Luka 5:21 - Sră Goh 2018

²¹ Ală cau bơto bơta boh lam mơ ală cau Pharisi bơyai bal lah: “Cau do la ñcau mơ khin đơs tràl sơrbil behơ̆ taih? Rlau mơ Yàng Tom Trồ, ñcau rgơi toh glài taih?”

Luka 5:21 ပူးပေါင်းရင်းမြစ်များ

Đơs Crih 103:3

Hơ̆ la Kơnràñ toh jơh ală tồi glài iơh bơsak mê dê, Sơmbòi jơh ală bơta kòp jê mê dê.

Đơs Crih 130:4

Mơya Yàng gơs nùs toh glài, Nàng cau in duh rngòt dê Kơnràñ.

Đơs Crih 32:5

Añ neh yal tơlik glài añ jê Yàng in, ò pồn bơta tồi glài iơh bơsak añ jê; Añ đơs lah: “Añ rơp yal ală bơta tìs glài añ jê Yàng Jehôwa in,” Gen Yàng neh toh bơta tồi glài añ jê.

Đơs Crih 35:5

Lòi bol khai be kòi nsiap gơkòl càl khồm pơrdô, Mơ gơs cau gơnrơh Yàng Jehôwa dê bơtrơh bol khai tơn!

Esai 1:18

Yàng Jehôwa đơs: “Tŭ do tus tĕ nàng bol he tòmbơyai bal. Bulah tồi glài bol mê dê be dà phồng, rơp gơlik bò be piar, bulah pơrhê be mhàm, rơp gơlik be sơnò belàt kò.

Esai 43:25

Añ, să tòm Añ la Bơtau jùt sang jơh ală bơta tìs glài mê dê; tài bơh să tòm Añ, Añ ò kah tai ală bơta tồi glài mê dê.

Esai 44:22

Añ neh jùt sang bơta tìs glài mê dê kung be mhwal lơut, tồi glài mê dê kung be dà tŭ. Rê wơl tĕ mơ Añ, bơh Añ neh dong tơwài mê.

Daniel 9:19

Ơ Yàng, dan iat! Ơ Yàng, dan toh glài! Ơ Yàng, dan ơn nùs mơ lơh gơs! Ơ Yàng Tom Trồ añ jê, dan bañ lơh òbat tài bơh ƀòn dờng Kơnràñ dê mơ làng bol Kơnràñ dê neh geh tơmoh mơ sơnđan Kơnràñ.”

Daniel 9:9

Jehôwa la Yàng Tom Trồ bol hi dê la Bơtau gơs bơta kòñ nđàc mơ jak toh glài bulah bol hi neh tòmdră mơ Kơnràñ.

Lebi 24:16

cau lơi đơs tràl sơrbil di Sơnđan Yàng Jehôwa gen cau hơ̆ pal kong tơnchơt. Jơh dô mpồl jơnum pal cơm lŭ tơnchơt khai. Bulah la dô nă cau làng bơdìh hala dô nă cau deh tòm lơgar, tòm tŭ khai đơs tràl sơrbil di Sơnđan Yàng Jehôwa gen khai pal kong tơnchơt.

Mice 7:19

Kơnràñ rơp kòñ nđàc tai di bol he, Kơnràñ rơp jă trơm ală tồi glài bol he dê hơđơm jơng Kơnràñ mơ sang sơrbì jơh ală bơta tồi glài iơh bơsak bol he dê tòm ală tiah jrô dàlềng dê.

Mathiơ 26:65

Gen cau gơnoar dờng lam bồ ơn phan duh khoai crè ào khai mơ đơs lah: “Khai neh đơs tràl sơrbil. Ñchi bơh tài bol he gam jòi cau ndai lơh cơng taih? Do, bol mê pa kơno jơnau tràl sơrbil hơ̆.

Mathiơ 9:3

Tŭ hơ̆ gơs bàr pe nă cau bơto bơta boh lam kơlôi òm lah: “Cau do đơs tràl sơrbil.”

Luka 3:8

Behơ̆ gơlik tĕ plai di pal mơ bơta gơjrañ sang glài; bañ đơs is lah: ‘Bol he gơs Abraham la ồng pàng bol he dê,’ bơh añ đơs mơ bol mê, Yàng Tom Trồ rgơi ai bơh ală lŭ do bơtào gơs kòn sau Abraham in.

Luka 5:17

Dô ngai ne, Yàng Jesu ơm bơto sồr, gơs ală cau Pharisi mơ cau bơto bơta boh lam bơh kòp nơm ƀòn tòm Galile, Jude mơ Jerusalem lòt tus nggui di gah hơ̆, gơnap gơnoar Yàng dê ơm bal mơ Kơnràñ nàng sơmbòi kòp jê.

Luka 5:22

Mơya Yàng Jesu git bơta bơyai bal bol khai dê, gen lùp lah: “Ñchi bơta bol mê bơyai bal tòm nùs taih?

Luka 7:49

Ală cau nggui sào bal mơ Kơnràñ đơs is lah: “Cau do la ñcau mơ gơs gơnoar toh glài taih?”

Jang 10:33

Ală cau Juda ho lah: “Bol hi ò cơm lŭ di ồng tài bơh broă niam, mơya bơh jơnau đơs tràl sơrbil; ồng la kòn mơnus mơ bơtào is să he la Yàng Tom Trồ.”

Rôma 8:33

Ñcau rơp yă ală cau Yàng Tom Trồ sac rwah taih? Yàng Tom Trồ la Bơtau kòp bol khai la song ring.