Luka 6:8 - Sră Goh 2018

⁸ Mơya Yàng Jesu git ală bơta kơlôi sơnơng bol khai dê, gen đơs mơ cau siar mpàng tê hơ̆ lah: “Ñă tĕ, ntào digùl do.” Gen khai ñă ntào.

Luka 6:8 ပူးပေါင်းရင်းမြစ်များ

I Yal Yau 28:9

Mơ mê, ơ Salômôn kòn klau añ jê, git tĕ Yàng Tom Trồ bèp mê dê, jơh nùs jơh dơngoh kơlôi ơn să duh broă Kơnràñ, bơh Yàng Jehôwa sền sơwì kòp nơm nùs mơ git wă kòp bơta kòñ lơh tòm ală bơta kơlôi sơnơng. Dilah kòn jòi jat Kơnràñ gen kòn rơp bàn Kơnràñ; mơya dilah kòn sang lòi Kơnràñ, Kơnràñ rơp sang lòi kòn sùm sùm.

I Yal Yau 29:17

Ơ Yàng Tom Trồ añ jê, añ git la Yàng sền sơwì nùs cau mơ niam nùs di bơta song ngan. Tòm bơta song ngan nùs añ jê, añ neh ơn dô bă khat gơboh jơh ală phan do. Mơ tŭ do añ neh sền gŏ làng bol Kơnràñ dê, la ală cau gơs mat tềng do hòn chò ơn Yàng in dô bă chò nùs.

Sră Jop 42:2

“Añ git lah Yàng rgơi lơh jơh ală bơta, Ò gơs cau lơi rgơi kơryan broă lơh Yàng dê.

Đơs Crih 44:21

Gen Yàng Tom Trồ ò rgơi git sơl ơ? Bơh Kơnràñ git bơta ndơp ndơr tòm nùs cau dê.

Esai 42:4

Khai rơp ò lơbơn òsô hala gơplơ̆ nùs, jơl tus di tŭ neh bơt bơtào bơta song ring hơđang ù; ală bồt pơlào rơp gơn kơnòm di bơta bơto sồr Khai dê.”

Mathiơ 9:4

Yàng Jesu git bơta kơlôi bol khai dê gen đơs lah: “Ñchi bơh tài bol mê kơlôi sơnơng iơh tòm nùs behơ̆ taih?

Jơnau Niam Jat Mak 3:3

Yàng Jesu đơs mơ cau siar mpàng tê lah: “Ñă tĕ, ntào digùl do.”

Luka 13:12

Dơ̆ Yàng Jesu gŏ khai, gen hòi mơ đơs lah: “Ơ kòn ùr, ai geh lik klàs bơh di bơta kòp jê rau.”

Luka 5:22

Mơya Yàng Jesu git bơta bơyai bal bol khai dê, gen lùp lah: “Ñchi bơta bol mê bơyai bal tòm nùs taih?

Luka 6:9

Yàng Jesu đơs mơ bol khai lah: “Añ lùp bol mê, tòm ngai Saƀat geh gơnoar lơh broă niam hala broă iơh, dong klàs bơta kis hala tơnroh bơta kis taih?”

Jang 2:25

mơ ò càng cau lơh cơng bơh cau lơi, bơh să tòm Kơnràñ git loh jơh ală bơta tòm nùs cau.

Jang 21:17

Kơnràñ đơs tai mơ khai dơ̆ pe lah: “Ơ Simôn, kòn Jôna, mê gơboh di Añ sơl?” Pier moat jrùng bơh Kơnràñ đơs tai mơ khai dơ̆ pe: “Mê gơboh di Añ sơl?” Gen khai đơs lah: “Ơ Yàng, Kơnràñ git jơh ală bơta, Kơnràñ git lah añ gơboh di Kơnràñ.” Yàng Jesu đơs lah: “Ròng siam tĕ ală belàt Añ jê.

Jang 9:4

Tòm tŭ gam trồ ngai, bol he pal lơh ală broă Bơtau neh sồr Añ lòt tus, mang tus gen ò gơs cau lơi rgơi lơh broă ò.

Broă 20:24

Mơya añ ò kòp bơta kis añ la kwơ, mìng kòñ lơh sir bơta ntoat pơrlòng añ jê mơ gơnoar broă añ neh dòp leng bơh di Yàng Jesu, nàng lơh cơng bơh Jơnau Niam bơta nđàc Yàng Tom Trồ dê.

Broă 26:26

Bơtau git loh ală bơta do gen añ khin cha đơs; bơh añ dòn nền ngan lah ò gơs bơta lơi mơ bơtau ò git, tài bơh ală broă do ò di lơh tòm tiah ndơp ò.

Philip 1:28

mơ tòm broă lơi ò lòi cau sò tơm lơh he in rngòt, mơya khin cha tĕ. Bơta hơ̆ la dô nơm cơng tàng loh làng lah bol khai pal roh rui, mơya ală oh mi gen geh dong klàs, mơ bơta hơ̆ tus bơh Yàng Tom Trồ la Bơtau ai oh mi in bơta pha lin rlau.

Hebrơ 4:13

Ò gơs phan lơi rgơi pồn ndơp di đap Yàng Tom Trồ, mơya jơh ală phan geh crơng gơs rơp ràng tơlik mơ gơ pò di đap mat Kơnràñ mơ bol he pal yal broă he dê.

I Pier 4:1

Behơ̆, bơh Bơtau Krist neh kong bòl glar jê sồt tòm poac să, gen oh mi kung pal ai bơta kơlôi sơnơng behơ̆ be phan tòmlơh, bơh cau lơi neh kong bòl glar jê sồt tòm poac să gen neh geh gơltac bơh tồi glài,

Yal Tơlik 2:23

Añ rơp tơnchơt ală kòn khai dê. Jơh ală Hìu Jum Goh rơp git Añ la Bơtau sền sơwì tòm nùs nhơm mơ tòm bơta kơlôi sơnơng, mơ Añ rơp sal wơl kòp nă bol mê in jat be ală broă bol mê dê.