Luka 6:20 - Sră Goh 2018

²⁰ Yàng Jesu tơnggòr sền ală cau bơtê mơ đơs lah: “Lơngai bol mê in la cau rƀah lơòi, bơh lơgar Yàng Tom Trồ la bal mơ bol mê!

Luka 6:20 ပူးပေါင်းရင်းမြစ်များ

Đơs Crih 37:16

Phan cau song ring bulah dô êt, Mơya niam rlau mơ phan oă tơngkah tơngkañ ală cau iơh bơsak dê.

Jơnau Pơnđik 16:19

Chan la pơndêt să ơm bal mơ cau siơ̆u siar, rlau mơ tòmpà phan kơñau bal mơ cau pơnhừ să.

Jơnau Pơnđik 19:1

Chan la cau rƀah ngui sa lơh lòt dô bă song ngan, rlau mơ cau gơs bơr sơndồi rkwet rkwe mơ la dô nă cau tùl gơla.

Esai 29:19

Cau lơbơn niam rơp dòp geh bơta hòn chò pa tòm Yàng Jehôwa; mơ cau siơ̆u siar rơp hòn chò tòm Bơtau Sàng Goh Israel dê.

Esai 66:2

Jơh ală bơta do la bơh tê Añ neh lơh gơs, mơ jơh ală bơta do gơrê mơ Añ.” Yàng Jehôwa đơs behơ̆. “Mơya do la cau mơ Añ sền dờng màng: hơ̆ la cau pơndêt să mơ gơs hwềng nùs jê sồt moat jrùng bơh tồi glài, mơ rơm să rngòt tòm tŭ kơno jơnau đơs Añ jê.

Sôphôni 3:12

Mơya Añ rơp lòi wơl digùl bol mê ală cau lơbơn niam mơ tơnliah să. Bol khai rơp jòi jat mơ kìng crŭ tòm sơnđan Yàng Jehôwa dê.

Sacari 11:11

Gơ neh kòl gơltac sang tòm ngai hơ̆; mơ ală belàt kòl cèng tac, la ală belàt neh kơp gơn Añ, bol gơ git hơ̆ la jơnau Yàng Jehôwa dê.

Mathiơ 11:5

cau jơngo geh àng, cau pă geh lòt, cau dun geh goh, cau tĭ geh klo, cau chơt geh kis wơl, cau rƀah lơòi geh kơno bơto yal Jơnau Niam.

Mathiơ 25:34

Tŭ hơ̆ Bơtau rơp đơs mơ ală cau ơm đah ma lah: ‘Ơ ală cau geh lơngai bơh di Bèp añ jê, tus tĕ pơrdòn lơgar neh rcang sir bol mê in bơh tŭ crơng gơs trồ tiah.

Mathiơ 5:1

Yàng Jesu gŏ mpồl làng bol, gen guh hơđang mơnơm. Tòm tŭ Kơnràñ nggui, gen ală cau bơtê tus rềp.

Luka 12:32

Ơ mpồl dềt, bañ rngòt, bơh Bèp bol mê niam nùs ai bol mê in lơgar.

Luka 13:28

Tŭ hơ̆, bol mê gŏ Abraham, Isak mơ Jakôp bal mơ jơh ală cau gơnoar hwơr ơm tòm lơgar Yàng Tom Trồ, ai bol mê gen kong sang sơrbì hơ bơdìh; gen bol mê rơp ñìm rac mơ rkiat sề.

Luka 14:15

Gơs dô nă cau nggui sa bal mơ Kơnràñ kơno jơnau hơ̆, gen đơs mơ Kơnràñ lah: “Lơngai cau lơi in geh sa piang lă tòm lơgar Yàng Tom Trồ!”

