Luka 8:28 - Sră Goh 2018

²⁸ Dơ̆ cau hơ̆ gŏ Yàng Jesu, gen hòi driau, tơmbic să di đap Kơnràñ mơ đơs lah: “Ơ Yàng Jesu, Kòn Yàng Tom Trồ Hơđang Rlau Jơh, digùl añ mơ Kơnràñ gơs ñchi jơnau taih? Añ rac dan mơ Kơnràñ bañ lơh bòl glar di añ.”

Luka 8:28 ပူးပေါင်းရင်းမြစ်များ

Esai 27:1

Tòm ngai hơ̆, Yàng Jehôwa rơp ngui đào sồt dờng mơ gơnoar pràn nàng lơh glài lebiathan la dô nơm bơs par, lebiathan la dô nơm bơs rkwet rkwe; Kơnràñ rơp tơnchơt nagrài dờng tòm dàlềng.

Mathiơ 8:29

Chòp bol khai hòi driau lah: “Ơ Kòn Yàng Tom Trồ, gơs ñchi jơnau digùl bol hi mơ Kơnràñ taih? Kơnràñ tus nàng lơh bòl glar bol hi lài mơ tŭ tus di tơngai lơh nền ơ?”

Luka 8:27

Dơ̆ Kơnràñ guh di gah dà, gơs dô nă cau cà lơh tòm ƀòn dờng hơ̆ lik kơp Kơnràñ; neh jŏ rau khai ò soh ồi ào, ò ơm tòm hìu, mơya ơm di tiah bơtô ƀồc.

Luka 8:29

Bơh Kơnràñ neh sồr cà hơ̆ pal lik bơh di khai. Tài bơh oă dơ̆ cà hơ̆ neh mut mơ rồn bơklơn khai, gen khai kòl cau cap mơ che sreng mơ tơndò gơsàng nàng sền gàr, mơ khai gơltac sreng mơ dơrpă gơsàng, mơ cà bơtrơh tơlik khai tòm ƀlàng bràs.

Jakơ 2:19

Mê dòn lah Yàng Tom Trồ mìng dô nă lơm, mê dòn behơ̆ la di; bơh cà ràk kung dòn behơ̆ mơ rơm să.

II Pier 2:4

Bơh dilah Yàng Tom Trồ ò pơlai ală cau gơnrơh neh tìs glài, mơya neh sơrbì bol khai tòm brah tìng, krơ̆ tòm tiah klam jơngo, lòi jàm tus di tơngai cahrña.

I Jang 3:8

Cau lơi tìs glài la bal mơ cà ràk, bơh cà ràk tìs glài bơh sơnròp. Mơ tai, Kòn Yàng Tom Trồ neh tơlik mat nàng tơnroh ală broă cà ràk dê.

Yal Tơlik 20:10

Ai cà ràk la cau neh pơrlồm bol khai gen kong sơrbì tòm brong ồs hơng mơ siau; tềng hơ̆ neh gơs phan poan jơng mơ cau gơnoar hwơr ma blac rau. Bol khai rơp kong jê sồt bòl glar ngai mơ mang jơl sùm sùm ò lồi.