Luka 5:17 - Sră Goh 2018

¹⁷ Dô ngai ne, Yàng Jesu ơm bơto sồr, gơs ală cau Pharisi mơ cau bơto bơta boh lam bơh kòp nơm ƀòn tòm Galile, Jude mơ Jerusalem lòt tus nggui di gah hơ̆, gơnap gơnoar Yàng dê ơm bal mơ Kơnràñ nàng sơmbòi kòp jê.

Luka 5:17 ပူးပေါင်းရင်းမြစ်များ

Mathiơ 11:5

cau jơngo geh àng, cau pă geh lòt, cau dun geh goh, cau tĭ geh klo, cau chơt geh kis wơl, cau rƀah lơòi geh kơno bơto yal Jơnau Niam.

Mathiơ 15:1

Tŭ hơ̆ gơs ală cau Pharisi mơ ală cau bơto bơta boh lam bơh Jerusalem tus hơ Yàng Jesu mơ lùp lah:

Jơnau Niam Jat Mak 1:45

Mơya cau hơ̆ lòt mơ yal pơnro broă hơ̆ làm jơh, tian gơs Yàng Jesu ò rgơi mut tòm ƀòn dờng dô bă loh làng tai; gen tàng Kơnràñ ơm đah bơdìh tòm ală tiah ngềt ngơt, mơ cau bơh ală đah lòt tus hơ Kơnràñ.

Jơnau Niam Jat Mak 16:18

kup bơs tòm tê, dilah hùc phan lơi bih khih kung ò gơs tŭ lơi gơlik iơh, mơ dilah ơn tê hơđang cau kòp gen cau kòp hơ̆ rơp geh bòi.”

Jơnau Niam Jat Mak 3:22

Ai ală cau bơto bơta boh lam mù bơh Jerusalem đơs lah: “Cau do kòl Beeljebul lơh, khai kơnòm di bơtau cà mơ bơtrơh cà.”

Jơnau Niam Jat Mak 5:30

Tŭ hơ̆ mo Yàng Jesu git gơs gơnap gơnoar neh lik bơh Kơnràñ, gen wơlke hơ mpồl làng bol mơ lùp lah: “Ñcau neh ƀư di ào Añ taih?”

Jơnau Niam Jat Mak 7:1

Tŭ hơ̆ ală cau Pharisi mơ bàr pe nă cau bơto bơta boh lam tus bơh Jerusalem, pơjum gùt dar Yàng Jesu,

Luka 15:2

Ală cau Pharisi mơ ală cau bơto bơta boh lam yoam lah: “Cau do wă rò ală cau glài mơ sa bal mơ bol khai!”

Luka 2:46

Tơnơ̆ mơ pe ngai bol khai bàn Kơnràñ tòm hìu duh khoai, ơm nggui digùl ală cau bơto, iat ndang lùp ndang.

Luka 5:21

Ală cau bơto bơta boh lam mơ ală cau Pharisi bơyai bal lah: “Cau do la ñcau mơ khin đơs tràl sơrbil behơ̆ taih? Rlau mơ Yàng Tom Trồ, ñcau rgơi toh glài taih?”

Luka 5:30

Ală cau Pharisi mơ ală cau bơto bơta boh lam yoam ală cau bơtê Kơnràñ lah: “Ñchi bơh tài bol mê ñô sa bal mơ ală cau dar dia mơ cau glài taih?”

Luka 6:19

Jơh mpồl làng bol oă jòi bơta nàng ƀư di Kơnràñ, bơh gơs gơnap gơnoar lik bơh Kơnràñ mơ sơmbòi jơh tơl nă cau.

Luka 7:30

Mơya ală cau Pharisi mơ ală cau bơto bơta boh lam ò kòñ Jang lơh ƀaptem, gen ò dòp bơta lơh nền Yàng Tom Trồ dê ơn is bol khai in.

Luka 8:46

Mơya Yàng Jesu đơs lah: “Ngan gơs cau neh ƀư di Añ, bơh Añ git gơs gơnap gơnoar neh lik bơh Añ.”

Jang 3:10

Yàng Jesu ho lah: “Mê la cau bơto làng bol Israel dê mơ ò git bơta hơ̆ ơ?

Jang 3:21

Mơya cau lơi lơh jat jơnau song, gen lòt tus hơ bơta àng, nàng ală broă khai neh lơh tòm Yàng Tom Trồ geh yal tơlik.”

Broă 19:11

Yàng Tom Trồ ngui tê Pol lơh gơs ală bơta krơi crih crài dờng ngan,

Broă 4:30

Dan Kơnràñ pò tơlik tê nàng sơmbòi, mơ lơh ală bơta krơi tềl is bơh sơnđan Cau Duh Broă sàng goh Kơnràñ dê la Yàng Jesu.”

Broă 5:34

Mơya gơs dô nă cau Pharisi sơnđan la Gamaliel, la cau bơto bơta boh lam la cau jơh làng bol sền dờng màng, ntào digùl Mpồl Kwang Tơrña, mơ sồr cèng ală cau gơnoar bơto dờng hơ̆ lik di tiah dô êt.