Luka 6:13 - Sră Goh 2018

¹³ Tus àng drim, Kơnràñ hòi ală cau bơtê lòt tus, sac rwah jơt bàr nă tòm bol khai, sơnđan la cau gơnoar bơto dờng:

Luka 6:13 ပူးပေါင်းရင်းမြစ်များ

Mathiơ 10:2

Do la sơnđan jơt bàr nă cau gơnoar bơto dờng: Sơnròp la Simôn, kung sơnđan la Pier mơ Andre la oh khai; Jakơ kòn Sebede mơ Jang la oh khai dê;

Mathiơ 19:28

Yàng Jesu ho lah: “Di ngan Añ đơs mơ bol mê, tus di tŭ jơh ală bơta gơs wơl pa, la tŭ Kòn Mơnus rơp nggui hơđang sơbàn gơklŏ Kơnràñ dê, gen bol mê la cau neh jat Añ kung rơp nggui hơđang jơt bàr nơm sơbàn mơ cahrña jơt bàr jơi bơtiàn làng bol Israel.

Mathiơ 9:36

Dơ̆ Kơnràñ gŏ mpồl làng bol gen gơs nùs nđàc sơngit, bơh bol khai bòl glar, mơ nrah nring be belàt ò gơs cau ê.

Jơnau Niam Jat Mak 6:30

Ală cau gơnoar bơto dờng rê wơl mơ pơjum gùt dar Yàng Jesu, mơ yal Kơnràñ in jơh ală bơta bol khai neh lơh mơ bơto.

Jơnau Niam Jat Mak 6:7

Gen Yàng Jesu hòi jơt bàr nă cau bơtê tus, sơntòm sồr lòt dô yô dô yô, ai bol khai in gơs gơnoar hơđang ală cà.

Luka 11:49

Gen tàng bơta jak chài Yàng Tom Trồ dê kung neh đơs lah: ‘Añ rơp sồr ală cau gơnoar hwơr mơ ală cau gơnoar bơto dờng lòt tus hơ bol khai; bol khai rơp tơnchơt cau do, kup kơryan cau ne.’

Luka 22:30

bol mê geh ñô sa di cơnòng Añ jê tòm lơgar Añ; bol mê kung rơp nggui hơđang sơbàn mơ cahrña jơt bàr jơi bơtiàn làng bol Israel.”

Luka 6:14

Simôn, Yàng Jesu kung tơmoh sơnđan la Pier, Andre oh khai, Jakơ mơ Jang, Philip mơ Bathelemi,

Jang 4:33

Tài behơ̆, ală cau bơtê đơs bal lah: “Gơs cau lơi neh cèng phan lơi Kơnràñ in sa sơl?”

Broă 1:13

Tòm tŭ neh tus tòm ƀòn dờng, bol khai guh tòm dô nơm ơdŭ tap hơđang la tiah Pier, Jang, Jakơ, Andre, Philip, Thôma, Bathelemi, Mathiơ, Jakơ kòn Alphe, Simôn Selôt, mơ Juda kòn Jakơ òs ơm.

Ephesô 2:20

Oh mi kung geh bơt bơtào hơđang mơnàng ală cau gơnoar bơto dờng mơ ală cau gơnoar hwơr dê, să tòm Yàng Krist Jesu la lŭ mum hìu.

Ephesô 4:11

Kơnràñ ai cau do in gơs cau gơnoar bơto dờng, cau ne gơs cau gơnoar hwơr, cau ƀà gơs cau bơto yal Jơnau Niam, cau ƀà tai gơs cau gơnoar bơto mơ cau bơto,

Hebrơ 3:1

Behơ̆ gen, ơ oh mi sàng goh la ală cau geh pơnah tòm bơta hòi sac bơh đang trồ, sền kơlôi tĕ di Yàng Jesu la Cau gơnoar bơto dờng mơ Cau gơnoar dờng lam bồ ơn phan duh khoai mơ bol he dòn dòp.

II Pier 3:2

tồ oh mi in kah jơnau ală cau gơnoar hwơr sàng goh neh đơs lài, mơ bơta sồr lam Yàng dê la Yàng Dong Klàs neh kơnòm di ală cau gơnoar bơto dờng oh mi dê yal wơl.

Yal Tơlik 12:1

Lồc behơ̆, hơđang trồ gơlik gơs dô nơm tềl krơi dờng; gơs dô nă cau ùr soh mattơngai, gơs kơnhai hơđơm jơng khai dê, mơ di bồ ndau sơgơn bơtau jơt bàr nơm sơmañ.

Yal Tơlik 18:20

Ơ trồ, ơ ală cau sàng goh, ală cau gơnoar bơto dờng, mơ ală cau gơnoar hwơr, hòn chò tĕ bơh khai, tài bơh Yàng Tom Trồ neh sal tê di khai bol mê in rau!”

Yal Tơlik 21:14

Dơrñang ƀòn hơ̆ gơs jơt bàr nơm lŭ lơh gơs mơnàng, di ală lŭ hơ̆ gơs sơnđan jơt bàr nă cau gơnoar bơto dờng Belàt Kòn dê.