Malaci 1:11 - Sră Goh 2018

¹¹ Bơh đah mattơngai lik jơl tus di đah mattơngai mut sơnđan Añ la dờng digùl ală lơgar, mơ kòp bă tiah gơs chu kơlhô ơn sơnđan Añ in, mơ dô nơm phan ơn sàng goh; Bơh sơnđan Añ la dờng digùl ală lơgar,” Yàng Jehôwa Gơnap Gơnoar Làm Jơh đơs behơ̆.

Malaci 1:11 ပူးပေါင်းရင်းမြစ်များ

I Yal Yau 16:25

Bơh Yàng Jehôwa la dờng mơ di pal geh jòng ro rlau jơh; Kơnràñ pal geh duh rngòt rlau mơ jơh ală yàng.

Đơs Crih 111:9

Yàng neh sồr bơta dong tơwài làng bol Kơnràñ dê, Neh sồr bơtào bơta ho bal Kơnràñ dê jơl tus sùm sùm. Sơnđan Kơnràñ la sàng goh mơ pal rngòt ngan!

Đơs Crih 113:3

Bơh di tŭ mattơngai lik tus di tŭ mattơngai mut, Sơnđan Yàng Jehôwa pal geh jòng ro!

Đơs Crih 138:5

Bol khai rơp đơs chò jòng ro bơh ală gùng dà Yàng Jehôwa dê, Tài bơh bơta gơklŏ Yàng Jehôwa dê la dờng ngan.

Đơs Crih 141:2

Dan dòp jơnau hòi dan añ jê be kơlhô chu di đap Yàng; Dan dòp bơta añ pò tê hơđang kung be phan ơn duh khoai tòm trồ mho.

Đơs Crih 45:17

Añ rơp lơh sơnđan bơtau in geh kah wơl tòm jơh ală rài; Behơ̆ ală làng bol rơp jòng ro Kơnràñ sùm sùm ò lồi.

Đơs Crih 48:10

Ơ Yàng Tom Trồ, sơnđan Kơnràñ be bơta jòng ro Kơnràñ dê, jơl tus di tiah lồi dut plai ù dê. Tê ma Kơnràñ dê at bồ dô bă pha lin rlau.

Đơs Crih 48:11

Mơnơm Siôn chò hòp tĕ! Tài bơh ală bơta cahrña Kơnràñ dê, lòi ală kòn ùr Juda hòn chò tĕ!

Đơs Crih 50:1

Bơtau Gơnap Gơnoar la Yàng Tom Trồ, la Yàng Jehôwa đơs mơ hòi pơjum cau tòm dunnia, Bơh đah mattơngai lik jơl tus di đah mattơngai mut.

Đơs Crih 65:9

Yàng lòt còp ù tiah mơ tuh dà gơ in, Lơh gơ in gơlik ù bơkah tiah lơngồt; Hiòng Yàng Tom Trồ dê bềng dà; Kơnràñ ai cau in phan sa bơh Kơnràñ neh rcang lài.

Đơs Crih 67:2

Nàng cau dunnia in rgơi git gùng dà Kơnràñ dê, Mơ ală làng bol rgơi git gơnap gơnoar bơta dong klàs Kơnràñ dê.

Đơs Crih 86:9

Ơ Yàng, jơh ală làng bol mơ Yàng neh crơng gơs Rơp lòt tus cùn khoai di đap Yàng, mơ jòng ro sơnđan Kơnràñ.

Đơs Crih 96:8

Jòng ro tĕ bơta gơklŏ Yàng Jehôwa dê di pal mơ sơnđan Kơnràñ, Cèng tĕ phan ơn mơ mut tòm tiah ơm Kơnràñ dê!

Esai 12:4

Mơ bol mê rơp đơs tòm ngai hơ̆ lah: “Ưnngài tĕ Yàng Jehôwa, hòi dan tĕ di sơnđan Kơnràñ; yal tơnggit tĕ ală broă Kơnràñ neh lơh digùl ală làng bol, mơ yal tơlik tĕ lah sơnđan Kơnràñ geh yò tơngguh.

Esai 12:5

Đơs chò tĕ Yàng Jehôwa in bơh Kơnràñ neh lơh ală broă àng gơklŏ; yal tơnggit tĕ ală bơta do làm plai ù.

Esai 19:21

Behơ̆ Yàng Jehôwa rơp yal tơnggit să tòm Kơnràñ cau Ejiptơ in, mơ tòm ngai hơ̆ bol khai rơp đal git Yàng Jehôwa, bol khai rơp duh khoai Kơnràñ mơ ơn phan poan jơng mơ kòi mbo lơh gơs phan ơn duh khoai; bol khai rơp ho pơgon mơ Yàng Jehôwa, mơ prap gàr ală jơnau hơ̆.