Luka 16:25

Mơya Abraham đơs lah: ‘Ơ kòn, kah tĕ tòm tŭ gam kis, mê neh dòp geh ală bơta niam mê dê rau, ai Lasarơ neh kong ală bơta iơh; tŭ do khai ơm tềng do geh pơndòm pơniang, ai mê gen kong pơnjê pơngkồr.

Luka 4:18

“Hwềng Yàng dê rơp hơđang Añ, Bơh Kơnràñ neh bong mơñà Añ in nàng bơto yal Jơnau Niam ală cau rƀah lơòi in, Sồr Añ lòt yal ală cau gơkòl kup in geh hồ toh, Cau jơngo geh àng, Cau gơkòl rồn bơklơn geh khat gơboh,

Broă 14:22

Lơh ală cau bơtê kơ̆ nùs, bơto pơndòm bol khai prap kơ̆ bơta dòn, mơ yal lah bol he pal kong oă bơta bòl glar gen sồng geh mut tòm lơgar Yàng Tom Trồ.

II Kôrintô 6:10

sền be moat jrùng mơya gơs hòn chò sùm sùm; sền be rƀah lơòi mơya lơh oă cau in geh pas gơs; sền be ò gơs phan lơi mơya gơs jơh ală bơta.

II Kôrintô 8:2

Tòm tŭ bol khai ơm tòm bơta gơlòng bòl glar dờng, mơya bềng bơta hòn chò. Tòm bơta siơ̆u siar rlau jơh, gen nùs dờng ơnàng bol khai gơlik gơs lìu làc.

II Kôrintô 8:9

Bơh oh mi git bơta nđàc Yàng Jesu Krist bol he dê: Kơnràñ la pas gơs mơya tài bơh oh mi tàng gơlik gơs rƀah, tồ oh mi in kơnòm bơh bơta rƀah Kơnràñ dê mơ gơlik pas gơs.

I Tesalônika 1:6

Gen oh mi neh đòm jat bol hi mơ kung đòm jat Yàng sơl, ai bơta hòn chò Yàng Hwềng Goh dê mơ dòp jơnau Yàng dê digùl oă bơta jê sồt bòl glar,

II Tesalônika 1:5

Hơ̆ la cơng tàng loh làng bơh bơta cahrña song ring Yàng Tom Trồ dê, nàng oh mi in geh kòp la di pal ngan mơ lơgar Yàng Tom Trồ, kung bơh lơgar hơ̆ mơ oh mi gam kong bòl glar.

Jakơ 1:12

Lơngai cau in kong jai bơta gơlòng bòl glar, bơh tòm tŭ neh kong jai bơta lòng rau gen rơp dòp geh sơgơn bơtau bơta kis mơ Yàng neh ho pơgon ai cau in kòñ gơboh di Kơnràñ.

Jakơ 2:5

Ơ oh mi kòñ gơboh añ jê, iat tĕ do: Yàng Tom Trồ ò di neh sac cau rƀah tòm rài do nàng dòp geh bơta pas sơm tòm bơta dòn, mơ pơrdòn lơgar Kơnràñ neh ho pơgon mơ cau kòñ gơboh di Kơnràñ ò ơ?

Yal Tơlik 2:9

‘Añ git bơta rung rài mơ bơta rƀah lơòi mê dê, bulah mê la cau pas gơs, mơ Añ git ală jơnau bơrsèl tơnhial ală cau sơnđan is să he la cau Juda mơya ò di la cau Juda, bol khai la bal mơ mpồl jơnum cà Satan dê.

I Samuel 2:8

Kơnràñ yò tơngguh cau rƀah bơh di kơmbuh ù; Kơnràñ yò tơngguh cau siơ̆u siar bơh di gơnru bùh; Kơnràñ ơn bol khai nggui bal mơ ală kòn cau bơtau, mơ ai bol khai in pơrdòn dô nơm sơbàn màng ryŭ. Bơh ală jrong plai ù dê la bal mơ Yàng Jehôwa, Kơnràñ neh ơn lơgar dunnia hơđang gơ.