Luka 24:47 - Sră Goh 2018

⁴⁷ mơ cau pal ai sơnđan Kơnràñ mơ bơto yal bơta gơjrañ sang glài mơ bơta toh glài jơh ală làng bol in, rơp sơntòm bơh Jerusalem.

Luka 24:47 ပူးပေါင်းရင်းမြစ်များ

Sơnròp Gơlik Gơs 12:3

Añ rơp ai lơngai ală cau lơi ai lơngai mê in, srat rma ală cau lơi srat rma mê, mơ jơh ală làng bol tòm làm ù, rơp geh lơngai bơh dê mê.”

Đơs Crih 22:27

Jơh ală tiah lồi dut dunnia dê rơp kah mơ rê wơl hơ Yàng Jehôwa; Jơh ală jơi bơtiàn ală làng bol dê rơp duh khoai di đap Kơnràñ.

Đơs Crih 67:7

Yàng Tom Trồ gam ai lơngai sùm bol hi in; Jơh ală cau tòm làm plai ù pal duh rngòt di Kơnràñ.

Đơs Crih 86:9

Ơ Yàng, jơh ală làng bol mơ Yàng neh crơng gơs Rơp lòt tus cùn khoai di đap Yàng, mơ jòng ro sơnđan Kơnràñ.

Esai 11:10

Tòm ngai hơ̆, ryas Jese dê rơp ntào kung be bồng bi ală làng bol in, ală lơgar rơp ràn tus mơ Kơnràñ, mơ tiah ơm Kơnràñ dê rơp geh gơklŏ.

Esai 49:22

Yàng Jehôwa At Bồ Hơđang Jơh đơs be do: “Do, Añ rơp pò tê lơh tềl hơđang ală lơgar, Añ rơp bơtào bồng bi Añ jê hơđang ală làng bol; bol khai rơp cèng ală kòn klau bol mê tòm tơwòr tê bol khai dê, mơ mă àñ ală kòn ùr bol mê hơđang pơnì bol khai dê.

Esai 49:6

Kơnràñ đơs lah: “Hơ̆ la dô nơm broă dềt rhền mơ mê geh lơh gơs cau duh broă Añ jê nàng bơtào wơl ală jơi bơtiàn Jakôp dê, mơ cèng brê wơl ală cau Israel gam kis. Añ rơp lơh mê in gơs dô bơta àng ală làng bol in, tồ mê in cèng bơta dong klàs Añ jê tus hơ ală tiah lồi dut plai ù.”

Esai 5:4

Ñchi Añ rơp lơh tai suơn ño Añ in mơ Añ ò lơh gơ in taih? Tòm tŭ Añ kơp gơn plai ño niam, ñchi bơh tài gơlik plai ño brê behơ̆ taih?

Esai 52:10

Yàng Jehôwa rơp ràng tơlik tơwòr tê sàng goh Kơnràñ dê di đap mat jơh ală lơgar; mơ jơh ală tiah lồi dut plai ù rơp gŏ bơta dong klàs Yàng Tom Trồ bol he dê.

Esai 52:15

Behơ̆, Kơnràñ rơp lơh oă lơgar nrơt nrơl bơh Kơnràñ. Ală bơtau rơp tơmềm bơr bơh Kơnràñ, bơh bol khai rơp gŏ bơta òhềt gơs cau yal bol khai in, mơ bol khai rơp sền gŏ loh làng bơta bol khai òhềt kơno.

Jeremi 31:34

Bol khai kòp nă rơp ò bơto cau gơp ƀòn he hala oh mi he, mơ lah: ‘Đal git tĕ Yàng Jehôwa!’ Tài bơh bol khai jơh tơl nă rơp đal git Añ, cau dềt kung be cau dờng.” Yàng Jehôwa đơs: “Añ rơp toh bơta iơh bơsak bol khai dê, mơ ò kah bơta tìs bol khai tai.”

