Luka 6:45 - Sră Goh 2018

⁴⁵ Cau lơbơn niam bơh bơta niam tòm nùs mơ tơlik bơta niam, cau iơh bơsak bơh bơta iơh bơsak tòm nùs mơ tơlik bơta iơh bơsak, bơh jat bơta bềng lìu tòm nùs gen sồng bơr đơs tơlik.

Luka 6:45 ပူးပေါင်းရင်းမြစ်များ

Đơs Crih 140:5

Ală cau pơnhừ să neh pơt dă kup añ, Neh dang che lì bơtơng; Tòm gùng bol khai neh pơt dă kup añ. (Selah)

Đơs Crih 59:12

Tài bơh tồi glài bơr bol khai dê, hơ̆ la jơnau tòm sơndồi bol khai dê, Lòi bol khai kòl kup tòm bơta pơnhừ să bol khai dê, Tài bơh bơta srat rma mơ bơta blac bol khai đơs,

Đơs Crih 59:7

Tềng hơ̆, bol khai ơluh ơhùm bơh bơr bol khai dê, Sơndồi bol khai kung be đào sồt, Bơh bol khai kơlôi lah: “Ñcau rgơi kơno taih?”

Jơnau Pơnđik 12:18

Jơnau ò git kơrhia srơp bluh be đào; Mơya lơmpiat cau jak chài cèng bơta sơmbòi.

Jơnau Pơnđik 15:23

Bơr ho wơl jak lơh cau in chò hòp; Ai jơnau đơs di pal tŭ tơngai gen niam ò git nđò!

Jơnau Pơnđik 4:23

Prap gàr tĕ nùs kòn dê dô bă kơrhia rlau jơh, Bơh ală croh dà bơta kis gơlik bơh di gơ.

Jang 7:38

Cau lơi dòn Añ, gen ‘ală hiòng dà bơta kis rơp hòr lìu bơh tòm nùs khai dê,’ be Sră Goh neh đơs.”

Broă 5:3

Pier đơs mơ khai lah: “Ơ Anania, ñchi bơh tài mê lòi cà Satan at bồ mê, tian gơs mê neh đơs blac mơ Yàng Hwềng Goh, mơ prap wơl dô pơnah jền mê tac sre hơ̆ taih?

Ephesô 3:8

Añ la cau dềt rlau jơh tòm ală cau sàng goh; bulah behơ̆ Kơnràñ neh ai añ in bơta nđàc hơ̆, nàng añ bơto yal làng bol bơdìh in bơta pas gơs ò git lơh Bơtau Krist dê,

Ephesô 4:29

Bañ gơs jơnau iơh lơi lik bơh di bơr oh mi, mơya tòm tŭ pal đơs gen đơs tĕ jơnau niam nàng gơs bơt bơtào, tồ cèng bơta niam ală cau kơno in.

Ephesô 5:19

Ngui ală bơta đơs crih, bơta đơs chò, mơ sèng đơs chò đah hwềng mơ đơs chò bal, bơr đơs chò mơ nùs jòng ro Yàng.

Kôlôse 3:16

Ai tĕ jơh ală bơta jak chài nàng jơnau Bơtau Krist dê ơm bềng lìu tòm oh mi; ngui bơta đơs crih, bơta đơs chò, mơ sèng đơs chò đah hwềng mơ bơto tơngkah bal mơ gơp, mơ tòm nùs đơs chò Yàng Tom Trồ in dô bă gơs bơta nđàc.

Kôlôse 4:6

Jơnau đơs oh mi pal gơs bơta nđàc sùm sùm, mơ tĕ bơtơl boh, tồ oh mi in git pal ho wơl kòp nă cau in la mbe lơi.

Hebrơ 8:10

Yàng đơs tai lah: “Do la bơta ho bal Añ rơp bơtào bal mơ hìu Israel, Tơnơ̆ mơ ală ngai hơ̆: Añ rơp ơn bơta boh lam Añ jê tòm dơngoh bol khai dê, Mơ cih gơtòm nùs bol khai; Añ rơp la Yàng Tom Trồ bol khai dê, Mơ bol khai rơp la làng bol Añ jê.

Jude 1:15

nàng cahrña, mơ lơh nền glài jơh ală cau ò duh rngòt Yàng Tom Trồ bơh jơh ală broă ò duh rngòt bol khai dê, mơ bơh jơh ală jơnau tràl sơrbil mơ cau glài ò duh rngòt neh đơs tòmdră mơ Kơnràñ.”