Luka 6:38 - Sră Goh 2018

³⁸ Pà gòi tĕ, gen bol mê rơp geh cau pà wơl; bol khai rơp ai rnoas dờng, jeh, jơlềt rơnggô, bềng lìu, mơ tuh tòm ào jrùh bol mê dê. Bơh bol mê was cau in mơ rnoas lơi, gen cau kung rơp was wơl bol mê in mơ rnoas hơ̆ sơl.”

Luka 6:38 ပူးပေါင်းရင်းမြစ်များ

II Samuel 19:36

Cau duh broă bơtau dê rơp tiă hiòng Jordan mơ lòt dô êt tai bal mơ bơtau, mơya ñchi bơh tài bơtau kòñ jòng ro añ mơ dô nơm phan ƀàn behơ̆ taih?

Este 7:10

Cau bơtau đơs lah: “Yồng tĕ ngko khai hơđang hơ̆!” Behơ̆ bol khai yồng Haman hơđang jrong yồng cau mơ khai neh rcang nàng yồng Mordike. Gen bơta gơjrañ bơtau dê geh rài.

Este 9:25

Mơya tòm tŭ kai gơrmơ̆i hơ̆ neh geh yal tơnggit cau bơtau in gen cau bơtau cih ală sră jơnau gơnoar sồr lah ală kai gơrmơ̆i iơh bơsak mơ Haman neh bơtào gơs sòdră di cau Juda gen pal tuh wơl hơđang bồ khai, mơ khai bal mơ ală kòn klau khai dê pal kong yồng hơđang jrong yồng cau.

Sră Jop 42:11

Gen jơh ală oh mi ruh lŏ khai dê, mơ ală cau mòng git khai bơh lài lòt tus còp khai mơ sào bal mơ khai tòm hìu khai dê. Bol khai gơs dô bơta kơlôi sơnơng bal mơ pơndòm pơniang khai bơh ală bơta iơh mơ Yàng Jehôwa neh cèng tus hơđang khai; mơ kòp nă bol khai pà Jop in dô pet priă mơ dô nơm sơmbiat mơ màh.

Đơs Crih 79:12

Ơ Yàng Jehôwa bơta bơtat bơtròh mơ cau ơm rềp di bol hi neh bơtat bơtròh di Yàng, Dan tơm bơta hơ̆ poh dơ̆ di ntơh cau gơp ƀòn bol hi dê.

Lik Ejiptơ 21:24

ai mat tơm mat, ai sề tơm sề, ai tê tơm tê, ai jơng tơm jơng,

Jơnau Pơnđik 10:22

Bơta lơngai bơh Yàng Jehôwa dê lơh gơlik pas gơs: Kơnràñ ò bơtơl tai bơta moat jrùng lơi ò.

Jơnau Pơnđik 19:17

Cau lơi nđàc sơngit cau rƀah, hơ̆ la ai Yàng Jehôwa in càn jồm; Kơnràñ rơp tơm wơl broă bơta nđàc hơ̆ khai in.

Jơnau Pơnđik 22:9

Cau lơi gơs nùs dờng ơnàng rơp geh lơngai; bơh khai ai piang lă he cau jơgloh rƀah in.

Jeremi 32:18

Kơnràñ ràng tơlik bơta kòñ gơboh kơ̆ dơn gơwèt hơ rbô rài, mơya lơh glài bơh bơta tồi glài ồng pàng dê hơđang kòn sau tòm rài tơnơ̆. Khoai Yàng Tom Trồ dờng mơ gơs gơnap gơnoar làm jơh, sơnđan Kơnràñ la Yàng Jehôwa Gơnap Gơnoar Dờng Làm Jơh.

Mathiơ 10:42

Cau lơi ai dô nă tòm mpồl kơnòm dềt do in mìng hùc dô mơngàn dà ngềt lơm, tài bơh kơnòm hơ̆ la cau bơtê Añ jê, di ngan Añ đơs mơ bol mê, cau hơ̆ rơp ò gơs tŭ lơi roh phan ƀàn khai dê.”

Mathiơ 7:2

Bơh bol mê cahrña cau ndai be lơi, gen cau kung rơp cahrña di bol mê behơ̆ sơl; mơ bol mê was cau in mơ rnoas lơi, gen cau kung was wơl bol mê in mơ rnoas hơ̆.

Jơnau Niam Jat Mak 4:24

Kơnràñ đơs tai lah: “Kơrhia tĕ bơh bơta bol mê kơno. Bol mê was cau in mơ rnoas lơi, gen cau kung was wơl bol mê in rnoas hơ̆, mơ bơtơl tai sơl.

Luka 6:30

Cau lơi dan mơ mê, ai tĕ; cau lơi tòmpìt phan mê dê, gen bañ lùp wơl.

Yal Wơl 15:10

Ai tĕ khai in dô bă sơrmah sơrmài mơ bañ sềt nùs tòm tŭ lơh bơta hơ̆; tài bơh bơta hơ̆ Jehôwa Yàng Tom Trồ bol mê dê rơp ai lơngai bol mê in tòm jơh ală bơta mơ tòm jơh ală broă tê bol mê lơh.

Jakơ 2:13

Bơh bơta cahrña ò kòñ nđàc di cau ò gơs bơta kòñ nđàc, mơya bơta kòñ nđàc pha rlau mơ bơta cahrña.

Ală Kwang Cahrña 1:7

Gen Adôni Bejek đơs lah: “Poh jơt nă cau bơtau neh kong koh jơh ràs tê me mơ ràs jơng me, dòñ sa phan hơđơm cơnòng añ jê, Yàng Tom Trồ neh sal wơl bơta añ neh lơh.” Bol khai lam bơtau hơ̆ tus hơ Jerusalem mơ khai chơt tềng hơ̆.