Luka 7:42 - Sră Goh 2018

⁴² Bơh bol khai ò gơs phan lơi nàng tơm dồs, gen cau tòmlòi tơn dồs jơh bàr nă bol khai in. Tòm bàr nă cau hơ̆, ñcau kòñ gơboh di cau tòm rlau taih?”

Luka 7:42 ပူးပေါင်းရင်းမြစ်များ

II Samuel 14:13

Cau ùr đơs lah: “Gen ñchi bơh tài bơtau ò cahrña ndròm bal behơ̆ gơwèt mơ làng bol Yàng Tom Trồ dê taih? Tòm tŭ bơtau đơs jơnau hơ̆ gen ò di la bơtau kup glài să tòm bơtau, bơh bơtau ò cèng brê wơl kòn klau mơ bơtau neh bơtrơh tơlik ò ơ?

Đơs Crih 103:3

Hơ̆ la Kơnràñ toh jơh ală tồi glài iơh bơsak mê dê, Sơmbòi jơh ală bơta kòp jê mê dê.

Esai 43:25

Añ, să tòm Añ la Bơtau jùt sang jơh ală bơta tìs glài mê dê; tài bơh să tòm Añ, Añ ò kah tai ală bơta tồi glài mê dê.

Esai 44:22

Añ neh jùt sang bơta tìs glài mê dê kung be mhwal lơut, tồi glài mê dê kung be dà tŭ. Rê wơl tĕ mơ Añ, bơh Añ neh dong tơwài mê.

Mathiơ 18:27

Cau bơtau gơs nùs nđàc sơngit, lòi khai rê mơ sang tơn dồs.

Mathiơ 18:34

Cau bơtau gơhào gơjrañ ngan, mơ jào khai cau at bồ hìu jàm in, jơl tus di tŭ tơm jơh dồs.

Mathiơ 6:12

Dan toh glài bol hi in, be bol hi kung toh cau tìs glài mơ bol hi;

Luka 7:43

Simôn ho lah: “Añ kơlôi la cau geh sang dồs oă rlau.” Kơnràñ đơs lah: “Mê kơlôi hơ̆ la di.”

Rôma 3:24

mơ bol khai kơnòm di bơta nđàc ai gòi Yàng Tom Trồ dê, bơh bơta tơwài glài tòm Yàng Krist Jesu, tàng geh kòp la song ring.

Rôma 5:6

Bơh tòm tŭ bol he gam lơbơn lơño, gen Bơtau Krist neh jat tơngai pơgon mơ kong chơt ala cau glài in.

Galati 3:10

Bơh cau lơi kơnòm di ală broă bơta boh lam dê, gen kòl srat sơntơm, bơh neh cih lah: “Pal srat ngan di cau lơi ò kơ̆ wền lơh jat jơh ală bơta neh cih tòm sră bơta boh lam.”

Ephesô 1:7

Tòm Kòn hơ̆ bol he geh bơta tơwài glài bơh mhàm Kơnràñ dê, geh toh ală bơta tìs glài bol he dê, jat bơta nđàc dờng ngan Yàng Tom Trồ dê,

Ephesô 4:32

Ai tĕ bơta kơ̆ dơn, nùs nđàc sơngit ơm gơròm bal, toh glài bal, kung be Yàng Tom Trồ neh toh glài oh mi tòm Bơtau Krist behơ̆ sơl.

Kôlôse 3:13

Dilah cau do gơs bơta yoam joh mơ cau ne, gen kong ơt tĕ bal mơ gơp mơ toh glài tĕ bal mơ gơp; be Yàng neh toh glài oh mi be lơi, gen oh mi kung pal toh glài behơ̆ sơl.