Luka 9:28 - Sră Goh 2018

²⁸ Pơgap phàm ngai tơnơ̆ mơ tŭ đơs ală jơnau hơ̆, Yàng Jesu lam Pier, Jang mơ Jakơ guh bal mơ Kơnràñ hơđang mơnơm nàng hòi dan.

Luka 9:28 ပူးပေါင်းရင်းမြစ်များ

Đơs Crih 109:4

Bol khai yă añ gơwèt mơ bơta kòñ gơboh añ jê, tian gơs tòm tŭ añ hòi dan bol khai in.

Mathiơ 14:23

Neh sir rau, gen Kơnràñ guh is hơđang mơnơm nàng hòi dan. Tus di mang, Kơnràñ ơm is dô nă.

Mathiơ 5:1

Yàng Jesu gŏ mpồl làng bol, gen guh hơđang mơnơm. Tòm tŭ Kơnràñ nggui, gen ală cau bơtê tus rềp.

Jơnau Niam Jat Mak 1:35

Rìng àng ngai tơnơ̆, trồ gam jơngo, Kơnràñ guh, lik lòt tòm tiah ngềt ngơt mơ hòi dan tềng hơ̆.

Jơnau Niam Jat Mak 6:46

Dơ̆ Kơnràñ neh tơngac làng bol rau gen guh hơđang mơnơm nàng hòi dan.

Luka 3:21

Mơ tai, dơ̆ ală làng bol neh jơh gơs ƀaptem rau, Yàng Jesu kung gơs ƀaptem. Tòm tŭ hòi dan, gen tap trồ gơ pò.

Luka 5:16

Mơya Kơnràñ pleh is hơ tiah ngềt ngơt nàng hòi dan.

Luka 6:12

Tòm tŭ hơ̆ Yàng Jesu guh hơđang mơnơm nàng hòi dan, mơ kư̆ hòi dan mơ Yàng Tom Trồ mang àng tơn.

Luka 8:51

Dơ̆ neh tus di hìu, gen Kơnràñ ò ai cau lơi in mut bal, mìng Pier, Jang, Jakơ mơ mè bèp kòn ùr hơ̆.

Luka 9:18

Tòm tŭ Yàng Jesu hòi dan is, ală cau bơtê tus ơm gùt dar Kơnràñ, gen Kơnràñ lùp bol khai lah: “Làng bol đơs Añ la ñcau taih?”

Jang 6:3

Yàng Jesu guh hơđang mơnơm, nggui tềng hơ̆ bal mơ ală cau bơtê Kơnràñ dê.

II Kôrintô 13:1

Do la dơ̆ pe mơ añ lòt tus hơ oh mi. “Jơh ală broă geh lơh nền jat be jơnau bàr pe nă cau lơh cơng.” Jat jơnau Sră Goh đơs.

Hebrơ 5:7

Yàng Jesu Krist tòm tŭ gam kis hơđang ù, neh hòi driau dờng, ñìm rac nàng hòi dan mơ rac dan mơ Yàng Tom Trồ la Bơtau rgơi dong tă Kơnràñ bơh bơta chơt, mơ bơh nùs duh rngòt song ngan Kơnràñ dê, gen geh Yàng Tom Trồ dòp jơnau.

II Pier 1:16

Tòm tŭ bol hi yal oh mi in git bơh gơnap gơnoar mơ bơta tus wơl Yàng Jesu Krist bol he dê, gen bol hi ò jat jơnau gơlềng gơlàng bơh dơngoh kơlôi cau dê, mơya mat tòm bol hi dê neh gŏ bơta ryŭ ryơm Kơnràñ dê.