Malaci 1:4 - Sră Goh 2018

⁴ Dilah Edôm đơs lah: “Bulah bol hi neh kong bơcah lề, bol hi rơp bơt bơtào wơl ală tiah tơrlah tơrlơm.” Mơya Yàng Jehôwa Gơnap Gơnoar Dờng Làm Jơh đơs lah: “Bol khai rgơi bơt bơtào wơl, mơya Añ rơp sòr tơrlơm, jơl tus di tŭ bol khai geh sơnđan la lơgar iơh bơsak, la dô nơm làng bol mơ Yàng Jehôwa gơjrañ sùm sùm.”

Malaci 1:4 ပူးပေါင်းရင်းမြစ်များ

Sră Jop 12:14

Bơta lơi Kơnràñ sòr tơrlah, ò gơs cau lơi rgơi bơt bơtào wơl; Dilah Kơnràñ til, ò gơs cau lơi rgơi pò.

Sră Jop 34:29

Mơya dilah Kơnràñ ơm mŏ mŏ, ñcau rgơi lơh nền glài Kơnràñ taih? Dilah Kơnràñ pồn mat, ñcau rgơi gŏ Kơnràñ taih? Bulah dô nơm làng bol hala dô nă is cau dê,

Sră Jop 9:4

Bơta jak chài tòm nùs Kơnràñ dê, mơ gơnap gơnoar tòm bơta pràn Kơnràñ dê. Cau lơi tòmdră mơ Kơnràñ mơ gam geh pơnjat sùm sơl?

Đơs Crih 127:1

Dilah Yàng Jehôwa ò bơt bơtào hìu, Gen ală cau chài bơt hìu lơh broă bòl glar ò kwơ. Dilah Yàng Jehôwa ò sền gàr ƀòn dờng, Gen cau drơng mang kơp gàr ò kwơ.

Đơs Crih 137:7

Ơ Yàng Jehôwa, dan kah tòmdră mơ ală cau Edôm, tòm ngai Jerusalem kòl tơrlơm, Bol khai đơs lah: “Phà tơrlah tĕ, phà tơrlah tĕ! Tơmù tus di ală mơnàng gơ dê!”

Đơs Crih 33:10

Yàng Jehôwa lơh bơta bơyai ală lơgar dê gơlik gơs ò kwơ, Kơnràñ lơh ală bơta rơndap tap sèng ală làng bol dê gơlik gơs roh lơm.

Jơnau Pơnđik 21:30

Ò gơs bơta jak chài, bơta git jak, hala kai gơrmơ̆i, mơ rgơi tòmdră jai mơ Yàng Jehôwa.

Esai 10:4

Bol khai mìng kun tơnliah să digùl ală cau ơm jàm, hala gơpừ digùl ală cau gơkòl tơnchơt. Bơh jơh ală bơta hơ̆, bơta gơjrañ Kơnràñ dê kung ò wèt ngài, tê Kơnràñ dê gam pò tơlik.

Esai 11:14

Mơya bol khai rơp brồ tơm bơh hơđang ngkòi cau Philistin dê đah mattơngai mut; Bol khai lơh gơs dô bă bal nàng phà tòmpìt làng bol đah mattơngai lik. Bol khai rơp ơn tê tòmdră mơ Edôm mơ Môap, mơ cau Ammôn rơp dòn duh bol khai.

Esai 34:10

Ngai mơ mang rơp ò tŭ lơi chơt, ñhŭ gơ par guh gam sùm sùm. Gơ rơp kong sang lòi ngềt ngơt bơh rài do tus hơ rài ne, ò gơs cau lơi rơp lòt gan gơ tai.

Esai 34:5

Tòm tŭ đào Añ jê neh ñô hòm hơđang trồ rau; sền ne, gơ rơp mù hơđang Edôm, hơđang làng bol Añ neh lơh nền jào bơta cahrña.

Jeremi 31:17

Yàng Jehôwa đơs lah: “Behơ̆ rơp gơs bơta gơn kơnòm tòm tơngai tơnơ̆ bol mê dê; Kòn sau bol mê rơp rê wơl hơ lơgar tòm bol khai dê.

Jeremi 49:20

Behơ̆ iat tĕ bơta Yàng Jehôwa neh lơh nền tòmdră mơ Edôm, mơ tơnggume broă Kơnràñ neh bơtào tòmdră mơ làng bol Theman: Ngan ală kòn dềt tòm mpồl bol khai rơp kong hwài lòt; nền cê ngan mpồl bol khai rơp kong rngòt rngơt.

Jeremi 49:7

Bơh Edôm. Yàng Jehôwa Gơnap Gơnoar đơs be do: “Tòm Theman ngan ò gam gơs bơta jak chài ơ? Ală cau cri bơyai neh roh bơta chài rgơi rau ơ? Bơta jak chài bol khai dê neh roh rau ơ?

Jeremi 49:8

Ơ làng bol Dedan, Wèt ngkòi tĕ, dô tĕ, pồn să tòm ală tiah jrô; Bơh Añ rơp lơh bơta rung rài Esau dê tus hơđang gơ, La tŭ Añ rơp lơh glài khai.

Jeremi 5:17

Bol khai rơp sa loan plai đo mơ ƀañ mê dê, Bol khai rơp sa kòn klau kòn ùr mê; Bol khai rơp sa mpồl belàt mơ mpồl kơnrồ mê, bol khai rơp sa chi ño mơ chi ƀal mê dê. Bol khai rơp ai đào tơnroh ală ƀòn dờng kơ̆ cê mê dê, la tiah mơ mê gơn kơnòm!”

