Luka 6:25 - Sră Goh 2018

²⁵ Bòl glar ngan bol mê in la cau hòm, bơh rơp jơgloh! Bòl glar ngan bol mê in la cau ơm ñŏ, bơh rơp moat jrùng mơ ñìm rac!

Luka 6:25 ပူးပေါင်းရင်းမြစ်များ

Đơs Crih 49:19

Mơya khai rơp chơt kung be ală ồng pàng khai dê; Bol khai ò gơs tŭ lơi gŏ bơta àng tai.

Jơnau Pơnđik 14:13

Bulah tòm tŭ ñŏ kơnhơl nùs gam moat jrùng; Mơ lồi dut bơta chò hòp, hơ̆ la bơta rac ròc.

Jơnau Pơnđik 30:9

Rngòt tŭ hòm lai añ pơndang sang Yàng, mơ lah: Yàng Jehôwa la ñcau taih? Mơ pơrlơ̆ wơl dilah añ rƀah lơòi, gen ntung kơñau, mơ lơh ƀơ̆ iơh sơnđan Yàng Tom Trồ añ jê sơl.

Cau Bơto 2:2

Añ đơs: “Ñŏ la sơnrang,” mơ bơta lơh chò niam nùs: “Ñchi kwơ taih?”

Cau Bơto 7:3

Jê sồt moat jrùng niam rlau mơ cau ñŏ; bơh muh mat moat jrùng, mơ nùs geh hòn chò.

Cau Bơto 7:6

Bơh be ntas lò bơrtoh hơđơm dô nơm glah, kung behơ̆ sơl sap dơñŏ cau bơrngơl gơla dê. Hơ̆ kung la bơta roh lơm.

Esai 28:7

Mơ ală cau do kung gơsèng bơh tơrnòm ño, gơpơyơng bơh tơrnòm pràn: Cau gơnoar ơn phan duh khoai mơ cau gơnoar hwơr lòt gơtòmsèng bơh tơrnòm pràn, bơñul ñô tơrnòm ño; bol khai sơwing bồ tài bơh tơrnòm pràn, bol khai lu li tòm tŭ sền ală bơta gơtơnggŏ, bol khai gơtup tìs tòm tŭ cahrña.

Esai 65:13

Behơ̆ tàng Yàng Jehôwa la Yàng Tom Trồ đơs be do: “Ală cau duh broă Añ rơp sa, mơya bol mê rơp kong jơgloh; ală cau duh broă Añ rơp hùc, mơya bol mê rơp kong tơhìr; ală cau duh broă Añ rơp hòn chò, mơya bol mê rơp kong ƀàssìl ƀàsso.

Esai 8:21

Bol khai rơp lòt làm tòm lơgar, bòl glar dờng ngan mơ jơgloh; tòm tŭ bol khai jơgloh gen bol khai gơjrañ ngan, bol khai srat rma bơtau mơ ală yàng bol khai dê. Bol khai wèt mat bol khai hơđang,

Esai 9:20

bol khai rơp sa roh đah ma, mơya gam jơgloh; bol khai rơp sa loan đah kiau, mơya ò hòm lai. Kòp nă rơp sa poac kòn sau he dê.

Amôs 8:10

Añ rơp pơrlac bơta pơjum sa bol mê dê gơlik gơs bơta pơt wòl, mơ jơh ală bơta đơs chò bol mê dê gơlik gơs bơta ñìm rac. Añ rơp cèng bài sơnò kiat tơntròñ jơh tơl nă bol mê in, mơ koah bồ bol mê dê. Añ rơp lơh gơ in gơlik gơs kung be bơta ñìm ƀồc bơh roh kòn klau dô nă, mơ bơta lồi dut gơ dê kung be dô ngai sràt bơtang.”

Nahum 1:10

Bol khai be cau gơkòl digùl lò mơ be cau bơñul ñô tơrnòm; bol khai kong chu pơrguc kung be rhe ro.

Luka 12:20

Mơya Yàng Tom Trồ đơs mơ cau pas sơm hơ̆ lah: ‘Ơ cau bơrngơl gơla! Tòm mang do Añ rơp tă wơl hwềng soàn mê, gen ală phan mơna mơ mê neh rcang prap lòi rơp gơrê mơ ñcau taih?’

Luka 13:28

Tŭ hơ̆, bol mê gŏ Abraham, Isak mơ Jakôp bal mơ jơh ală cau gơnoar hwơr ơm tòm lơgar Yàng Tom Trồ, ai bol mê gen kong sang sơrbì hơ bơdìh; gen bol mê rơp ñìm rac mơ rkiat sề.

Luka 6:24

Mơya bòl glar ngan bol mê in la cau pas sơm, bơh neh geh bơta pơndòm pơniang he dê rau!

Luka 6:26

Bòl glar ngan bol mê in, tòm tŭ tơl nă cau đơs niam bơh bol mê! Bơh ồng pàng bol khai kung lơh behơ̆ sơl gơwèt mơ ală cau gơnoar hwơr ma blac.”

Luka 8:53

Bol hơ̆ git khai neh chơt ngan rau, gen dơñŏ tơnhial di Kơnràñ.

Ephesô 5:4

Kung bañ đơs jơnau pàp tràl, hala đơs lềng, hala đơs lèo, hơ̆ la ală bơta ò di pal, mơya chan ưnngài Yàng Tom Trồ la niam rlau.

I Tesalônika 5:3

Tòm tŭ cau đơs: “Ring lơngai mơ lơngap lơngai,” gen bơta tơnroh nisơna tus hơđang bol khai be bơta jê deh gơtơntus cau ùr bun in, mơ bol khai ngan ò geh pleh klàs ò.

Jakơ 4:9

Moat jrùng tĕ, rac ròc mơ ñìm rac tĕ; gơl tĕ bơta ñŏ gơlik bơta ñìm, gơl tĕ bơta hòn chò gơlik bơta moat jrùng.

Yal Tơlik 3:17

Bơh mê đơs: ‘Añ pas gơs, añ neh pas sơm rau, ò càng phan lơi tai;’ mơya mê ò git mê la cau bòl glar, pal nđàc sơngit, rƀah lơòi, jơngo mat mơ ơm kuh lòi rồ.

I Samuel 2:5

Ală cau geh hòm lòt lơh ơpah nàng geh phan sa, mơya ală cau jơgloh geh lơmă bơh phan tòmpìt geh. Cau ùr kơnền neh deh poh nă kòn, mơya cau ùr gơs oă kòn gen jê sồt moat jrùng.