Daniel 9:24

Poh jơt nơm poh neh gơs lơh nền hơđang làng bol mê dê mơ ƀòn dờng sàng goh mê dê: nàng pơndut bơta tìs glài, tơnlồi bơta tồi glài, mơ tơwài bơta iơh bơsak, mơ cèng tus bơta song ring gam sùm sùm, nàng lơh gơlik di ngan bơta gơtơnggŏ mơ jơnau gơnoar hwơr, mơ bong mơñà Tiah Sàng Goh Ngan in.

Sră Ôse 11:8

Ơ Epraim, mbe Añ rgơi sang lòi mê taih? Ơ Israel, mbe Añ rgơi jào mê tòm tê cau sò tơm taih? Mbe Añ rgơi gơwèt mơ mê kung be Atma, hala lơh mê in kung be Jebôim taih? Nùs Añ wañ lơnggơh! Nùs nđàc sơngit Añ jê kung be chu be pơrguc.

Sră Ôse 2:23

Añ rơp tam khai Añ in tòm lơgar; Añ rơp nđàc sơngit di Lôruhama, mơ Añ rơp đơs mơ Lôammi, ‘Mê la làng bol Añ jê;’ mơ khai rơp đơs lah: ‘Kơnràñ la Yàng Tom Trồ añ jê.’”

Mice 4:2

Oă lơgar rơp tus mơ đơs lah: “Tus tĕ, bol he guh tĕ hơ mơnơm Yàng Jehôwa dê, tus hơ hìu Yàng Tom Trồ Jakôp dê. Kơnràñ rơp bơto bol he ală gùng dà Kơnràñ dê, nàng bol he lòt tòm ală gùng Kơnràñ dê.” Jơnau nting sồr rơp lik bơh Siôn, mơ jơnau đơs Yàng Jehôwa dê tus bơh Jerusalem.

Malaci 1:11

Bơh đah mattơngai lik jơl tus di đah mattơngai mut sơnđan Añ la dờng digùl ală lơgar, mơ kòp bă tiah gơs chu kơlhô ơn sơnđan Añ in, mơ dô nơm phan ơn sàng goh; Bơh sơnđan Añ la dờng digùl ală lơgar,” Yàng Jehôwa Gơnap Gơnoar Làm Jơh đơs behơ̆.

Mathiơ 28:19

Behơ̆, lòt tĕ lơh jơh ală làng bol in gơlik gơs cau bơtê Añ jê, ai sơnđan tĕ Yàng Bèp, Yàng Kòn mơ Yàng Hwềng Goh, lơh ƀaptem bol khai in.

Mathiơ 3:2

“Gơjrañ sang glài tĕ, bơh lơgar đang trồ neh tus rềp.”

Mathiơ 9:13

Lòt tĕ bơtê git jơnau gơtha sèng do: ‘Añ kòñ bơta kòñ nđàc, ò kòñ phan ơn duh khoai ò.’ Bơh Añ tus ò di nàng hòi cau song ring ò, mơya nàng hòi cau glài.”

Luka 13:34

Ơ Jerusalem, Jerusalem, mê tơnchơt ală cau gơnoar hwơr, cơm lŭ di ală cau kong sồr lòt tus hơ mê! Oă dơ̆ Añ kòñ pơjum tơrgòm ală kòn sau mê be iar me ngkrok ală kòn gơ tus hơđơm đar gơ dê, mơya bol mê ò bài!

Broă 10:43

Jơh ală cau gơnoar hwơr neh lơh cơng bơh Kơnràñ lah kòp nă cau lơi dòn Kơnràñ gen kơnòm di sơnđan Kơnràñ mơ dòp geh bơta toh glài.”

Broă 11:18

Dơ̆ bol khai kơno jơnau hơ̆, gen ơm mŏ mŏ, lồc behơ̆ jòng ro Yàng Tom Trồ lah: “Behơ̆, Yàng Tom Trồ kung neh ai bơta gơjrañ sang glài làng bol bơdìh in tồ bol khai geh bơta kis.”

Broă 13:46

Chòp Pol mơ Banaba khin cha đơs mơ bol khai lah: “Sơnròp ngan pal bơto jơnau Yàng Tom Trồ oh mi in; mơya tài bơh oh mi neh pơndang sang, mơ sơwì is să he ò di pal dòp bơta kis gam sùm sùm, gen tàng tŭ do bol hi wèt wơl hơ làng bol bơdìh.

