Malaci 1:2 - Sră Goh 2018

² Yàng Jehôwa neh đơs lah: “Añ neh kòñ gơboh di bol mê.” Mơya bol mê lùp lah: “Mbe Kơnràñ neh kòñ gơboh di bol hi taih?” Yàng Jehôwa đơs lah: “Esau ò di la bi Jakôp ơ?

Malaci 1:2 ပူးပေါင်းရင်းမြစ်များ

Sơnròp Gơlik Gơs 25:23

Yàng Jehôwa ho lah: “Bàr nơm lơgar ơm tòm kơndul ai, mơ bàr làng bol rơp lik bơh kơndul ai, làng bol do pràn rlau mơ làng bol ne, mơ cau bi rơp kong duh broă cau oh.”

Sơnròp Gơlik Gơs 25:25

Kòn lik lài la pơrhê, sơnò làm să be dô nơm ào sơnò, sơnđan la Esau.

Sơnròp Gơlik Gơs 25:26

Oh khai lik tơnơ̆, tê khai at dê kơndòl jơng Esau, behơ̆, sơnđan khai la Jakôp. Tŭ Rebeka neh deh bàr nă kòn do gen Isak neh prau jơt nam.

Sơnròp Gơlik Gơs 27:33

Isak rơm să oă mơ đơs lah: “Gen ñcau neh pañ poac phan brê mơ neh ai añ in sa taih? Lài mơ tŭ mê rê, añ neh sa jơh rau, mơ neh ai lơngai khai in, mơ ngan khai rơp geh lơngai hơ̆.”

Sơnròp Gơlik Gơs 48:4

mơ đơs lah: ‘Do, Añ rơp lơh mê in tơnggơs rơ̆sơmpài ràipơjềng, mơ lơh mê in gơlik dô mpồl làng bol oă. Añ rơp ai jơi bơtiàn mê in lơgar do nàng lơh gơs sre brê sùm sùm kòp rài.’

I Ală Bơtau 10:9

Pal jòng ro Jehôwa Yàng Tom Trồ bơtau dê, bơh Kơnràñ niam nùs bơtào bơtau hơđang sơbàn Israel dê! Tài bơh Yàng Jehôwa kòñ gơboh Israel sùm sùm, gen Kơnràñ neh bơtào bơtau lơh gơs bơtau at bồ jat bơta song ngan mơ song ring.”

II Ală Bơtau 3:8

Khai pơnjat: “Bol he rơp lòt jat gùng lơi taih?” Jôram ho lah: “Bơh gùng ƀlàng ngềt ngơt Edôm dê.”

Esai 43:4

Tài bơh mê la dờng màng mơ di pal jòng ro di đap Añ, mơ tài bơh Añ neh kòñ gơboh di mê, Añ rơp ai ală cau nàng tòmgơl mơ mê, mơ làng bol nàng tòmgơl bơta kis mê dê.

Esai 63:1

Cau do la ñcau mơ tus bơh Edôm, bơh Bôjra, soh ào ñòm dà pơrhê taih? Cau do la ñcau mơ soh ào jrùh ryŭ ryơm, ai gơnoar pràn dờng khai dê mơ cơnđòa khin cha taih? “Hơ̆ la să tòm Añ, la Bơtau đơs bơta song ring, gơs gơnoar pràn nàng dong klàs.”

Jeremi 2:31

Ơ jơi bơtiàn bol mê! Sền nền tĕ jơnau Yàng Jehôwa đơs: Añ la dô nơm ƀlàng ngềt ngơt, hala dô bă ù tiah klam jơngo cik gơwèt hơ làng bol Israel ơ? Behơ̆ gen ñchi bơh tài làng bol Añ đơs lah: ‘Bol hi geh khat gơboh, Bol hi rơp ò tus mơ Kơnràñ tai’?

Jeremi 2:5

Yàng Jehôwa đơs be do: “Ồng pàng bol mê neh gŏ bơta lơi ò song ring tòm Añ, tàng neh lòt ngài bơh di Añ; Neh lòt jat bơta roh lơm, Mơ gơlik gơs ò kwơ să tòm bol khai in?

Jeremi 31:3

Yàng Jehôwa neh tơlik mat mơ Añ bơh tŭ jŏ jòng, “Ngan, Añ neh kòñ gơboh di mê mơ bơta kòñ gơboh gam sùm sùm, Gen tàng, Añ neh kư̆ pơnjat tai bơta dòn song Añ jê mơ bol mê.

Amôs 1:11

Yàng Jehôwa đơs be do: “Bơh tồi glài Edôm dê, oă rlau mơ pe, poan dơ̆, Añ rơp ò jùt sang bơta lơh glài Añ jê, tài bơh khai neh ting jat oh mi he mơ đào, sang lòi jơh ală bơta kòñ nđàc, khai prap lòi bơta gơjrañ sùm sùm, mơ prap gàr bơta gơjrañ kơuềng khai dê ò jơh.

Malaci 2:17

Bol mê neh lơh pơnjê Yàng Jehôwa bơh ală jơnau đơs bol mê dê. Bol mê lùp lah: “Mbe bol hi neh lơh pơnjê Kơnràñ taih?” Hơ̆ la tòm tŭ bol mê đơs lah: “Jơh tơl nă cau lơh bơta iơh la niam di đap mat Yàng Jehôwa, mơ Kơnràñ niam nùs di bol khai.” Hala “Ntềng đah Yàng Tom Trồ bơta song ngan dê taih?”

Luka 10:29

Mơya khai kòñ sơnđan is să he la song ring, gen đơs mơ Yàng Jesu lah: “Ñcau la cau gơp ƀòn añ taih?”

Jang 15:12

Do la bơta sồr lam Añ jê: Bol mê kòñ gơboh tĕ bal mơ gơp, kung be Añ neh kòñ gơboh di bol mê.

Yal Wơl 10:15

Bulah behơ̆ Yàng Jehôwa wèt nùs kòñ gơboh Kơnràñ mìng di ală ồng pàng bol mê dê, mơ neh sac rwah bol khai mơ kòn sau bol khai dê bơh digùl ală làng bol, be neh gŏ tòm ngai do.

Yal Wơl 23:5

Bulah behơ̆, Jehôwa Yàng Tom Trồ bol mê dê ò bài iat Balaam mơya Kơnràñ pơrlac bơta srat sơntơm gơlik gơs bơta ai lơngai bol mê in, tài bơh Jehôwa Yàng Tom Trồ bol mê dê kòñ gơboh di bol mê.

Yal Wơl 33:3

Di ngan Kơnràñ kòñ gơboh di làng bol; jơh ală cau sàng goh ơm tòm tê Kơnràñ dê; di jơng Kơnràñ jơh tơl nă bol khai cùn khoai, mơ bơh di Kơnràñ bol khai dòp geh jơnau bơto tơnggit.

Yal Wơl 4:37

Tài bơh Kơnràñ kòñ gơboh ală ồng pàng bol mê dê mơ neh sac rwah ală kòn sau tơnơ̆ mơ bol khai, Kơnràñ neh cèng bol mê lik bơh di Ejiptơ kơnòm di Bơta Gơs Mat Kơnràñ dê, bơh gơnap gơnoar dờng Kơnràñ dê,