Malaci 2:14 - Sră Goh 2018

¹⁴ Bol mê lùp lah: “Ñchi bơh tài behơ̆ taih?” Hơ̆ la tài bơh Yàng Jehôwa gơs kung be cau lơh cơng digùl mê mơ bau ùr mê neh bau bơh tŭ mê gam pơnu, bơh mê ò dòn song mơ khai, bulah khai la cau bơyô mê dê, la bau ùr bơta ho bal mê dê.

Malaci 2:14 ပူးပေါင်းရင်းမြစ်များ

Sơnròp Gơlik Gơs 2:18

Jehôwa Yàng Tom Trồ đơs lah: “Cau klau ơm is dô nă ò niam, Añ rơp lơh gơs dô nă cau dong kòl ndròm bal be rùp să khai.”

Sơnròp Gơlik Gơs 31:50

Dilah mê lơh iơh di ală kòn ùr añ mơ mê jòi bau ndai, gen kơrhia tĕ, ò di la cau òs cahrña he ò, mơya hơ̆ la Yàng Tom Trồ lơh cơng digùl añ mơ mê.”

Jơnau Pơnđik 2:17

Khai sang lòi cau lơh bơyô mơ khai tòm tŭ gam pơnu, Mơ hŭi jơnau ho pơgon sàng goh khai dê.

Jơnau Pơnđik 30:20

Nùs nhơm cau ùr dri tơlàr kung behơ̆ sơl; khai sa, gen khai jùt kơmbùng, mơ đơs lah: “Añ ò lơh tìs glài.”

Jơnau Pơnđik 5:20

Ơ kòn añ jê, ñchi bơh tài kòn hàm kòñ dô nă cau ùr ndai; Mơ koar di ntơh dô nă cau ùr rềs àr taih?

Cau Bơto 9:9

Hòn chò tĕ rài kis mơ bau ùr mê kòñ gơboh, jơh ală ngai tòm rài roh lơm mê dê, mơ mê neh dòp geh hơđơm mattơngai, tài bơh hơ̆ la pơnah mê dê tòm rài kis do, mơ la bơta mê geh bơh broă lơh mê dê mơ mê neh kong bòl glar hơđơm mattơngai.

Đơs Chò 1:15

Ơ cau kòñ gơboh añ jê, ai hàng mơnĕ ngan, ai hàng mơnĕ ngan! Gar mat ai be mat sềm ntòp.

Esai 54:6

Bơh Yàng Jehôwa neh hòi ai, be bau ùr neh kong sang lòi mơ jê sồt moat jrùng tòm hwềng nùs, be dô nă bau ùr neh tòmbau tòm tŭ gam ơruh mơ neh kong sang lòi.” Yàng Tom Trồ ai dê đơs behơ̆.

Esai 58:3

Bol khai đơs lah: ‘Ñchi bơh tài bol hi ơt sa mơ Yàng ò sền gŏ taih? Ñchi bơh tài bol hi pơndêt să bol hi dê mơ Yàng ò cih kah taih?’ Sền ne, bol mê duh broă ală bơta nùs bol mê hàm kòñ tòm ngai bol mê ơt sa, mơ rồn bơklơn jơh ală cau lơh broă bol mê dê.

Jeremi 29:23

Tài bơh bol khai neh lơh bơta tồi glài iơh rmơh tòm Israel, neh tìs glài rềs àr bơrnàn mơ bau ùr ală cau gơp ƀòn he, mơ neh ai sơnđan Añ đơs ală jơnau ma blac mơ Añ ò tŭ lơi sồr bol khai. Să tòm Añ la Bơtau git loh mơ lơh cơng bơh bơta hơ̆.” Yàng Jehôwa đơs behơ̆.

Jeremi 42:5

Ală cau hơ̆ đơs mơ Jeremi lah: “Dilah bol hi ò lơh jat kòp jơnau Jehôwa Yàng Tom Trồ ồng dê rơp sồr ồng yal bol hi in, dan Yàng Jehôwa la song ngan, dòn song lơh cơng digùl bol he!

