Luka 7:39 - Sră Goh 2018

³⁹ Cau Pharisi neh jà Kơnràñ gŏ behơ̆ gen kơlôi òm lah: “Dilah cau do la cau gơnoar hwơr gen git cau ùr ƀư dê să khai la ñcau mơ la cau mbe lơi, bơh khai la cau glài.”

Luka 7:39 ပူးပေါင်းရင်းမြစ်များ

II Ală Bơtau 5:20

Gehaji, cau dong broă Elise cau Yàng Tom Trồ dê, đơs is tòm nùs lah: “Cau tòm añ neh lòi gòi Naaman, cau Aram in, ƀuơn ir, bơh ò dòp phan lơi khai neh ơn. Añ sơnio Yàng Jehôwa gam kis sùm, añ rơp ntoat jat khai mơ dòp phan lơi bơh di khai.”

Jơnau Pơnđik 23:7

Bơh khai kơlôi tòm nùs mbe lơi, gen khai ngan la behơ̆. Khai đơs mơ kòn lah: Ñô sa tĕ; mơya nùs khai ò dô bă bal mơ kòn.

Esai 65:5

Bol khai đơs lah: “Ơm tĕ ngài, bañ tus rềp hơ añ, bơh añ la sàng goh ngan bol mê in!” Bol khai la ñhŭ tòm trồm muh Añ, la ồs sa hơng sùm jơh ngai mho.

Mathiơ 20:16

Behơ̆ cau lồi dut rơp gơs sơnròp, mơ cau sơnròp rơp gơs lồi dut.”

Mathiơ 21:11

Mpồl hơ̆ ho lah: “Hơ̆ la cau gơnoar hwơr Jesu Cau Nasaret tòm Galile.”

Jơnau Niam Jat Mak 7:21

Ngan la bơh tòm dơlam, hơ̆ la bơh tòm nùs cau, sồng gơlik ală bơta kơlôi iơh, rềs àr, ntung kơñau, tơnchơt cau, bơrnàn.

Luka 12:17

Khai kơlôi is lah: ‘Mbe añ kòñ lơh, bơh ò tơl tiah nàng prap ală kòi mbo añ jê taih?’

Luka 15:2

Ală cau Pharisi mơ ală cau bơto bơta boh lam yoam lah: “Cau do wă rò ală cau glài mơ sa bal mơ bol khai!”

Luka 16:3

Cau at bồ hìu đơs is lah: ‘Cau tòm tă gơnoar broă añ jê, ñchi broă añ rơp lơh taih? Pŏ ù gen ò jai, kanadàn gen ƀàssìl.

Luka 18:4

Cau kwang hơ̆ ò bài cahrña tòm dô pah tơngai. Mơya tơnơ̆ hơ̆ khai đơs is lah: ‘Bulah añ la cau ò duh rngòt di Yàng Tom Trồ, kung ò ki ngàm di cau sơl,

Luka 3:8

Behơ̆ gơlik tĕ plai di pal mơ bơta gơjrañ sang glài; bañ đơs is lah: ‘Bol he gơs Abraham la ồng pàng bol he dê,’ bơh añ đơs mơ bol mê, Yàng Tom Trồ rgơi ai bơh ală lŭ do bơtào gơs kòn sau Abraham in.

Luka 7:16

Jơh tơl nă gơlơh rngòt rngơt, jòng ro Yàng Tom Trồ mơ đơs lah: “Gơs cau gơnoar hwơr dờng tơngguh digùl bol he, mơ Yàng Tom Trồ neh tus còp làng bol Kơnràñ dê.”

Luka 7:37

Ne, gơs dô nă cau ùr tìs glài ơm tòm ƀòn dờng hơ̆, git Kơnràñ ơm nggui sào tòm hìu cau Pharisi, gen cèng dô nơm gri mơ lŭ màng gơs ƀô bơlhu,

Luka 7:38

ơm ntào đah ngkòi di jơng Kơnràñ mơ ñìm, dà mat hòr sùh jơng Kơnràñ, gen khai ai sŏ mơ jùt, cum jơng Kơnràñ, mơ bong mơñà ƀô sơl.

Luka 7:40

Yàng Jesu ai jơnau đơs mơ cau Pharisi lah: “Ơ Simôn, Añ gơs jơnau đơs mơ mê.” Khai đơs lah: “Ơ cau Bơto, dan kư̆ đơs.”

Jang 4:19

Cau ùr đơs lah: “Ơ Ồng, añ đal Ồng la dô nă cau gơnoar hwơr.

Jang 7:12

Tòm mpồl làng bol gơs oă jơnau đơs òm bơh Kơnràñ. Cau ƀà đơs lah: “Hơ̆ la cau lơbơn niam.” Ai cau ƀà tai đơs lah: “Ò di. Khai la cau pơrlồm mpồl làng bol.”

Jang 9:24

Dô dơ̆ tai, ală cau Pharisi hòi wơl cau lài neh jơngo mơ đơs lah: “Jòng ro tĕ Yàng Tom Trồ, bol he git cau hơ̆ la cau gơs glài.”