Luka 4:22 - Sră Goh 2018

²² Cau lơi kung lơh cơng niam bơh Kơnràñ, ai lơh krơi bơh ală jơnau bềng bơta nđàc lik bơh di bơr Kơnràñ, mơ đơs lah: “Hơ̆ ò di la kòn Jôsep ơ?”

Luka 4:22 ပူးပေါင်းရင်းမြစ်များ

Đơs Crih 45:2

Bơtau la hàng mơnĕ rlau mơ ală kòn sau jơi kòn mơnus dê; Jơnau đơs bơr sơndồi bơtau dê la bềng bơta nđàc; Tài behơ̆ Yàng Tom Trồ neh ai lơngai bơtau in gam sùm sùm.

Đơs Crih 45:4

Tài bơh jơnau song, nàng sền gàr bơta song ngan, Tòm bơta ryŭ ryơm bơtau hào bơta pha lin rlau; Lòi tê ma bơtau dê bơto bơtau lơh ală broă cau pal rngòt.

Jơnau Pơnđik 10:32

Sơndồi cau song ring git bơta niam nùs; Mơya bơr cau rhung rhang mìng đơs bơta lac lèo.

Jơnau Pơnđik 16:21

Cau lơi gơs nùs jak chài geh sơnđan la àng loh; Jơnau bơkah lơngồt gơbơtơl bơta git jak.

Jơnau Pơnđik 25:11

Jơnau đơs di di tŭ, ò gơkrơi be plai klac màh ƀềp priă.

Cau Bơto 10:12

Jơnau đơs bơh bơr cau jak chài gơs bơta nđàc jat tơnơ̆; mơya sơndồi cau tùl gơla chu pơrguc wơl khai.

Đơs Chò 5:16

Bơr khai lơngồt bơkah; jơh ală bơta gơs tòm khai di pal kòñ gơboh ngan. Ơ ală kòn ùr Jerusalem, cau kòñ gơboh añ behơ̆, cau bơyô gơboh añ la behơ̆!

Esai 50:4

Yàng Jehôwa la Yàng Tom Trồ neh ai Añ in dô nơm lơmpiat dô nă cau bơto dê, tồ Añ in git ngui jơnau mbe lơi nàng yò đo cau bòl glar gơplơ̆ nùs. Kơnràñ pơrlai Añ kòp àng drim, Wàs tồr Añ nàng iat kung be dô nă cau geh bơto sồr.

Luka 2:47

Cau lơi kơno gen ai lơh crih crài bơh bơta jak chài mơ bơta ho Kơnràñ dê.

Luka 2:48

Dơ̆ mè bèp gŏ Kơnràñ gen ai lơh crih crài ngan, mơ mè Kơnràñ lùp lah: “Ơ kòn, ñchi bơh tài mê lơh bàr nă bol hi in be do taih? Do, bèp kòn mơ mè neh kơlôi moat ngan mơ jòi kòn.”

Luka 21:15

Bơh Añ rơp ai bol mê in jơnau đơs mơ bơta jak chài mơ ală cau sò tơm di bol mê ò rgơi tòmdră hala đơs tơrwơl.

Luka 4:21

Kơnràñ sơntòm đơs mơ bol khai lah: “Ngai do jơnau tòm Sră Goh do neh gơlik di ngan di tồr bol mê rau.”

Jang 1:45

Philip bàn Nathanael gen đơs lah: “Bol hi neh tìp Bơtau mơ Môise neh cih tòm bơta boh lam, mơ ală cau gơnoar hwơr kung neh cih sơl, hơ̆ la Jesu, kòn Jôsep dê, cau Nasaret.”

Jang 6:42

lah: “Hơ̆ ò di la Jesu kòn Jôsep dê, bol he git mè bèp khai ò ơ? Behơ̆ mbe khai đơs lah: ‘Añ bơh đang trồ mù, taih’?”

Jang 7:46

Ală cau ling ho lah: “Òhềt tŭ lơi gơs dô nă cau đơs be cau hơ̆!”

Broă 6:10

Mơya bol hơ̆ ò rgơi tòmdră mơ bơta jak chài khai dê bal mơ Yàng Hwềng Goh sơl la Bơtau ai khai in ală jơnau đơs hơ̆,

Sră Pơyoa Pol Dê Pơyoa Tit In 2:8

Jơnau đơs di gùng mơ ò gơs tiah geh lah pơrhơng, tồ cau sò tơm in ƀàssìl, ò geh jơnau lơi đơs iơh di bol he.