Luka 6:21 - Sră Goh 2018

²¹ Lơngai bol mê in ơm jơgloh, Bơh rơp geh hòm! Lơngai bol mê in ơm ñìm, bơh rơp ñŏ!

Luka 6:21 ပူးပေါင်းရင်းမြစ်များ

Sơnròp Gơlik Gơs 17:17

Gen Abraham tơmbic să tòm ù, khai ñŏ mơ đơs tòm nùs lah: “Gơs dô nă cau neh tơl dô rhiang nam rau mơ tơnggơs dô nă kòn klau di sơl? Ai Sara neh sin jơt nam, rơp deh di sơl?”

Sơnròp Gơlik Gơs 21:6

Sara đơs lah: “Yàng Tom Trồ lơh añ in gơràn ñŏ, jơh ală cau kơno rơp ñŏ bal mơ añ.”

Đơs Crih 107:9

Bơh Kơnràñ lơh cau tơhìr in geh hừh hơh, Lơh cau jơgloh in geh bềng lìu phan bơkah.

Đơs Crih 119:136

Añ hòr dà mat oă ngan, Tài bơh kòn mơnus ò bài prap gàr bơta boh lam Yàng dê.

Đơs Crih 143:6

Añ pò tê wèt hơ Yàng, Hwềng soàn añ tơhìr Yàng be tiah rañ ro. (Selah)

Đơs Crih 17:15

Ai añ, añ rơp sền gŏ mat Kơnràñ dê tòm bơta song ring. Tòm tŭ añ kah rngal, añ rơp hừh nùs mơ sền gŏ rùp să Yàng dê.

Đơs Crih 28:7

Yàng Jehôwa la bơta pràn kơldang mơ la khèl añ jê; Nùs añ neh dòn kơnòm di Kơnràñ mơ geh dong kòl; Tài behơ̆ nùs añ gơs hòn chò ngan, Mơ añ ai bơta đơs chò nàng ưnngài Kơnràñ.

Đơs Crih 65:4

Lơngai cau lơi in geh Kơnràñ sac rwah mơ cèng tus rềp, Nàng ơm tòm tiah ơm Kơnràñ dê. Bol hi rơp geh hừh hơh bơh ală bơta niam tòm hìu Kơnràñ dê, la Hìu Duh Khoai Sàng Goh Kơnràñ dê.

Esai 25:6

Hơđang mơnơm do, Yàng Jehôwa Gơnap Gơnoar Dờng rơp rcang yò ală làng bol in dô bơta ñô sa dờng gơs oă phan sa bơkah, dô bơta ñô sa dờng gơs tơrnòm yau, gơs phan dơngi gơs khu mơ tơrnòm bơkah rlau jơh.

Esai 30:19

Ơ làng bol Siôn la cau ơm tòm Jerusalem, bol mê rơp ò ñìm rac tai. Kơnràñ kòñ nđàc ngan, tòm tŭ bol mê dan Kơnràñ dong kòl! Tòm tŭ kơno, gen Kơnràñ rơp ho wơl bol mê in.

Esai 66:10

Hòn chò tĕ mơ Jerusalem, mơ chò hòp tĕ bơh gơ, hòn chò tĕ bơh gơ! Ơ bol mê jơh tơl nă la cau neh ñìm rac pơt wòl bơh Jerusalem, chò hòp dờng tĕ bal mơ gơ.

Jeremi 13:17

Mơya dilah bol mê ò bài iat, Hwềng soàn añ rơp ñìm òm bơh bơta jòng să bol mê dê. Mat añ rơp ñìm rac sràt bơtang, mơ dà mat añ gơhòr sùm, Bơh mpồl belàt Yàng Jehôwa dê neh kong kup cèng gơs dĭ.

Jeremi 31:25

Añ rơp ai cau bòl glar in geh pràn wơl, Ai cau gơplơ̆ nùs in geh hừh hơh.”

Jeremi 31:9

Bol khai ñìm rac mơ tus, mơ Añ rơp tề lam tòm bơta rac dan; Añ rơp jun bol khai lòt rò gah ală hiòng, Jat gùng song ngan, ò kòl gơtup pừ. Bơh Añ neh lơh gơs bèp Israel in, Ai Epraim la kòn tơnhoa Añ jê.

Jeremi 9:1

Ôih! Kơp kòñ bồ añ la dô nơm croh dà, Mat añ la dô nơm tồ dà cat dà mat! Nàng añ in ñìm sùm mang mơ ngai Bơh làng bol añ jê gơkòl tơnchơt.

