Luka 6:49 - Sră Goh 2018

⁴⁹ Mơya cau lơi iat jơnau Añ mơ ò lơh jat, gen ndròm be cau ne bơt hìu hơđang tiah ò gơs mơnàng; dà hòr jroh tus di hìu hơ̆, gen tơrlah mo, bơta roh rui la dờng ngan.”

Luka 6:49 ပူးပေါင်းရင်းမြစ်များ

Jơnau Pơnđik 28:18

Cau lơi ngui sa lơh lòt dô bă song ngan rơp geh dong klàs; ai cau lơi lòt jat gùng rkwet rkwe rơp gơdùh tòm trồm.

Ejekiel 33:31

Bol khai tus mơ mê jat be bol khai òs tus; bol khai nggui di đap mê mơ iat ală jơnau mê dê, mơya bol khai ò bài lơh jat ală jơnau hơ̆. Bơr bol khai yal tơlik bơta dòn duh, mơ nùs bol khai ya hàm hà cồng nha ò song ring.

Sră Ôse 4:14

Añ rơp ò lơh glài ală kòn ùr bol mê dê tòm tŭ bol khai lơh bơta dri tơlàr, mơ kung ò lơh glài ƀan bol mê dê tòm tŭ bol khai lơh bơta rềs àr bơrnàn; tài bơh ală cau klau bol khai lòt rê mơ ală ùr dri, mơ ơn phan ơn pơdơng bal tòm tiah duh khoai ală cau dri tơlàr dê. Dô nơm làng bol ò git wă behơ̆ rơp gơkòl roh rui.

Mathiơ 23:3

Behơ̆ prap gàr mơ lơh jat tĕ jơh ală bơta bol khai sồr, mơya bañ đòm broă bol khai lơh, bơh bol khai đơs mơ ò lơh.

Mathiơ 24:10

Tŭ hơ̆ gơs oă cau rơp gơtup tìs, pơrlơ̆ dră bal mơ gơp, mơ gơjrañ kơuềng bal.

Jơnau Niam Jat Mak 4:17

mơya tòm bol khai ò gơs ryas, mìng ơm ing dô êt, tus di tŭ tìp bơta rung rài hala kup kơryan tài bơh jơnau hơ̆, gen gơtup tìs mo.

Luka 12:47

Cau dĭ lơi neh git nùs kòñ cau tòm, mơ ò rcang, kung ò lơh jat nùs kòñ cau tòm dê, gen rơp kong pù lơh oă ngan.

Luka 19:14

Mơya làng bol khai dê gơjrañ kơuềng di khai, sồr cau kong sồr lòt jat mơ đơs lah: ‘Bol hi ò kòñ cau do at bồ bol hi.’

Luka 19:27

Ai ală cau sò tơm di añ, la ală cau ò kòñ añ at bồ hơđang bol khai, hwài tĕ bol khai tus hơ do mơ tơnchơt di đap añ.’”

Luka 6:46

Ñchi bơh tài bol mê hòi sơnđan Añ la ‘Yàng, Yàng!’ mơ ò lơh jat jơnau Añ sồr taih?

Luka 6:48

Cau hơ̆ ndròm be cau ne bơt hìu, tò jrô, bơt mơnàng hơđang lŭ klềr; tòm tŭ dà tih ngơr, gơhòr jroh tus di hìu hơ̆, kung ò geh wañ lơnggơh, bơh neh bơt bơtào kơ̆ cê.

Luka 7:1

Dơ̆ Yàng Jesu đơs jơh ală jơnau hơ̆ làng bol in iat rau, gen Kơnràñ mut tòm Kapenaum.

Jang 15:2

Ntê lơi tòm Añ mơ ò gơlik plai gen Kơnràñ koh sang, mơ ntê lơi gơlik plai gen Kơnràñ rcang niam, nàng gơlik oă plai tai.

Broă 20:29

Añ git lah tơnơ̆ mơ tŭ añ lòt, gen rơp gơs so rhau jàñ bơsak mut tòm oh mi, gơ ò pơlai mpồl belàt ò.

Broă 26:11

Añ òs lòt làm ală hìu jum cau Juda, lơh glài mơ bơklơn bol khai sang lòi bơta dòn, bơh añ gơjrañ oă ngan, tian gơs añ lòt tus tòm ală ƀòn dờng lơgar bơdìh nàng kup kơryan bol khai.

I Tesalônika 3:5

Kung tài bơh hơ̆ añ ò jai gơn tai, gen tàng añ neh sồr Timôthe lòt, tồ git bơta dòn oh mi dê gơlik mbe lơi, rngòt cà ràk neh ơniai oh mi, mơ bơta kong bòl glar lơh broă bol hi dê gơlik gơs ò kwơ.

II Pier 2:20

Dilah bol khai neh kơnòm dê bơta dòp git Yàng la Yàng Dong Klàs bol he dê la Yàng Jesu Krist, mơ geh lik klàs bơh bơta ngkòr ngkàc dunnia dê rau, mơ dilah gơkòl ală bơta hơ̆ kơt wơl mơ at bồ tai, gen bơta lồi dut bol khai dê rơp gơlik iơh rlau mơ lài òr.

I Jang 2:19

Bol khai neh bơh digùl bol he mơ lik, mơya ò di bal mơ bol he; bơh dilah bol khai bal mơ bol he, gen neh kư̆ ơm bal mơ bol he; mơya bol khai neh lik lòt tồ yal tơlik lah jơh ală bol khai ò di bal mơ bol he.