Jeremi 8:12

Bol khai neh lơh broă ƀàssìl ngan, bol khai tìs bơta cù kìr, mơya bol khai ò git ƀàssìl ƀàsso bol khai ò gơlơh dum mat sơl. Behơ̆ gen tàng, bol khai rơp gơpừ bal mơ ală cau gơtup pừ. Tus di ngai Añ lơh glài bol khai, bol khai rơp kong tuh tơlup.’” Yàng Jehôwa đơs behơ̆.

Jeremi 9:2

Ôih! Kơp kòñ añ gơs dô nơm hìu ơpah bic ing tòm ƀlàng bràs! Nàng añ sang lòi làng bol añ Mơ lòt ngài bơh bol khai; Bơh tơl nă bol khai la ală cau rềs àr, Dô mpồl ală cau blac pơrlồm.

Ejekiel 16:8

Añ lòt gan ai tai mơ sền di ai, ai neh di tŭ git kòñ gơboh. Añ lă mum ào jrùh Añ jê hơđang ai, jơm să kuh ai dê. Añ ai să tòm Añ ho pơgon mơ ai mơ bơtào dô bơta ho bal mơ ai gen ai gơrê bal mơ Añ,’ Jehôwa Yàng Tom Trồ đơs behơ̆.

Mice 1:2

“Ơ jơh ală làng bol, iat tĕ! Ơ plai ù mơ jơh ală cau ơm tòm plai ù, ơm iat tĕ! Lòi tĕ Jehôwa Yàng Tom Trồ lơh cơng tòmdră mơ bol mê, Yàng Jehôwa bơh Hìu Duh Khoai Sàng Goh Kơnràñ dê.

Malaci 2:15

Ò di Yàng Tom Trồ neh lơh bol khai in gơlik gơs mìng dô nă lơm ò ơ? Tòm poac să mơ hwềng nùs bol khai gơrê bal mơ Kơnràñ. Mơ ñchi bơh tài lơh gơlik gơs mìng dô nă lơm taih? Hơ̆ la tài bơh Kơnràñ jòi dô jơi bơtiàn sàng goh. Behơ̆ kơrhia tĕ tòm hwềng nùs bol mê dê; bañ ơm ò dòn song mơ bau ùr mơ mê neh bau bơh tŭ mê gam pơnu.

Malaci 3:5

Gen, Añ rơp tus rềp mơ bol mê nàng cahrña. Añ rơp sơrbac sơrbang lơh cơng tòmdră mơ ală cau gru jơnang, ală cau rềs àr dri tơlàr mơ ală cau srat să ma blac, tòmdră mơ ală cau sa kơñau jền tơngai cau lơh broă ơpah dê, rồn bơklơn ală cau ùr bơnrau mơ cau kòn đòi, ò lơh song ring gơwèt mơ cau ơm tòp, mơ ò duh rngòt di Añ,” Yàng Jehôwa Gơnap Gơnoar Dờng Làm Jơh đơs behơ̆.

Malaci 3:8

“Dô nă kòn mơnus rơp sa kơñau bơh di Yàng Tom Trồ sơl ơ? Mơya bol mê kơñau bơh di Añ.” Mơya bol mê lùp lah: “Mbe bol hi sa kơñau Kơnràñ taih? Bol mê neh sa kơñau tòm ală pơnah jơt mơ tòm ală phan ơn.

Ală Kwang Cahrña 11:10

Ală cau kwang kra Galaat ho wơl lah: “Yàng Jehôwa rơp lơh cơng digùl bol he, bol hi rơp lơh ngan be mê đơs.”

I Samuel 12:5

Samuel đơs mơ bol khai lah: “Dan Yàng Jehôwa lơh cơng tòmdră mơ bol mê, mơ cau geh bong mơñà Kơnràñ dê lơh cơng tòm ngai do la bol mê ò bàn phan lơi tòm tê añ.” Bol khai đơs lah: “Dan Kơnràñ lơh cơng.”