Esai 30:27

Sền ne, Sơnđan Yàng Jehôwa tus bơh tiah ngài, tus bal mơ bơta gơjrañ dờng Kơnràñ dê be mhwal jù mơ ñhŭ par guh; sơndồi Kơnràñ dê bềng bơta gơjrañ dờng, lơmpiat Kơnràñ dê la ồs sa pơrguc.

Esai 45:6

tồ bol khai rgơi git bơh di đah mattơngai lik tus di đah mattơngai mut ò gơs yàng lơi ndai tai rlau mơ Añ. Añ la Yàng Jehôwa, ò gơs bơtau lơi ndai tai.

Esai 54:5

Bơh Bơtau Crơng Gơs ai la bau klau ai dê, Sơnđan Kơnràñ la Yàng Jehôwa Gơnap Gơnoar Dờng Bơtau Sàng Goh Israel dê la Bơtau dong tơwài ai, Kơnràñ geh sơnđan la Yàng Tom Trồ jơh plai ù dê.

Esai 59:19

Behơ̆ ală cau đah mattơngai mut rơp rngòt di sơnđan Yàng Jehôwa, mơ ală cau bơh đah mattơngai lik rơp ki ngàm di bơta gơklŏ Kơnràñ dê. Bơh Kơnràñ rơp tus kung be dà tih, mơ càl Yàng Jehôwa cèng pơrdô khai.

Esai 66:18

Bơh Añ git ală broă lơh bol khai dê mơ ală bơta kơlôi sơnơng bol khai dê; Añ rơp tus mơ pơjum tơrgòm jơh ală làng bol mơ ală jơnau đơs; bol khai rơp tus mơ gŏ bơta gơklŏ Añ jê.

Jeremi 10:6

“Ơ Yàng Jehôwa, ò gơs cau lơi ndròm bal mơ Kơnràñ! Kơnràñ la dờng, Sơnđan Kơnràñ gơs gơnoar pràn dờng ngan.

Jeremi 10:7

Khoai Bơtau ală lơgar! Ñcau ò rngòt di Kơnràñ taih? Bơh Kơnràñ di pal geh dòn duh. Tòm ală cau jak chài ală lơgar dê, Mơ tòm lơgar bol khai dê, Ò gơs cau lơi be Kơnràñ.

Jeremi 4:2

Mơ dilah mê srat să ‘Kung be Yàng Jehôwa kis sùm!’ Tòm jơnau song, tòm bơta song ring, mơ song ngan, Gen ală lơgar rơp geh lơngai bơh Kơnràñ, Mơ bơh Kơnràñ bol khai jòng să.”

Daniel 2:45

Hơ̆ la jơnau gơtha bơh pơnai lŭ neh phàt bơh mơnơm ò di bơh tê cau dê. Pơnai lŭ hơ̆ jan bơcah lòs, kòng, ù kơnàng, priă mơ màh. Yàng Tom Trồ dờng neh ai bơtau in git bơta rơp gơlik tus tòm ngai tơnơ̆. Bơta mpau la nền cê mơ jơnau gơtha gơ dê la pal dòn.”

Amôs 9:12

Tian gơs bol khai rơp dòp geh làng bol gam wơl Edôm dê mơ jơh ală lơgar geh tơmoh bơh sơnđan Añ,” Yàng Jehôwa la Bơtau rơp lơh ală bơta do đơs behơ̆.

Mice 5:4

Kơnràñ rơp ntào mơ ê gàr mpồl Kơnràñ dê kơnòm di pràn Yàng Jehôwa dê, bal mơ bơta ryŭ ryơm tòm sơnđan Jehôwa Yàng Tom Trồ Kơnràñ dê. Mơ bol khai rơp ơm lơngap lơngai, bơh tŭ hơ̆ Kơnràñ rơp la dờng làm jơh tus di ală tiah lồi plai ù dê.

Sôphôni 2:11

Yàng Jehôwa rơp gơlik gơs bơta rngòt rngơt bol khai in; Kơnràñ rơp tơnroh jơh ală yàng tòm ù dê. Ală làng bol ơm di gah dàlềng mơ ală bồt pơlào, tòm lơgar bol khai dê, rơp duh khoai Kơnràñ.

Sôphôni 3:9

Tòm tŭ hơ̆, Añ rơp tòmgơl jơnau đơs ală làng bol in, gơlik gơs jơnau đơs sàng goh, tồ jơh ală bol khai rơp hòi dan di sơnđan Yàng Jehôwa, mơ dô bă bal duh broă Kơnràñ.

Sacari 8:7

Yàng Jehôwa Gơnap Gơnoar Dờng Làm Jơh đơs be do: “Añ rơp dong klàs làng bol Añ jê bơh di ală lơgar đah mattơngai lik mơ bơh lơgar đah mattơngai mut.