Broă 2:38

Pier ho lah: “Gơjrañ sang glài tĕ, mơ kòp nă ai tĕ sơnđan Yàng Jesu Krist mơ gơs ƀaptem tồ geh toh glài he, lồc behơ̆ rơp dòp geh bơta ai gòi la Yàng Hwềng Goh.

Broă 20:21

Bơto tơnggit cau Juda kung be cau Grek in bơh bơta gơjrañ sang glài gơwèt hơ Yàng Tom Trồ mơ bơta dòn di Yàng Jesu Krist la Yàng bol he dê.

Broă 26:18

nàng pò mat bol khai, tơrwơl bol khai bơh di klam jơngo tus hơ bơta àng, mơ bơh di gơnap gơnoar cà Satan dê tus hơ Yàng Tom Trồ, behơ̆ kơnòm di bơta dòn di Añ, tồi glài bol khai dê geh toh, mơ dòp geh sre brê bal mơ ală cau geh sac rwah Yàng Tom Trồ dê.’

Broă 26:20

Mơya sơnròp ngan tòm Damas, tòm Jerusalem mơ làm jơh lơgar Jude, lồc behơ̆ tus di ală làng bol bơdìh, añ neh bơto yal lah pal gơjrañ sang glài mơ rê wơl hơ Yàng Tom Trồ, mơ lơh broă di pal mơ bơta gơjrañ sang glài.

Broă 28:28

Behơ̆ oh mi git tĕ lah bơta dong klàs do Yàng Tom Trồ dê neh geh lòt tus hơ cau làng bol bơdìh; mơ bol khai kung rơp iat sơl.” [

Broă 3:19

Behơ̆, dilah ală oh mi gơjrañ sang glài mơ rê wơl hơ Yàng Tom Trồ, gen tồi glài bol mê geh toh jơh,

Broă 4:12

Ò gơs bơta dong klàs tòm bơtau lơi ndai ò; bơh ơm tòm tiah trồ do, ò gơs sơnđan lơi ndai tai Yàng Tom Trồ ai jơi kòn mơnus in, tồ bol he in kơnòm tềng hơ̆ nàng geh dong klàs.”

Broă 5:31

Yàng Tom Trồ neh yò tơngguh Kơnràñ hơ̆ hơ đah ma Yàng Tom Trồ, lơh gơs Bơtau mơ Yàng Dong Klàs nàng ai làng bol Israel in tŭ gơjrañ sang glài mơ geh toh glài.

Rôma 5:20

Mơ tai, bơta boh lam neh mut tồ tồi glài bơtơl oă tai; mơya tiah lơi tồi glài bơtơl oă tai, gen bơta nđàc sơlo bơtơl lìu làc rlau tai,

Ephesô 1:6

nàng jòng ro bơta nđàc gơklŏ Kơnràñ dê, mơ Kơnràñ neh ai gòi bol he in tòm Kòn kòñ gơboh Kơnràñ dê.

Ephesô 3:8

Añ la cau dềt rlau jơh tòm ală cau sàng goh; bulah behơ̆ Kơnràñ neh ai añ in bơta nđàc hơ̆, nàng añ bơto yal làng bol bơdìh in bơta pas gơs ò git lơh Bơtau Krist dê,

Kôlôse 1:27

Yàng Tom Trồ kung niam nùs mơ yal bol khai in git bơta gơklŏ crih crài jơnau ndơp ndơr hơ̆ digùl làng bol bơdìh la mbe lơi, hơ̆ la Bơtau Krist ơm tòm oh mi la bơta gơn kơnòm oh mi dê, tồ geh pơnah tòm bơta gơklŏ Yàng Tom Trồ dê.

I Jang 2:12

Ơ ală kòn añ jê, añ cih ală kòn in tài bơh tồi glài ală kòn dê neh geh toh kơnòm di sơnđan Yàng Jesu Krist.