Luka 24:44 - Sră Goh 2018

⁴⁴ Mơ Kơnràñ đơs mơ bol khai lah: “Do la jơnau Añ neh đơs mơ bol mê tòm tŭ Añ gam ơm bal mơ bol mê, mbe lơi ală bơta neh cih bơh Añ tòm sră boh lam Môise dê, tòm sră ală cau gơnoar hwơr mơ tòm Sră Đơs crih pal gơlik gơs di ngan.”

Luka 24:44 ပူးပေါင်းရင်းမြစ်များ

Sơnròp Gơlik Gơs 14:18

Melchijedek, bơtau Salem dê, cèng piang lă mơ tơrnòm. Mơ tai, bơtau do la cau gơnoar ơn phan duh khoai Yàng Tom Trồ Hơđang Rlau Jơh dê.

Sơnròp Gơlik Gơs 22:18

Bơh mê neh lơh jat jơnau Añ, gen ală làng bol tòm lơgar dunnia rơp kơnòm di jơi bơtiàn mê mơ geh bơta lơngai.”

Sơnròp Gơlik Gơs 3:15

Añ rơp lơh mê mơ cau ùr in, jơi bơtiàn mê mơ jơi bơtiàn cau ùr in tòm gơjrañ bal. Khai rơp jă dê bồ mê, mơ mê rơp kap kơndòl jơng khai.”

Sơnròp Gơlik Gơs 49:10

Gai gơnap gơnoar bơtau dê ò gơtă bơh di Juda, Gai jra cau at bồ ò ngài bơh di jơng khai, Tus di tŭ Bơtau Silô tus, Mơ ală làng bol dòn duh Kơnràñ.

Đơs Crih 118:22

Pơnai lŭ mơ ală cau bơt hìu neh sang tơlik, Lŭ hơ̆ neh gơlik gơs lŭ mum hìu.

Esai 28:16

Behơ̆ tàng, Yàng Jehôwa la Yàng Tom Trồ đơs be do: “Do, Añ ơn tòm Siôn dô pơnai lŭ mơnàng hìu, dô pơnai lŭ neh kong lòng, dô nơm lŭ mum hìu màng ngan nàng lơh kơ̆ nền mơnàng; cau lơi dòn kơnòm gen rơp ò rngòt rngơt.

Esai 52:13

Do, cau duh broă Añ rơp la cau pas gơs; Khai rơp geh yò tơngguh, mơ geh jòng ro hơđang rlau jơh.

Esai 7:14

Gen tàng, să tòm Yàng Jehôwa rơp ai bol mê in dô nơm tềl krơi: Ne, dô nă cau ơruh rơp bun mơ deh dô nă kòn klau, mơ rơp tơmoh sơnđan la Emmanuel.

Esai 9:6

Bơh gơs dô nă kòn dềt tơnggơs bol he in, hơ̆ la dô nă kòn klau ai bol he in, gơnoar at bồ rơp ơn hơđang pơnì Kơnràñ dê. Kơnràñ rơp geh sơnđan la Bơtau Jak Chài Crih Crài, la Yàng Tom Trồ Gơnap Gơnoar Dờng, la Bèp Gam Sùm Sùm, la Bơtau Ring Lơngai.

Jeremi 23:5

Yàng Jehôwa đơs: “Ală ngai rơp tus nền cê, Tŭ hơ̆ Añ rơp bơtào Dabit in dô Ntê Song Ring. Kơnràñ rơp lơh gơs bơtau ai bơta jak chài at bồ, Lơh bơta song ngan mơ song ring hơđang ù.

Jeremi 33:14

Yàng Jehôwa đơs tai: ‘Ală ngai nền cê ngan rơp tus, tŭ hơ̆ Añ rơp lơh wil tơl jơnau Añ neh ho mơ hìu Israel mơ hìu Juda.