Malaci 1:14

“Pal srat sơntơm cau lơi in blac pơrlồm, la cau gơs tòm mpồl khai dê dô nơm phan poan jơng dam di pal mơ khai ho pơgon ơn gơ Yàng in, mơya khai ơn dô nơm phan poan jơng sồt rmàñ Yàng in!” Yàng Jehôwa Gơnap Gơnoar Dờng Làm Jơh đơs lah: “Bơh Añ la Bơtau Dờng, mơ sơnđan Añ la pal rngòt digùl ală làng bol.”

Malaci 3:3

Bơh Kơnràñ rơp nggui kung be cau chài tŏ tiar goh hala kung be cau chài tŏ priă. Kơnràñ rơp lơh goh ală cau Lebi, lơh bol khai in goh kung be màh mơ priă, jơl tus di tŭ bol khai ơn Yàng Jehôwa in phan ơn tòm bơta song ring,

Khà Làng Bol 7:74

dô nơm prềng màh kơnjơ̆ jơt sieklơ ơn bềng kơlhô;

Mathiơ 28:19

Behơ̆, lòt tĕ lơh jơh ală làng bol in gơlik gơs cau bơtê Añ jê, ai sơnđan tĕ Yàng Bèp, Yàng Kòn mơ Yàng Hwềng Goh, lơh ƀaptem bol khai in.

Mathiơ 8:11

Añ đơs mơ bol mê, gơs oă cau bơh đah mattơngai lik mơ đah mattơngai mut rơp tus nggui sa bal mơ Abraham, Isak mơ Jakôp tòm lơgar đang trồ.

Luka 1:10

Tòm tŭ chu kơlhô, gen jơh mpồl làng bol ơm hòi dan đah bơdìh.

Rôma 12:1

Behơ̆, ơ oh mi, añ ai ală bơta kòñ nđàc Yàng Tom Trồ dê nàng bơto tơngkah oh mi ơn tĕ să jan he lơh gơs phan ơn duh khoai kis mơ sàng goh, niam nùs Yàng Tom Trồ, hơ̆ la bơta duh khoai di ngan oh mi dê.

Rôma 15:16

tàng añ lơh gơs cau duh broă Yàng Krist Jesu digùl làng bol bơdìh, gơs gơnoar ơn phan duh khoai Jơnau Niam Yàng Tom Trồ dê, tồ làng bol bơdìh geh lơh gơs phan ơn niam nùs Yàng Tom Trồ, neh gơlik gơs sàng goh bơh Yàng Hwềng Goh.

Philip 4:18

Añ geh wil tơl mơ tơngkah tơngkañ; añ geh bềng lìu bơh neh dòp geh ală phan ai gòi bơh Epaphrôdik mơ oh mi pơyoa añ in, hơ̆ la dô nơm phan ơn gơs ƀô bơlhu, la dô nơm phan pơdơng geh Yàng Tom Trồ dòp mơ niam nùs Kơnràñ.

II Tesalônika 1:12

tồ lơh gơklŏ àng sơnđan Yàng Jesu bol he dê tòm oh mi, mơ oh mi tòm Kơnràñ, jat be bơta nđàc Yàng Tom Trồ dê mơ Yàng Jesu Krist bol he dê.

I Timôthe 2:8

Behơ̆ añ kòñ ală cau klau pò tê sàng goh hơđang nàng hòi dan tòm kòp bă tiah, bañ gơs bơta gơjrañ mañ mơ bơta tòm pơndang bal.

Yal Tơlik 11:15

Cau gơnrơh dơ̆ poh uh kơlwòk, gen gơs ală jơnau dờng hơđang trồ đơs lah: “Lơgar bơtau dunnia dê neh gơlik lơgar Yàng bol he dê mơ Bơtau Krist Kơnràñ dê, Kơnràñ rơp at bồ jơl sùm sùm.”

Yal Tơlik 15:4

Khoai Yàng, ñcau khin ò duh rngòt mơ ò jòng ro sơnđan Kơnràñ taih? Bơh mìng dô nă Kơnràñ la sang goh; Jơh ală làng bol rơp tus mơ duh khoai Kơnràñ, Bơh ală bơta cahrña song ring Kơnràñ dê neh geh yal tơlik.”

Yal Tơlik 5:8

Tòm tŭ Belàt Kòn neh ai sră rau, gen poan nơm phan wìn kis mơ bàr jơt poan nă cau kwang kra tơmbic să di đap Belàt Kòn, kòp nă cau at dô nơm kơñi pĕ mơ ală gri mơ màh bềng kơlhô, hơ̆ la ală jơnau hòi dan ală cau sàng goh dê.