Ejekiel 7:16

Jơh ală cau gam kis mơ geh lik klàs rơp ơm hơđang ală mơnơm, rac ròc kung be sềm ntòp tòm thòng, kòp nă tài bơh tồi glài khai dê.

Ejekiel 9:4

mơ đơs mơ khai lah: “Lòt làm tĕ tòm ƀòn dờng Jerusalem mơ lơh dô nơm tềl hơđang bìng liang ală cau ñìm rac mơ pơt wòl bơh ală bơta cù kìr neh lơh gơs tềng hơ̆.”

Mathiơ 5:4

Lơngai ală cau moat jrùng in, bơh rơp geh pơndòm pơniang!

Mathiơ 5:6

Lơngai ală cau in jơgloh tơhìr bơh bơta song ring, bơh rơp geh hòm!

Luka 1:53

Ai cau jơgloh in bềng phan bơkah, Mơ cau pas rê gòi.

Luka 6:20

Yàng Jesu tơnggòr sền ală cau bơtê mơ đơs lah: “Lơngai bol mê in la cau rƀah lơòi, bơh lơgar Yàng Tom Trồ la bal mơ bol mê!

Luka 6:22

Lơngai bol mê in tòm tŭ bơh Kòn Mơnus mơ cau gơjrañ kơuềng di bol mê, ò dòp rò bol mê, bơtat bơtròh di bol mê, sang sơnđan bol mê be phan ƀơ̆!

Luka 6:25

Bòl glar ngan bol mê in la cau hòm, bơh rơp jơgloh! Bòl glar ngan bol mê in la cau ơm ñŏ, bơh rơp moat jrùng mơ ñìm rac!

Jang 11:35

Yàng Jesu ñìm.

Jang 4:10

Yàng Jesu ho lah: “Dilah ai git bơta pà gòi Yàng Tom Trồ dê, mơ git cau đơs mơ ai lah: ‘Ai Añ in ƀà hùc’ la ñcau, gen ngan ai rơp dan mơ Khai, mơ Khai rơp pà ai in dà kis.”

Jang 6:35

Yàng Jesu đơs lah: “Añ la piang lă bơta kis dê, cau lơi lòt tus hơ Añ gen ò gơs tŭ lơi jơgloh, mơ cau lơi dòn Añ gen ò gơs tŭ lơi tơhìr.

I Kôrintô 4:11

Bol hi kong jơgloh mơ tơhìr, ơm sut sèt, kong pù lơh, mơ lòt ngai do tềng do, ngai hìng tềng hơ̆.

II Kôrintô 11:27

kong bòl kong glar, oă dơ̆ drơng mang, kong jơgloh tơhìr, oă dơ̆ ơt sào, kong noat mrềt mơ ơm kuh lòi rồ.

II Kôrintô 12:10

Gen tàng tài bơh Bơtau Krist añ niam nùs kong bơta lơbơn lơño, òsơp òso, siơ̆u siar, kup kơryan, bòl glar; bơh tòm tŭ añ lơbơn lơño, hơ̆ la tŭ añ pràn kơldang.

II Kôrintô 6:10

sền be moat jrùng mơya gơs hòn chò sùm sùm; sền be rƀah lơòi mơya lơh oă cau in geh pas gơs; sền be ò gơs phan lơi mơya gơs jơh ală bơta.

Jakơ 1:12

Lơngai cau in kong jai bơta gơlòng bòl glar, bơh tòm tŭ neh kong jai bơta lòng rau gen rơp dòp geh sơgơn bơtau bơta kis mơ Yàng neh ho pơgon ai cau in kòñ gơboh di Kơnràñ.

Yal Tơlik 21:3

Añ kơno dô jơnau dờng lik bơh di sơbàn, đơs lah: “Ne, tiah ơm Yàng Tom Trồ dê ơm digùl jơi kòn mơnus. Kơnràñ rơp ơm bal mơ bol khai, mơ bol khai rơp lơh gơs làng bol Kơnràñ dê, să tòm Yàng Tom Trồ rơp ơm bal mơ bol khai, mơ lơh gơs Yàng Tom Trồ bol khai dê.

Yal Tơlik 7:16

Bol khai rơp ò gam jơgloh, ò gam tơhìr tai; mattơngai hala bơta duh trơàl lơi kung rơp ò lơh iơh di bol khai sơl.