Malaci 1:13 - Sră Goh 2018

¹³ Bol mê đơs lah: “Ñchi gơs dô bơta bòl glar do taih!” Bol mê chềr muh sền òsơp di Añ. Yàng Jehôwa Gơnap Gơnoar Dờng Làm Jơh đơs behơ̆. “Bol mê cèng ală phan neh tòmpìt sơmbrơt hala kwet gơlte mơ kòp jê, mơ ơn bol gơlơh gơs ală phan ơn duh khoai, gen Añ pal dòp bol gơ bơh di tê bol mê sơl ơ?” Yàng Jehôwa đơs behơ̆.

Malaci 1:13 ပူးပေါင်းရင်းမြစ်များ

II Samuel 24:24

Mơya bơtau ho wơl mơ Arauna lah: “Ò, añ rơp ai jền nàng blơi jơh ală phan hơ̆ bơh mê. Añ rơp ò ơn Jehôwa Yàng Tom Trồ añ jê phan ơn chu pơrguc mơ ò roh jền blơi.” Behơ̆ Dabit blơi làn jă kòi mơ ală kơnrồ mơ tơm pram jơt sieklơ priă.

Esai 1:12

Tòm tŭ bol mê tus tơlik mat di đap Añ, Ñcau lùp ală phan do bơh tê bol mê? Bañ jă trơm ƀlàng jơng hìu Añ jê tai.

Esai 57:6

Ală rùp ràk digùl ală pơnai lŭ sơngào tòm ală thòng la pơnah bol mê dê, bol gơ la pơnah gơrê mơ bol mê. Ngan, bol mê neh ơn bol gơ in ală phan ơn ñô bal mơ ală phan ơn mơ kòi mbo, gen Añ rơp tơnhuc bơta gơjrañ Añ jê bơh ală bơta do ơ?

Esai 61:8

Bơh Añ, Yàng Jehôwa, Añ kòñ gơboh bơta song ring, Añ gơjrañ di bơta ntung kơñau mơ lơh bơta tìs glài. Bơh bơta dòn song Añ jê, Añ rơp ai phan ƀàn bol khai in mơ bơt bơtào dô bơta ho bal gam sùm sùm mơ bol khai.

Ejekiel 4:14

Gen añ đơs lah: “Ò di behơ̆, ơ Yàng Jehôwa At Bồ Hơđang Jơh, añ ò tŭ lơi lơh ƀơ̆ ƀơl să tòm añ. Bơh tŭ kơnòm să tus tŭ do, añ ò tŭ lơi sa phan chơt is hala kong phan brê crè poac. Ò tŭ lơi gơs poac ò goh lơi mut tòm bơr añ jê.”

Ejekiel 44:31

Ală cau gơnoar ơn phan duh khoai ò di sa poac phan lơi, sềm hala phan poan jơng lơi neh chơt hala gơkòl crè poac bơh phan poan jơng tòm brê.”

Sră Ôse 13:9

Ơ Israel, Añ rơp tơnroh mê, ñcau rơp dong kòl mê taih?

Lebi 22:8

Khai ò di sa phan lơi neh chơt hala bơh ală phan poan jơng tòm brê crè poac, nàng gơlik gơs ò goh bơh gơ. Añ la Yàng Jehôwa.

Lebi 6:4

tòm tŭ khai neh lơh tìs mơ dòp git bơta tìs glài khai dê, gen khai pal tơm wơl phan lơi khai neh kơñau hala neh ai kơrlơm bơh di cau ndai, hala phan lơi mơ cau neh jào khai in, hala neh bàn phan cau neh roh,

Amôs 8:5

mơ bol mê đơs lah: “Tŭ lơi kơnhai dùl lik rơp rlau, gen sồng bol hi rgơi tac kòi dơngòi; mơ ngai Saƀat rơp rlau, gen sồng bol hi rgơi ơn kòi mi nàng tac ơ? Bol he rơp lơh epha dềt mơ sieklơ dờng, mơ ngui phan kơr ma blac nàng sa kơrlơm,

Mice 6:3

Ơ làng bol Añ jê, ñchi Añ neh lơh bol mê in taih? Ñchi bơta Añ neh lơh bòl glar bol mê in taih? Ho wơl tĕ Añ in!

Malaci 1:10

“Ơ hơh, gơs cau lơi tòm bol mê pal til ală mpồng hìu duh khoai dê, tồ bol mê ò chu ồs di cơnòng duh khoai Añ jê tòm bơta ò kwơ.” Yàng Jehôwa Gơnap Gơnoar Dờng Làm Jơh đơs lah: “Añ ò niam nùs di bol mê, mơ Añ ò dòp phan ơn lơi bơh di tê bol mê.

Malaci 2:12

Dan Yàng Jehôwa tơnroh khai bơh di ală sàl Jakôp dê, dilah cau lơi neh lơh bơta hơ̆, gơs cau lơi lơh cơng hala ho wơl, hala khai cèng phan ơn Yàng Jehôwa Gơnap Gơnoar Dờng Làm Jơh in kung behơ̆ sơl.

Malaci 2:13

Dô bơta tai bol mê lơh: hơ̆ la bol mê ai dà mat tơnkram cơnòng duh khoai Yàng Jehôwa dê. Bol mê ñìm mơ pơt wòl tài bơh Kơnràñ ò tai wèt sền di ală phan ơn bol mê dê, hala chò dòp ală phan ơn hơ̆ bơh di tê bol mê dê.

Mathiơ 6:16

“Tòm tŭ bol mê ơt sa, bañ lơh bơthĭ moat jrùng be cau ma blac, bơh bol khai lơh ñòp muh ñòp mat nàng cau in git bol khai ơt sa. Di ngan Añ đơs mơ bol mê, bol khai neh geh phan ƀàn bol khai dê rau.

Mathiơ 6:5

“Tòm tŭ bol mê hòi dan, bañ lơh be ală cau ma blac, bơh bol khai kòñ ntào hòi dan tòm ală hìu jum mơ di ală mum gùng, nàng cau in gŏ. Di ngan Añ đơs mơ bol mê, bol khai neh geh phan ƀàn bol khai dê rau.

Yal Wơl 15:21

Dilah dô nơm phan poan jơng gơs tềl sồt, pă jơng hala jơngo mat, hala gơs tềl sồt rmàñ lơi kơnjơ̆ gen bol mê bañ ơn gơ Jehôwa Yàng Tom Trồ bol mê in.

I Samuel 2:29

Ñchi bơh tài bol mê hàm kòñ sa ală phan ơn duh khoai Añ jê mơ ală phan ơn mơ Añ neh sồr ơn taih? Mơ mê ki ngàm di ală kòn klau mê dê rlau mơ Añ, neh lơh să tòm bol mê in lơmă bơh sa ală pơnah niam rlau jơh tòm kòp nơm phan ơn làng bol Israel Añ jê taih?’