Ejekiel 17:22

Jehôwa Yàng Tom Trồ đơs lah: “Să tòm Añ rơp ai dô nơm sơmbut bơh hơđang bồ chi nho rề mơ Añ rơp tam gơ; Añ rơp dơrpă dô nơm ntê lơbơn bơh di sơmbut hơđang cồng bồ gơ mơ tam gơ hơđang dô nơm mơnơm jơnhoa.

Ejekiel 34:23

Añ rơp bơtào hơđang bol gơ dô nă cau ê, hơ̆ la Dabit cau duh broă añ jê, khai rơp ròng siam bol gơ; mơ lơh gơs cau ê gàr bol gơ.

Daniel 2:44

Tòm rài ală cau bơtau do, Yàng Tom Trồ ơm hơđang trồ rơp bơtào tơngguh dô nơm lơgar ò gơs tŭ lơi kòl tơnroh hala kong alah. Lơgar hơ̆ rơp jan bơcah mơ tơnroh jơh ală lơgar jơl lồi dut, mơ lơgar hơ̆ rơp bơtào kơ̆ gam sùm sùm.

Daniel 7:13

Tòm bơta gơtơnggŏ tòm trồ mang, Añ kung gŏ dô Bơtau gơs rùp să be Kòn mơnus tus digùl ală puk mhwal hơđang trồ. Kơnràñ guh tus hơ Bơtau Yau Òr, mơ geh tơlik mat di đap Bơtau hơ̆.

Sră Ôse 3:5

Tơnơ̆ mơ hơ̆, làng bol Israel rơp rê wơl jòi jat Jehôwa la Yàng Tom Trồ bol khai dê, mơ Dabit la cau bơtau bol khai dê. Tòm ală ngai lồi dut bol khai rơp rngòt rơm să mơ rê wơl hơ Yàng Jehôwa, mơ dòp geh bơta lơngai lơngò Kơnràñ dê.

Amôs 9:11

“Tòm ngai hơ̆, Añ rơp bơtào wơl sàl Dabit neh gơtơrlơm, Añ rơp rcang wơl ală tiah neh tơrlah gơ dê, bơt wơl bơta tơnroh lề lac gơ dê, mơ bơtào wơl kung be gơ neh gơs lài òr;

Sacari 12:10

“Mơ Añ rơp tuh tơlik Hwềng bơta nđàc mơ bơta rac dan hơđang hìu Dabit mơ hơđang làng bol Jerusalem. Bol khai rơp sền gŏ Bơtau mơ bol khai neh srơp, mơ bol khai rơp ñìm rac bơh Kơnràñ kung be cau ñìm rac bơh dô nă kòn dùl, mơ ñìm rac sràt bơtang bơh Kơnràñ, kung be cau moat jrùng jê sồt bơh dô nă kòn klau tơnhoa he dê.

Sacari 13:7

Yàng Jehôwa Gơnap Gơnoar Dờng Làm Jơh đơs lah: “Ơ đào, kah rngal tĕ tòmdră mơ cau ê belàt Añ jê, tòmdră mơ cau neh lơh jơnau tòmkơt mơ Añ! Pù lơh tĕ cau ê belàt, mơ ală belàt rơp nrah nring, mơ Añ rơp tơrwơl tê tòmdră mơ ală kòn dềt.”

Sacari 14:4

Tòm ngai hơ̆, jơng Kơnràñ dê rơp ntào hơđang mơnơm Ôlibe, đah mattơngai lik Jerusalem dê, mơ mơnơm Ôlibe rơp gơblah digùl, bơh đah mattơngai lik tus hơ đah mattơngai mut, lơh gơs dô nơm thòng dờng digùl nggùl mơnơm pơrdô hơ đah đang mơ nggùl pơrdô hơ đah đơm.

Sacari 6:12

Đơs tĕ mơ khai lah Yàng Jehôwa Gơnap Gơnoar Dờng Làm Jơh neh đơs be do: ‘Do la dô nă cau gơs sơnđan la Sơmbut Ntê Chi, mơ khai rơp lik bơh di tiah khai dê mơ bơt bơtào hìu duh khoai Yàng Jehôwa dê.

