Luka 6:26 - Sră Goh 2018

²⁶ Bòl glar ngan bol mê in, tòm tŭ tơl nă cau đơs niam bơh bol mê! Bơh ồng pàng bol khai kung lơh behơ̆ sơl gơwèt mơ ală cau gơnoar hwơr ma blac.”

Luka 6:26 ပူးပေါင်းရင်းမြစ်များ

Jơnau Pơnđik 27:21

Bơnhă lòng priă, glah lòng màh: ai bơta jòng ro lòng kòn mơnus.

Esai 30:10

Bol khai đơs mơ ală cau sền bơta gơtơnggŏ lah: “Bañ sền tai!” mơ đơs mơ ală cau gơnoar hwơr lah: “Bañ đơs hwơr bol hi in ală bơta di ngan! Yal tĕ bol hi in ală jơnau bơkah tồr, đơs hwơr tĕ bơh ală bơta ò gơs ngan.

Jeremi 5:31

Ală cau gơnoar hwơr đơs hwơr blac, Ală cau gơnoar ơn phan duh khoai jat jơnau gơnoar sồr cau gơnoar hwơr! Làng bol Añ kòñ gơs bơta behơ̆ sơl. Mơya ñchi bol mê rơp lơh tòm tŭ lồi dut tus taih?”

Mice 2:11

Dilah gơs dô nă cau đơs blac pơrlồm tus đơs lah: “Añ rơp bơto bol mê in bơh tơrnòm mơ phan ñô lơh bơñul,” gen cau hơ̆ rơp lơh gơs cau bơto làng bol do in!

Mathiơ 7:15

“Kơrhia tĕ di ală cau gơnoar hwơr ma blac, la ală cau soh gơltau belàt lòt tus hơ bol mê, mơya tòm dơlam la so rhau jak kap crè.

Luka 6:25

Bòl glar ngan bol mê in la cau hòm, bơh rơp jơgloh! Bòl glar ngan bol mê in la cau ơm ñŏ, bơh rơp moat jrùng mơ ñìm rac!

Jang 15:19

Dilah bol mê gơrê bal mơ dunnia, gen dunnia rơp kòñ gơboh di cau bal mơ bol khai; mơya tài bơh bol mê ò bal mơ dunnia, mơya Añ neh sac bol mê lik bơh dunnia, gen tàng dunnia gơjrañ di bol mê.

Jang 7:7

Dunnia ò rgơi gơjrañ kơuềng di bol mê, mơya gơjrañ kơuềng di Añ, tài bơh Añ lơh cơng dunnia in git lah ală broă bol khai dê la iơh bơsak.

Rôma 16:18

Bơh ală cau hơ̆ ò duh broă Bơtau Krist la Yàng bol he, mơya bol khai duh broă kơndul bol khai dê, mơ ai ală jơnau lơngồt bơkah rơmhòc nàng pơrlồm cau ò kơ̆ nùs.

Jakơ 4:4

Ơ ală cau ò dòn song ne! Oh mi ò git lah lơh bơyô mơ dunnia hơ̆ la tòmdră mơ Yàng Tom Trồ ò ơ? Gen tàng cau lơi kòñ lơh bơyô mơ dunnia gen cau hơ̆ gơlik gơs cau sò tơm mơ Yàng Tom Trồ.