Luka 9:59 - Sră Goh 2018

⁵⁹ Kơnràñ đơs mơ cau ndai lah: “Lòt tĕ jat Añ.” Cau hơ̆ ho lah: “Ơ Yàng, dan ai Añ in rê tơp bèp añ lài.”

Luka 9:59 ပူးပေါင်းရင်းမြစ်များ

I Ală Bơtau 19:20

Gen Elise sang kơnrồ khai dê, ntoat jat Eli mơ đơs lah: “Dan lòi añ rê cum mè bèp añ sir, gen añ rơp jat ồng.” Eli ho lah: “Lòt tĕ mơ rê wơl; bơh añ ò lơh ñchi lơi di mê.”

Sră Age 1:2

Yàng Jehôwa Gơnap Gơnoar Dờng Làm Jơh đơs be do: “Làng bol do đơs lah: ‘Tŭ tơngai òhềt tus, nàng bơt bơtào wơl hìu Yàng Jehôwa dê.’”

Mathiơ 16:24

Chòp Yàng Jesu đơs mơ ală cau bơtê lah: “Dilah cau lơi kòñ jat Añ, gen pơndang sang tĕ să he, tui chi pơng he mơ jat Añ.

Mathiơ 6:33

Mơya lài ngan, jòi jat tĕ lơgar Yàng Tom Trồ mơ bơta song ring Kơnràñ dê, gen Kơnràñ rơp ai bơtơl jơh ală bơta hơ̆ bol mê in.

Mathiơ 9:9

Yàng Jesu lòt bơh tềng hơ̆, gŏ dô nă cau sơnđan la Mathiơ nggui tòm tiah boh dia, gen sồr khai lah: “Jat tĕ Añ.” Khai ñă ntào mơ jat Kơnràñ.

Luka 9:60

Mơya Kơnràñ đơs lah: “Lòi tĕ cau chơt tơp cau chơt bol khai dê; ai mê lòt tĕ bơto yal bơh lơgar Yàng Tom Trồ.”