Sacari 9:9

Ơ kòn ùr Siôn, hòn chò hừh hơh tĕ! Ơ kòn ùr Jerusalem, driau dờng tĕ! Ne, Bơtau ai dê tus mơ ai, Kơnràñ la Bơtau pha lin mơ ai bơta pha lin rlau, pơndêt să mơ hào hơđang dô nơm alàng, dô nơm alàng kòn, kòn alàng me dê.

Khà Làng Bol 21:8

Yàng Jehôwa đơs mơ Môise lah: “Lơh gơs tĕ dô nơm bơs khih mơ yồng gơ hơđang dô nơm jrong; cau lơi neh bơs kap tơnggòr sền di gơ gen geh kis.”

Khà Làng Bol 35:25

Mpồl jơnum pal dong gàr cau kong yă neh tơnchơt cau bơh di cau sal tê bơh mhàm mơ sồr cèng brê khai wơl hơ ƀòn dờng kìng crŭ la tiah khai neh dô tus. Khai pal ơm tềng hơ̆ jơl tus di tŭ chơt cau gơnoar lam bồ ơn phan duh khoai, la cau neh geh bong mơ mơñà sàng goh.

Mathiơ 1:22

Jơh ală bơta do neh gơlik gơs, tồ gơlik di ngan be jơnau Yàng neh đơs bơh cau gơnoar hwơr lah:

Mathiơ 16:21

Bơh tŭ hơ̆, Yàng Jesu sơntòm yal ală cau bơtê in git Kơnràñ pal lòt tus hơ Jerusalem, pal kong oă bơta jê sồt bòl glar bơh ală cau kwang kra, ală cau gơnoar lam bồ ơn phan duh khoai, ală cau bơto bơta boh lam, mơ pal kong tơnchơt, tus dê ngai pe gen geh kis wơl.

Mathiơ 26:54

Mơya dilah behơ̆, gen mbe lơi Sră Goh gơlik di ngan nàng broă do pal gơlik gơs taih?”

Mathiơ 26:56

Mơya jơh ală bơta do neh gơlik tus nàng jơnau ală cau gơnoar hwơr dê gơlik di ngan.” Tŭ hơ̆ jơh ală cau bơtê sang lòi Kơnràñ mơ dô.

Jơnau Niam Jat Mak 9:31

Bơh Kơnràñ bơto sồr ală cau bơtê lah: “Kòn Mơnus rơp gơkòl bơtào tòm tê cau, mơ bol hơ̆ rơp tơnchơt Khai. Neh sir tơnchơt Khai, gen tơnơ̆ mơ pe ngai Khai rơp kis wơl.”

Luka 21:22

Bơh hơ̆ la ală ngai lơh glài, tồ jơh ală bơta neh cih gơlik gơs di ngan.

Luka 22:37

Bơh Añ đơs mơ bol mê, jơnau Sră Goh neh cih lah: ‘Cau kòp Kơnràñ tòm sèng cau glài,’ pal gơlik di ngan di Añ. Bơh ală bơta neh cih bơh Añ pal gơlik gơs di ngan.”

Luka 24:46

mơ đơs mơ bol khai lah: “Gơs jơnau cih lah Bơtau Krist pal kong bòl glar, mơ tòm ngai pe kis wơl bơh bơta chơt,

Luka 9:22

mơ lah: “Kòn Mơnus pal kong oă bơta bòl glar, kong ală cau kwang kra, ală cau gơnoar lam bồ ơn phan duh khoai, mơ ală cau bơto bơta boh lam sang lòi, mơ kong cau tơnchơt, gen tus di ngai pe geh kis wơl.”

Luka 9:44

“Ai tĕ ală jơnau do mut tòm tồr bol mê: Kòn mơnus rơp gơkòl bơtào tòm tê cau sò tơm.”

