Luka 6:6 - Sră Goh 2018

⁶ Dô ngai Saƀat ndai, Yàng Jesu mut tòm hìu jum cau Juda nàng bơto sồr. Tềng hơ̆ gơs dô nă cau klau siar mpàng tê ma.

Luka 6:6 ပူးပေါင်းရင်းမြစ်များ

I Ală Bơtau 13:4

Tòm tŭ bơtau kơno jơnau driau tòmdră mơ cơnòng duh khoai tòm Betel, gen Jerôbôam pò tê khai dê bơh di cơnòng duh khoai mơ đơs lah: “Kup tĕ khai.” Mơya tê bơtau pò tòmdră mơ cau gơnoar hwơr gơlik ro, tian gơs ò rgơi tơrkồn wơl tòm să khai.

Sacari 11:17

“Bòl glar ngan cau ê ò kwơ in, la cau ê sang lòi mpồl belàt! Dan đào srơp tơwòr tê khai dê mơ gar mat đah ma khai dê! Dan tơwòr tê khai dê rơp siar tơn, mơ gar mat đah ma khai dê jơngo tơn!”

Mathiơ 4:23

Yàng Jesu lòt làm Galile, bơto sồr tòm ală hìu jum, bơto yal Jơnau Niam lơgar đang trồ dê, mơ sơmbòi tơl ală bơta kòp jê tòm làng bol.

Luka 13:10

Gơs dô ngai Saƀat, Yàng Jesu bơto sồr tòm dô nơm hìu jum.

Luka 14:3

Yàng Jesu lùp cau bơto bơta boh lam mơ cau Pharisi lah: “Tòm ngai Saƀat geh gơnoar sơmbòi cau hala ò?”

Luka 4:16

Kơnràñ lòt tus hơ Nasaret, la tiah Kơnràñ ơm bơh dềt tus di dờng. Jat bơta òs mòng, tòm ngai Saƀat Kơnràñ mut tòm hìu jum cau Juda dê, ñă ntào mơ sền sră.

Luka 4:31

Kơnràñ mù tòm ƀòn dờng Kapenaum la dô nơm ƀòn dờng tòm Galile, bơto sồr bol khai tòm ngai Saƀat.

Luka 6:1

Di di ngai Saƀat, tòm tŭ Yàng Jesu lòt gan di ƀlàng sre kòi mi, ală cau bơtê ròs kòi mi, ai tê rpau mơ sa.

Luka 6:5

Kơnràñ đơs lah: “Kòn Mơnus la Yàng ngai Saƀat dê.”

Jang 5:3

Gơs oă ngan cau kòp jê, jơngo lè, pă kwe, kwet gơlte bic tềng hơ̆,

Jang 9:16

Gơs cau ƀà tòm mpồl cau Pharisi đơs lah: “Cau hơ̆ ò di tus bơh Yàng Tom Trồ, bơh khai ò prap gàr ngai Saƀat.” Cau ndai đơs lah: “Dô nă cau glài mbe rgơi lơh ală tềl krơi behơ̆ taih?” Mơ digùl bol khai gơs bơta cah mpồl.