mơya mbe mê neh gơlik ală ntê ò niam, mơ gơlik dô tòm ño brê taih?

Sră Ôse 1:10

“Bulah behơ̆, ntum khà làng bol Israel dê rơp kung be bràs di gah dàlềng, ò rgơi was, ò rgơi kòp; tŭ hơ̆, di tiah Añ neh đơs mơ bol khai lah: ‘Bol mê ò di la làng bol Añ jê,’ bol khai rơp geh sơnđan la ‘Ală kòn Yàng Tom Trồ kis gam sùm dê.’

Lebi 20:10

Dilah cau lơi tìs glài rềs àr bơrnàn mơ bau ùr dô nă cau ndai, mơ bau ùr cau ơm rềp mơ khai gen jơh bàr nă cau klau mơ cau ùr rềs àr bơrnàn hơ̆ pal kong tơnchơt.

Malaci 2:14

Bol mê lùp lah: “Ñchi bơh tài behơ̆ taih?” Hơ̆ la tài bơh Yàng Jehôwa gơs kung be cau lơh cơng digùl mê mơ bau ùr mê neh bau bơh tŭ mê gam pơnu, bơh mê ò dòn song mơ khai, bulah khai la cau bơyô mê dê, la bau ùr bơta ho bal mê dê.

Mathiơ 15:19

Bơh tòm nùs mơ gơlik ală bơta kơlôi iơh, tơnchơt cau, rềs àr, bơrnàn, ntung kơñau, lơh cơng blac, mơ jơnau tràl sơrbil.

Jang 20:22

Neh Kơnràñ đơs behơ̆ rau, gen khồm nhơm hơđang ală cau bơtê mơ đơs lah: “Dòp tĕ Yàng Hwềng Goh.

Broă 3:25

Ală oh mi la kòn sau ală cau gơnoar hwơr dê, mơ bơta ho bal Yàng Tom Trồ dê neh bơtào gơs mơ ală ồng pàng oh mi dê tòm tŭ Kơnràñ đơs mơ Abraham lah: ‘Jơh ală làng bol tòm làm ù rơp geh lơngai kơnòm di jơi bơtiàn mê dê.’

I Kôrintô 7:14

Bơh bau klau ò dòn Yàng, gen kơnòm di bau ùr mơ geh sàng goh; mơ bau ùr ò dòn Yàng, gen kơnòm di bau klau mơ geh sàng goh; dilah ò behơ̆ gen kòn oh mi dê ò gơrê bal mơ Yàng, mơya tŭ do gơrê bal mơ Yàng.

I Kôrintô 7:2

Mơya tài bơh rngòt di bơta rềs àr bơrnàn, gen kòp nă cau klau pal gơs bau ùr, mơ kòp nă cau ùr kung pal gơs bau klau.

II Kôrintô 6:18

Añ rơp lơh gơs Bèp ală bol mê dê, Ală bol mê rơp lơh gơs kòn klau kòn ùr Añ jê. Yàng la Bơtau Gơnoar Dờng Làm Jơh đơs behơ̆.”

Ephesô 6:4

Ơ cau la bèp, bañ lơh kòn he in gơjrañ, mơya ngui tĕ bơta lơh glài tơmàl mơ jơnau bơto tơngkah Yàng dê nàng ròng siam bol khai.

Yal Wơl 7:4

bơh bol khai rơp pơrlac ngài ală kòn sau bol mê dê ò lòt jat Añ tai; mơ rơp duh khoai ală yàng ndai, mơ bơta gơjrañ Yàng Jehôwa dê rơp gơhào khuh tòmdră mơ bol mê mơ rơp tơnroh bol mê mhar ngan.

Sră Pơyoa Pol Dê Pơyoa Tit In 1:6

Cau kwang kra pal la cau ò gơs tiah geh lah pơrhơng, la cau klau gơs mìng dô nă bau ùr lơm, kòn sau kung pal dòn Yàng mơ ò gơkòl cau yă bơh bung jang hala ò dòn bơr.

Rutơ 4:12

Kơnòm di kòn sau mơ Yàng Jehôwa rơp ai mê in bơh cau ùr do, dan hìu nhă mê in gơlik kung be hìu nhă Pheres mơ Thamar neh deh Juda in.”

I Samuel 2:20

Gen Heli ai lơngai Elkana mơ bau khai in mơ đơs lah: “Dan Yàng Jehôwa ai mê in ală kòn bơh cau ùr do nàng ala kòn mơ khai neh ơn Yàng Jehôwa in.” Gen bol khai rê wơl hơ hìu bol khai dê.