Jang 3:14

Be Môise yồng bơs tòm ƀlàng bràs be lơi, gen Kòn Mơnus kung pal kong yồng behơ̆ sơl,

Jang 5:39

Bol mê sền sơwì Sră Goh, bơh kơlôi tòm hơ̆ gơs bơta kis gam sùm sùm; hơ̆ la Sră Goh lơh cơng bơh Añ;

Jang 5:46

Bơh dilah bol mê dòn Môise, gen kung dòn Añ sơl, bơh khai neh cih bơh Añ.

Broă 13:33

lah Kơnràñ neh lơh gơlik di ngan jơnau ho pơgon hơ̆ bol he in la kòn sau bol khai dê, tòm tŭ lơh Yàng Jesu in kis wơl, be neh cih tòm sră Đơs Crih tap bàr lah: ‘Mê la Kòn Añ, Ngai do Añ neh tơnggơs mê.’

Broă 13:40

Gen tàng kơrhia tĕ, bañ lòi gơkòl tòm ală bơta ală cau gơnoar hwơr neh đơs:

Broă 2:27

Tài bơh Yàng ò sang hwềng soàn añ tòm lơgar Làng ƀồc, Kung ò ai Bơtau sàng goh Kơnràñ dê gŏ bơta ồm lề ò.

Broă 3:18

Mơya Yàng Tom Trồ neh ngui bơta hơ̆ nàng lơh gơlik di ngan jơnau Kơnràñ neh yal lài bơh bơr ală cau gơnoar hwơr lah Bơtau Krist Kơnràñ dê pal kong jê sồt.

Broă 7:37

Să tòm Môise do neh đơs mơ kòn sau Israel lah: ‘Yàng Tom Trồ rơp bơh digùl bol mê mơ bơtào tơngguh dô nă Cau gơnoar hwơr be añ.’

Hebrơ 10:1

Mơ tai, bơta boh lam mìng lơh rùp sơnio bơh ală phan niam rơp tus, ò di la să ngan ală phan hơ̆ dê, gen tàng ò gơs tŭ lơi rgơi kơnòm di ală phan ơn duh khoai ndròm bal ơn sùm kòp nam, nàng dong ală cau tus rềp gơlik gơs wil tơl ò.

Hebrơ 3:5

Môise ngan neh dòn song tòm jơh hìu Yàng Tom Trồ dê be dô nă cau dĭ gơna, nàng lơh cơng bơh ală bơta rơp đơs bơh tơnơ̆.

Hebrơ 7:1

Melcijedek do la bơtau Salem dê, cau gơnoar ơn phan duh khoai Yàng Tom Trồ Hơđang Rlau Jơh dê, neh lik wă rò Abraham mơ ai lơngai khai in tòm tŭ khai rê bơh tòmlơh geh pha lin mơ ală bơtau.

Hebrơ 9:8

Yàng Hwềng Goh ai bơta hơ̆ sơnio lah tŭ lơi Hìu Ing Duh Khoai sơnròp gam gơs, gen gùng mut tòm Tiah Sàng Goh Ngan òhềt pò tơlik.

I Pier 1:11

Bol khai sơwì tồ git tŭ lơi, mơ mbe lơi bơta hơ̆ rơp tus. Do la bơta mơ Hwềng Bơtau Krist dê ơm tòm bol khai neh sơnio, đơs lài bơh bơta jê sồt bòl glar Bơtau Krist pal kong mơ bơh bơta gơklŏ jat tơnơ̆.

Yal Tơlik 19:10

Gen añ tơmbic să di jơng khai nàng duh khoai khai, mơya khai đơs mơ añ lah: “Bañ lơh behơ̆, añ la cau bơyô duh broă bal mơ mê mơ oh mi mê sơl, la ală cau lơh cơng bơh Yàng Jesu. Duh khoai tĕ Yàng Tom Trồ. Bơh jơnau song mơ Yàng Jesu neh ràng tơlik la bơta lơh rngoh rngac ală cau gơnoar hwơr in.”