Ñìm Rac 3:37

Ñcau rgơi ai gơnoar sồr mơ bơta hơ̆ geh lơh gơs, dilah ò di Yàng Jehôwa rơndap lơh nền taih?

Ejekiel 11:10

Bol mê rơp gơpừ bơh đào; mơ Añ rơp cahrña bol mê di tiah nhàr lơgar Israel dê. Gen bol mê rơp git lah Añ la Yàng Jehôwa.

Ejekiel 25:13

gen tàng Jehôwa Yàng Tom Trồ đơs be do: ‘Añ rơp pò tê tòmdră mơ Edôm mơ tơnchơt ală kòn mơnus mơ ală phan poan jơng bol khai dê. Añ rơp lơh gơ in gơlik gơs tiah sang lòi srau gòi, mơ bơh Theman tus Dedan, bol khai rơp gơpừ bơh đào.

Ejekiel 25:14

Añ rơp tơmù bơta sal tê di Edôm bơh tê làng bol Israel Añ jê; mơ bol khai rơp lơh di Edôm jat be bơta gơjrañ mơ bơta gơjrañ dờng Añ jê; bol khai rơp git bơta sal tê Añ, Jehôwa Yàng Tom Trồ đơs behơ̆.’”

Ejekiel 26:14

Añ rơp lơh mê in gơlik gơs dô pơnai lŭ mpòl, mơ mê rơp gơlik gơs dô bă tiah cau is ală bơtơng. Mê rơp ò gơs tŭ lơi geh bơt bơtào wơl; bơh Añ la Yàng Jehôwa neh đơs,’ Jehôwa Yàng Tom Trồ đơs behơ̆.”

Ejekiel 35:4

Añ rơp lơh tơrlah tơrling ală ƀòn dờng mê dê mơ mê rơp gơlik gơs tiah srau gòi. Gen mê rơp git Añ la Yàng Jehôwa.

Ejekiel 35:9

Añ rơp lơh mê in gơlik gơs tiah srau gòi sùm sùm; ală ƀòn dờng mê dê rơp ò gơs làng bol ơm tai, gen mê rơp git Añ la Yàng Jehôwa.

Amôs 1:11

Yàng Jehôwa đơs be do: “Bơh tồi glài Edôm dê, oă rlau mơ pe, poan dơ̆, Añ rơp ò jùt sang bơta lơh glài Añ jê, tài bơh khai neh ting jat oh mi he mơ đào, sang lòi jơh ală bơta kòñ nđàc, khai prap lòi bơta gơjrañ sùm sùm, mơ prap gàr bơta gơjrañ kơuềng khai dê ò jơh.

Amôs 3:15

Añ rơp lơh tơrlah hìu kơnhai noat bal mơ hìu kơnhai prang; ală hìu bơka mơ bla rwas rơp roh rui, mơ ală hìu dờng rơp kong tơnroh tơnlồi.” Yàng Jehôwa đơs behơ̆.

Amôs 5:11

Tài bơh bol mê jă trơm hơđang cau rƀah lơòi mơ bơklơn bol khai dap dia kòi mi. Bol mê neh bơt ală hìu mơ lŭ neh koh, bol mê rơp ò ơm tòm ală hìu hơ̆; bulah bol mê neh tam ală suơn ño gơs oă plai, bol mê rơp ò geh ñô tơrnòm gơ dê.

Amôs 6:11

Bơh Yàng Jehôwa neh ai jơnau sồr, mơ hìu dờng rơp kòl pòng tơrlah tơrlơm, mơ hìu dềt lề rpot rpet.

Amôs 6:2

Lòt gan tĕ hơ Kalneh mơ sền, bơh hơ̆ lòt tus hơ ƀòn dờng Hamat, lồc behơ̆ mù tus hơ Gat tòm lơgar Philistin. Bol mê la niam rlau mơ ală lơgar bơtau do sơl? Hala ù tiah bol mê dê la dờng ơnàng rlau mơ ù tiah bol khai dê ơ?

Apdia 1:1

Do la bơta gơtơnggŏ Apdia dê. Jehôwa Yàng Tom Trồ đơs bơh Edôm be do: “Bol he neh kơno jơnau yal bơh Yàng Jehôwa, mơ gơs dô nă cau kong sồr geh sồr lòt tus digùl ală làng bol mơ đơs lah: ‘Guh tĕ, mơ bol he lòt tĕ tòmdră mơ gơtòm bơta tòmlơh.’

Apdia 1:10

Bơh bơta tơnchơt mơ bơta jàñ bơsak mê neh lơh di oh mi mê la Jakôp, bơta ƀàssìl rơp jơm ndơp mê, mơ mê rơp kong tơnroh jơl sùm sùm!

Malaci 1:3

Mơya Añ neh kòñ gơboh dê Jakôp, mơ gơjrañ kơuềng dê Esau, mơ Añ neh lơh ală mơnơm khai dê gơlik gơs tiah sang lòi srau gòi, mơ lơh sre brê khai dê gơs tiah ơm ală so brê in tòm ƀlàng bràs.”

Mathiơ 12:30

Cau lơi ò tòmsòr mơ Añ la tòmdră mơ Añ; cau lơi ò tơrgòm pơjum Añ in gen lơh gơprah gơpring.